នាយប់ថ្ងៃទី១៥ខែមករា ស្ថានទូតចិនប្រចាំវៀតណាមបានរៀបចំពិធីជប់លៀងអបអរសាទរខួបលើកទី ៧០ ទិវាបង្កើតទំនាក់ទំនងការទូតរវាង វៀតណាម-ចិន (ថ្ងៃទី១៨មករាឆ្នាំ១៩៥០-ថ្ងៃទី១៨មករាឆ្នាំ២០២០)។
ឧបនាយករដ្ឋមន្រ្តីប្រចាំការរដ្ឋាភិបាលវៀតណាម លោក Truong Hoa Binh (ខាងឆ្វេង) និងឯកអគ្គរដ្ឋទូតចិនប្រចាំវៀតណាមលោក Xiong Bo(រូបថត៖ TTXVN)
ថ្លែងនៅពិធីនេះ ឧបនាយករដ្ឋមន្រ្តីប្រចាំការរដ្ឋាភិបាលវៀតណាម លោក Truong Hoa Binh បានវាយតម្លៃខ្ពស់ចំពោះរាល់សមិទ្ធផលក្នុងទំនាក់ទំនងរវាងប្រទេសទាំងពីរក្នុងអំឡុងពេល ៧០ ឆ្នាំកន្លងទៅ ព្រមទាំង អះអាងថា បក្ស រដ្ឋនិងប្រជាជនវៀតណាមគោរពនិងមានបំណងយ៉ាងពិតប្រាកដចង់រួមជាមួយបក្ស រដ្ឋនិងប្រជាជនចិន ជំរុញទំនាក់ទំនងភាពជាដៃគូសហប្រតិបតិ្តការយុទ្ធសាស្ត្រគ្រប់ជ្រុងជ្រោយវៀតណាម-ចិន អោយកាន់តែរីកចម្រើនប្រកបដោយស្ថិរភាព ស្មោះត្រង់និងចីរភាព ដើម្បីផលប្រយោជន៍រួមរបស់ ប្រទេសទាំងពីរនិងប្រជាជននៃប្រទេសទាំងពីរ ក៏ដូចជារួមចំណែកយ៉ាង ជាក់ស្ដែងចំពោះសន្តិភាព កិច្ចសហប្រតិបតិ្តការនិងការអភិវឌ្ឍក្នុងតំបន់និង លើពិភពលោក។
រីឯខ្លួនវិញ ឯកអគ្គរដ្ឋទូតចិនប្រចាំវៀតណាមលោក Xiong Bo បាន សម្ដែងនូវគោលបំណងថា នាពេលខាងមុខ ភាគីទាំងពីរនឹងបន្តពង្រីកចំណងមិត្តភាពប្រពៃណី បង្កើនជំនឿទុកចិត្តខាងនយោបាយ ធ្វើអោយស៊ីជំរៅថែមទៀតនូវកិច្ចសហប្រតិបតិ្តការដើម្បីផលប្រយោជន៍ទៅវិញទៅមក ជំរុញអោយទំនាក់ទំនងរវាងចិន-វៀតណាមរីកចម្រើនដោយឥតឈប់ឈរ នាំមកនូវផលប្រយោជន៍ជាក់ស្ដែងសម្រាប់ប្រជាជននៃប្រទេសទាំងពីរ៕
តាម VOV5 - វិទ្យុសម្លេងវៀតណាម