ទិដ្ឋភាពនៃជំនួប (រូបថត៖ VNA)  

សន្និសីទថ្នាក់រដ្ឋមន្ត្រីលើកទី១៦ ស្តីពីការតភ្ជាប់សេដ្ឋកិច្ចរវាងវៀតណាម និងសិង្ហបុរីបានប្រព្រឹត្តទៅកាលពីម្សិលមិញ (ថ្ងៃទី២ ខែធ្នូ) នៅប្រទេសសិង្ហបុរី ក្រោមអធិបតីភាពរបស់រដ្ឋមន្ត្រីក្រសួងផែនការ និងវិនិយោគវៀតណាម លោក Nguyen Chi Dung ជាមួយរដ្ឋមន្ត្រីក្រសួងឧស្សាហកម្ម និងពាណិជ្ជកម្ម និងជារដ្ឋមន្ត្រីក្រសួងធនធានមនុស្សសិង្ហបុរីលោក Tan See Leng ។

នៅក្នុងសន្និសីទនេះ ភាគីទាំងពីរបានពិភាក្សាអំពីលទ្ធផលដែលសម្រេចបានក្នុងវិស័យសហប្រតិបត្តិការចំនួន ៧ ចាប់តាំងពីសន្និសីទលើកទី ១៥ ដែលប្រព្រឹត្តទៅនៅទីក្រុងហាណូយ នាខែវិច្ឆិកា ឆ្នាំ ២០២១ រហូតមកដល់បច្ចុប្បន្ន និងពិភាក្សាអំពីទិសដៅបើកទូលាយកិច្ចសហប្រតិបត្តិការលើវិស័យថាមពលកកើតឡើងវិញ និងនវានុវត្តន៍ ដូចជា មេដឹកនាំជាន់ខ្ពស់នៃប្រទេសទាំងពីរបានយល់ព្រមក្នុងអំឡុងពេលដំណើរទស្សនកិច្ចជាន់ខ្ពស់ទៅវិញទៅមកកន្លងទៅ។  វៀតណាមបានបញ្ជាក់ពីទស្សនៈ និងចំណាប់អារម្មណ៍ក្នុងកិច្ចសហប្រតិបត្តិការសេដ្ឋកិច្ចជាមួយសិង្ហបុរី; ស្នើឱ្យភាគីសិង្ហបុរីខិតខំប្រឹងប្រែងសម្របសម្រួលការអនុវត្តគំនិតផ្តួចផ្តើមថ្មីក្នុងក្របខ័ណ្ឌនៃកិច្ចព្រមព្រៀងតភ្ជាប់សេដ្ឋកិច្ចវៀតណាម-សិង្ហបុរី។ បន្ទាប់ពីសន្និសីទ លោករដ្ឋមន្ត្រី Nguyen Chi Dung និងលោករដ្ឋមន្ត្រី Tan See Leng បានធ្វើជាសាក្សីក្នុងពិធីចុះហត្ថលេខាលើអនុស្សរណៈនៃកិច្ចសហប្រតិបត្តិការ លើវិស័យនវានុវត្តន៍រវាងមជ្ឈមណ្ឌលនវានុវត្តន៍ជាតិ​វៀតណាម ​និងនាយកដ្ឋានអាស៊ីអាគ្នេយ៍ និងអូសេអានី (SEAO) នសក្រសួងឧស្សាហកម្ម និងពាណិជ្ជកម្មសិង្ហបុរីផងដែរ៕