អញ្ជើញចូលរួមពិធីបញ្ចុះសពលោកអគ្គលេខាបក្ស Nguyen Phu Trong មានប្រធានរដ្ឋលោក To Lam នាយករដ្ឋមន្ត្រីលោក Pham Minh Chinh ប្រធានរដ្ឋសភា លោក Tran Thanh Man ភ្ញៀវកិត្តិយសអន្តរជាតិ អតីតថ្នាក់ដឹកនាំបក្ស រដ្ឋ និងតំណាង ស្ថាប័ន អង្គការ និងមូលដ្ឋាននានា។

  ពិធីបញ្ចុះសពលោកអគ្គលេខាបក្ស Nguyen Phu Trong នៅឈាបនដ្ឋាន Mai Dich (រូបថត៖ TTXVN)  

  សមាជិកការិយាល័យនយោបាយ សមាជិកអចិន្ត្រៃយ៍នៃគណៈលេខា លោក Luong Cuong ប្រធានគណៈកម្មាធិការរៀបចំបុណ្យសពបានថ្លែងនៅពិធី។ (រូបថត៖ TTXVN)  

ពិធីបញ្ចុះសពបានចាប់ផ្ដើមនៅវេលាម៉ោង ១៥:០០ រសៀល នៅចំពោះមុខថ្នាក់ដឹកនាំបក្ស រដ្ឋ និងក្រុមគ្រួសារលោកអគ្គលេខាបក្ស។ លោកជំទាវភរិយា ក្រុមគ្រួសាររបស់លោកអគ្គលេខាបក្ស រួមជាមួយនឹងថ្នាក់ដឹកនាំបក្ស និងរដ្ឋបានដាក់ផ្កានិងដីមួយក្តាប់ដៃចូលទៅក្នុងផ្នូរ។

បន្ទាប់ពីពិធីបិទផ្នូរ កម្រងផ្កាស្រស់ៗត្រូវបានក្រុមទ័ពកិត្តិយសដាក់លើផ្នូរ។ ក្រុមគ្រួសារ និងគណៈប្រតិភូទាំងអស់ ដែលមានវត្តមាននៅឈាបនដ្ឋាន Mai Dich បានធ្វើការស្មឹងស្មាធមួយនាទី ដើម្បីរំលឹកដល់លោកអគ្គលេខាបក្ស Nguyen Phu Trong។

ថ្លែងមតិបន្ទាប់ពីពិធីបញ្ចុះសព សមាជិកការិយាល័យនយោបាយ សមាជិក អចិន្ត្រៃយ៍នៃគណៈលេខា លោក Luong Cuong ប្រធានគណៈកម្មាធិការរៀបចំបុណ្យសពបានថ្លែងអំណរគុណចំពោះថ្នាក់ដឹកនាំបក្ស រដ្ឋ គណៈប្រតិ ភូ ភ្ញៀវកិត្តិយស ជនរួមជាតិ អង្គភាពកងកម្លាំងប្រដាប់អាវុធ បញ្ញវន្ត អ្នកមុខអ្នកការសាសនា អង្គទូត ថ្នាក់ដឹកនាំបណ្ដាប្រទេស អង្គការនិងមិត្តភក្តិអន្តរជាតិបានមកគោរពវិញ្ញាណក្ខ័ន្ធ ផ្ញើកម្រងផ្កា សារចូលរួមរំលែកទុក្ខ ចូលរួមពិធីរំលឹកវិញ្ញាណក្ខន្ធ ពិធីបញ្ចុះសពនិងជូនដំណើរលោកអគ្គលេខាបក្ស Nguyen Phu Trong ទៅកាន់កន្លែងសម្រាកចុងក្រោយ។

ថ្នាក់ដឹកនាំបក្សនិងរដ្ឋ ភ្ញៀវអន្តរជាតិ និងក្រុមគ្រួសារលោកអគ្គលេខាបក្ស បានអុជធូបនិងដើរជុំវិញផ្នូរដើម្បីជម្រាបលាលោកអគ្គលេខាបក្ស Nguyen Phu Trong ដែលជាយុទ្ធជនកុម្មុយនិស្ត ថ្នាក់ដឹកនាំឈ្លាសវៃ កុលបុត្រឆ្នើមរបស់ប្រជាជាតិវៀតណាម។ មនុស្សជាច្រើនទប់ទឹកភ្នែកមិនបាន ក្នុងវេលាចុងក្រោយជូនដំណើរលោកអគ្គលេខាបក្ស Nguyen Phu Trong៕