នៅក្នុងសន្និសីទ គណៈប្រតិភូបានពិភាក្សា និងផ្តល់មតិយោបល់លើសេចក្តីព្រាងនីតិវិធីរៀបចំសន្និសីទថ្នាក់ប្រធានរដ្ឋសភាកម្ពុជា - ឡាវ - វៀតណាម សំដៅពង្រឹង និងពង្រីកចំណងមិត្តភាព សាមគ្គីភាពប្រកបដោយចីរភាព និងកិច្ចសហប្រតិបត្តិការដ៏ល្អប្រសើររវាងប្រទេសទាំងបី ផ្តោតលើការអភិវឌ្ឍសេដ្ឋកិច្ចសង្គមដើម្បីវិបុលភាពរបស់បណ្តាប្រទេស; ជម្រុញ និងឃ្លាំមើលការអនុវត្តកិច្ចព្រមព្រៀង ផែនការសកម្មភាព និងគម្រោងសហប្រតិបត្តិការដែលរដ្ឋាភិបាលនៃប្រទេសទាំងបីបានអនុម័ត; បង្កើនការផ្លាស់ប្តូរ ផ្សព្វផ្សាយព័ត៌មាននិងបទពិសោធន៍ជាក់ស្តែងអំពីតួនាទី និងភារកិច្ចនីតិបញ្ញត្តិរបស់រដ្ឋសភានៃប្រទេសទាំងបី កៀងគរ និងបែងចែកថវិកាពីដៃគូនានាក្នុងតំបន់ កម្ពុជា- ឡាវ - វៀតណាម ដើម្បីអនុវត្តន៍ផែនការនិងគម្រោងនៅក្នុងតំបន់ត្រីកោណកម្ពុជា- ឡាវ - វៀតណាម។

ប្រធានគណៈកម្មាធិការកិច្ចការបរទេសទាំងបីបានឯកភាពបន្តត្រៀមរៀបចំយ៉ាងល្អនូវសន្និសីទលើកដំបូងរវាងរដ្ឋសភានៃប្រទេសទាំងបី ដែលដឹកនាំដោយប្រធានរដ្ឋសភានៃប្រទេសទាំងបី; ធានាឲ្យបាននូវខ្លឹមសារជាក់ស្តែង ប្រកបដោយប្រសិទ្ធភាព និងច្បាមជាប់ខ្លឹមសារនៃកិច្ចសហប្រតិបត្តិការរវាងប្រទេសទាំងបី និងរដ្ឋសភាទាំងបី៕