ពិធីដង្ហែហូយយ៉ាត្រូវបានរៀបចំជារៀងរាល់ឆ្នាំ នាថ្ងៃទី ១០ ខែ០៣ (តាមចន្ទគតិ) ដើម្បីរំលឹក គុណូបការៈមេបញ្ជាការលីភូងម៉ាន មានស្រុកកំណើតនៅភូមិយ៉ា ( ឃុំអៀនសើ ស្រុកមីឌឹក រដ្ឋធានីហាណួយ) មានគុណជួយស្តេចលីណាមដេ (៥៤២) វាយបណ្តេញពួកឈ្លានពាន កសាងរដ្ឋវ៉ានស្វឹន។ ពិធីបុណ្យភូមិយ៉ាត្រូវបន្តរក្សាទុកផ្សព្វផ្សាយក្នុងប្រជាជននៃតំបន់ឌ័យ ពីព្រោះតែភាពពិសេសក្នុងពិធីការដង្ហែហូយយ៉ានេះ។
នារសៀលថ្ងៃទី ១០ ខែ០៣ ពិធីដង្ហែចាប់ផ្តើមធ្វើដំណើរពីក្វានយ៉ាទៅតាមដងទំនប់ មកដល់អារាមភូមិ។ ក្រុមដង្ហែរួមមានប្រមាណ ៥០០ នាក់សុទ្ធតែជាប្រុសក្នុងភូមិ។ ឈានទៅមុខគឺក្រុមរាំទង់ ទង់ទិព្វ ស្គរ ផ្កា កងទ័ព…ជិតចុងក្រោយក្រុមដង្ហែគឺទីសក្ការៈបូជា ស្នែង ហើយចុងក្រោយគឺក្រុមដង្ហែគឺទង់ ឆ័ត្រ ពិធិដង្ហែមាន ២១ ក្រុមមនុស្សដែលពាក់សំលៀកបំពាក់ជាដោយឡែក។
មកដល់អារាមភូមិ ក្រុមដង្ហែឈប់នៅលើទំនប់ មានតែមេទង់ និងបណ្តាមន្ត្រីនិងស្នែងចូលក្នុងអារាម ដើម្បីធ្វើពិធីទទួលក្បូនដង្ហែមកដល់។ ពិធីនេះសម្រេចហើយ ក្រុមដង្ហែត្រឡប់មកវិញតាមផ្លូវចាស់និងសណ្តាប់ធ្នាប់ដូចពេលទៅ។ ក្នុងក្រុមដង្ហែមានកុមារពាក់សំលៀកបំពាក់ពណ៌ខៀវ ចំនួន ៨៤ នាក់ ដែលហៅថាមេទង់ត្រូវបានទទួលបញ្ជាការពីប្រុសម្នាក់ហៅថាមេសញ្ញា។
នៅពេលត្រឡប់ក្វានយ៉ាវិញ ក្រុមដង្ហែរៀបចំពិធីបុណ្យរៀបក្បូនទ័ព។ ការរៀបក្បូនទ័ពគឺល្បែងអនុវត្តន៍ឡើងវិញពីវិធីធ្វើសឹកសង្គ្រាមជាមួយពួកឈ្លានពានលឿងរបស់មេបញ្ជាការលីភូងម៉ាន នៅពេលជួយស្តេចលីណាមដេកសាងរដ្ឋ។ តាមសំលេងស្គរ ក្បូនទ័ពនឹងទៅពីខាងក្នុងក្វានយ៉ាទៅដល់ធ្លា ហើយធ្វើទៅជារង្វង់ ពីខាងក្រៅចូលខាងក្នុងបង្កើតបណ្តារង្វង់ កាន់តែចូលខាងក្នុង ក្បូនទ័ពរត់កាន់តែលឿននិងបង្កើតសូរសំលេងដ៏អង់អាចក្លាហាន៕
អនុវត្ត៖ វៀតកឿង