នារសៀលថ្ងៃទី១០ ខែធ្នូ លោកនាយករដ្ឋមន្ត្រីវៀតណាម Pham Minh Chinh បានបញ្ចប់ដំណើរទស្សនកិច្ចជាផ្លូវការនៅលុចសំបួ។ រូបថត៖ VOV  

ក្នុងរយៈពេលពីរថ្ងៃចាប់ពីថ្ងៃទី៩ ដល់ថ្ងៃទី១០ ខែធ្នូ ប្រព័ន្ធផ្សព្វផ្សាយលុចសំបួបានចុះផ្សាយព័ត៌មានជាច្រើនអំពីដំណើរទស្សនកិច្ចរបស់លោកនាយករដ្ឋមន្ត្រីវៀតណាម Pham Minh Chinh ដោយចាត់ទុកថា ដំណើរទស្សនកិច្ចនេះនឹងរួមចំណែកពង្រឹងថែមទៀតទំនាក់ទំនងរវាងវៀតណាមនិងលុចសំបួ។

កាសែត "ប្រជាជនលុចសំបួ" (ZLV.lu) បានឆ្លុះបញ្ចាំងពីកម្មវិធីទាំងមូលរបស់នាយករដ្ឋមន្ត្រី Pham Minh Chinh នៅក្នុងប្រទេសលុចសំបួ រួមទាំងជំនួបពិភាក្សាជាមួយនាយករដ្ឋមន្ត្រីលុចសំបួលោក Xavier Bettel ជំនួបជាមួយប្រធានសភាជាន់ទាបលោក Fernand Etgen ជំនួបសន្ទនាជាមួយប្រធានសភាលោក Fernand Etgen  និងលោក Henri, Grand Duke នៃលុចសំបួ ដំណើរទស្សនកិច្ចនៅធនាគារវិនិយោគអឺរ៉ុប (EIB) ធ្វើជាសាក្សីក្នុងពិធីចុះហត្ថលេខាលើកិច្ចព្រមព្រៀងសហប្រតិបត្តិការរវាងតំណាងក្រុមហ៊ុន EIB និងសម្ព័ន្ធក្រុមហ៊ុនអគ្គិសនីជាតិវៀតណាម។ យោងតាមកាសែតនេះបានឲ្យដឹងថាដោយមានដើមទុនសរុបចំនួន ២,៦ ពាន់លានដុល្លារអាមេរិក លុចសំបួគឺជាវិនិយោគិនធំជាងគេទីបីក្នុងចំណោមបណ្តាប្រទេស EU នៅវៀតណាម និងជាប្រទេសដើមដំបូងដែលបានផ្តល់សច្ចាប័នលើកិច្ចព្រមព្រៀងការពារការវិនិយោគរវាង EU និងវៀតណាម (EVIPA)។

កាសែត Tageblatt Daily (Tageblatt.lu) ក៏បានឆ្លុះបញ្ចាំងអំពីរបៀបវារៈរបស់លោកនាយករដ្ឋមន្ត្រី Pham Minh Chinh ក្នុងដំណើរទស្សនកិច្ចរបស់លោកនៅប្រទេសលុចសំបួ។ យោងតាមអត្ថបទនេះថា នេះ គឺជាដំណើរទស្សនកិច្ចផ្លូវរដ្ឋជាផ្លូវការនៅប្រទេសលុចសំបួរបស់គណៈប្រតិភូជាន់ខ្ពស់វៀតណាមដឹកនាំដោយនាយករដ្ឋមន្ត្រី Pham Minh Chinh៕