![](https://imagevietnam.vnanet.vn/Upload/2019/9/29/29092019143158760quangbavanhoavntaihoichomeltphap_hixj.jpg)
ពិធីកាត់ខ្សែបូរបើកសម្ពោធពិព័រណ៍ Metz (រូបថត៖ VOV)
នាថ្ងៃទី២៧ ខែកញ្ញា ពិព័រណ៍អន្តរជាតិឆ្នាំ២០១៩ទីក្រុង Metz ភាគខាងកើត ប្រទេសបារាំង បានប្រារព្ធធ្វើឡើងជាផ្លូវការ។ វៀតណាម ដែលត្រូវបានអញ្ជើញជាភ្ញៀវកិត្តិយសចូលរួមព្រឹត្តិការណ៍នេះ បានឧទ្ទេសនាមអំពីផលិតផលវប្បធម៌ ដ៏វិសេសវិសាលទៅកាន់ប្រជាជនបារាំងនិងអន្តរជាតិ។
ក្រុមវៀតណាមបានរៀបចំលំហដោយមានផ្ទៃដី៣០០០ម៉ែត្រការ៉េ អោយក្លាយទៅជា “ប្រទេស វៀត =ណាមមីនី” មួយ ដោយមានតំបន់ចំនួន៣នោះគឺវប្បធម៌ ទេសចរណ៍ ពាណិជ្ជកម្មនិងចំណីអាហារ។ លោក Nghiem Xuan Dong នាយក រងទទួលបន្ទុកមជ្ឈមណ្ឌលវប្បធម៌វៀតណាមនៅបារាំងបានអោយដឹងថា៖
“ក្នុងពិព័រណ៍លើកនេះ យើងខ្ញុំបានដំណើរការសកម្មភាពសិល្បៈជាច្រើននៃ រោងល្ខោន cheo វៀតណាម និងរោងល្ខោនអាយ៉ង់វៀតណាម។ ក្រៅពីនោះ យើងខ្ញុំក៏បានរៀបចំសប្ដាហ៍ខ្សែភាពយន្តវៀតណាម ពិព័រណ៍រូបថតរបស់បណ្ដាសិល្បៈករល្បីល្បាញនៃទីក្រុងហាណូយ ក៏ដូចជាឧទ្ទេសនាមអំពីសិល្បៈប្រពៃណីរបស់វៀតណាមដូចជាការស្មូនតុក្កតា to he និងការសរសេរអក្សរផ្ចង់ ទៅកាន់ មហាជនបារាំងទៀតផង”។
គួរបញ្ជាក់ថា ពិព័រណ៍អន្តរជាតិ Metz ជាពិព័រណ៍មួយក្នុងចំណោមពិព័រណ៍ ធំបំផុតទាំង៣នៃបារាំង ដែលត្រូវបានរៀបចំឡើងជារៀងរាល់ឆ្នាំ ដោយមានការចូលរួមរបស់សហគ្រាសរាប់ពាន់អង្គភាពនៃតំបន់ Grand-Est របស់បារាំង៕
តាម VOV5 - វិទ្យុសម្លេងវៀតណាម