សមមិត្ត សាយសំផន ភូមិវិហារ កើតនៅថ្ងៃទី១២ ខែធ្នូ ឆ្នាំ១៩៥៦ ជាសមាជិកការិយាល័យនយោបាយនៃមជ្ឈិមបក្សប្រជាជនបដិវត្តន៍ឡាវ ប្រធានរដ្ឋសភានៃសាធារណរដ្ឋប្រជាធិបតេយ្យប្រជាមានិតឡាវ បានទទួលមរណភាពនៅថ្ងៃទី៨ ខែសីហា ឆ្នាំ២០២៦ ក្នុងជន្មាយុ ៧០ឆ្នាំ។

សមមិត្ត សាយសំផន ភូមិវិហារ គឺជាថ្នាក់ដឹកនាំសំខាន់ម្នាក់របស់បក្សប្រជាជនបដិវត្តន៍ឡាវ ជាមនុស្សម្នាក់ដែលបានចូលរួមចំណែកយ៉ាងសំខាន់ដល់បដិវត្តន៍ឡាវ ក៏ដូចជាការពារ កសាង និងអភិវឌ្ឍន៍ប្រទេសឡាវ។ សមមិត្ត សាយសំផន ភូមិវិហារ គឺជាថ្នាក់ដឹកនាំម្នាក់ដែលបានដើរតួនាទីយ៉ាងសំខាន់ក្នុងការបន្តវេន ថែរក្សា និងអភិវឌ្ឍន៍មិត្តភាពដ៏អស្ចារ្យ សាមគ្គីភាពពិសេស កិច្ចសហប្រតិបត្តិការដ៏ទូលំទូលាយ និងចំណងមិត្តភាពជាយុទ្ធសាស្ត្ររវាងវៀតណាម និងឡាវ។ មរណភាពរបស់លោកគឺជាការបាត់បង់ដ៏ធំមួយសម្រាប់ប្រទេសឡាវ និងចំពោះទំនាក់ទំនងវៀតណាម-ឡាវ។

ដើម្បីសម្តែងការចូលរួមរំលែកទុក្ខចំពោះសមមិត្ត សាយសំផន ភូមិវិហារ និងដែលកើតចេញពីទំនាក់ទំនងពិសេសរវាងវៀតណាមនិងឡាវ គណៈកម្មាធិការមជ្ឈិមបក្សកុម្មុយ និស្តវៀតណាម រដ្ឋសភានៃសាធារណរដ្ឋសង្គមនិយមវៀតណាម ប្រធានរដ្ឋនៃសាធារណរដ្ឋសង្គមនិយមវៀតណាម រដ្ឋាភិបាលនៃសាធារណរដ្ឋសង្គមនិយមវៀតណាម និងគណៈកម្មា ធិការមជ្ឈិមរណសិរ្សមាតុភូមិវៀតណាម បានសម្រេចប្រារព្ធពិធីកាន់ទុក្ខជាតិរយៈពេលពីរថ្ងៃសម្រាប់សមមិត្ត សាយសំផន ភូមិវិហារ ចាប់ពីថ្ងៃទី១០ ដល់ថ្ងៃទី១១ ខែសីហា ឆ្នាំ២០២៦។

ក្នុងអំឡុងពេលនេះ គ្រប់ស្ថាប័ន និងការិយាល័យទូទាំងប្រទេស និងការិយាល័យតំណាង វៀតណាមនៅបរទេសនឹងបង្ហូតទង់ជាតិពាក់កណ្តាលដង ជាមួយនឹងខ្សែបូកាន់ទុក្ខតាមការកំណត់; ពុំរៀបចំសកម្មភាពកម្សាន្តសាធារណៈណាមួយឡើយ៕