នាយប់ថ្ងៃទី ២៦ ខែកុម្ភៈ ឆ្នាំ២០១៩ ប្រធានាធិបតីអាមេរិកលោក Donald Trump បានមកដល់អាកាសយានដ្ឋានអន្តរជាតិ Noi Bai ដើម្បីចូលរួមកិច្ចប្រជុំកំពូលអាមេរិក - ស.ប.ប.កូរ៉េ លើកទី ២ នៅទីក្រុងហាណូយ ជាមួយប្រធានស.ប.ប.កូរ៉េ លោក Kim Jong-un និងមានសកម្មភាពទ្វេភាគីមួយចំនួនជាមួយវៀតណាម។
![](https://imagevietnam.vnanet.vn/Upload/2019/2/27/27022019212312275tttrumpdenhn_kfkb.jpg)
នាយប់ថ្ងៃទី ២៦ ខែកុម្ភៈ ប្រធានាធិបតីអាមេរិកលោក Donald Trump
បានមកដល់អាកាសយានដ្ឋានអន្តរជាតិ Noi Bai
អញ្ជើញទទួលស្វាគមន៍ប្រធានាធិបតីអាមេរិកលោក Donald Trump នៅឯអាកាសយានដ្ឋានអន្តរជាតិ Noi Bai មានវត្តមានប្រធានការិយាល័យរដ្ឋាភិបាលលោក Mai Tien Dung; អនុរដ្ឋមន្រ្តីក្រសួងការបរទេសលោក Bui Thanh Son; ប្រធានគណៈកម្មា ធិការប្រជាជនទីក្រុងហាណូយលោក Nguyen Duc Chung; ឯកអគ្គរដ្ឋទូតវៀតណាមប្រចាំនៅសហរដ្ឋអាមេរិក លោក Ha Kim Ngoc និងតំណាងស្ថាប័នមជ្ឈិម មួយចំនួនរបស់វៀតណាមផងដែរ។
ខណៈដែលបានចាកចេញពីព្រលានយន្តហោះ ក្បួនរថយន្តបានអមដំណើរប្រធានាធិបតីអាមេរិកលោក Donald Trump ឆ្ពោះទៅកាន់សណ្ឋាគារ Marriott។
ក្នុងដំណើរទស្សនកិច្ចនៅវៀតណាមដែលអូសបន្លាយដល់ថ្ងៃទី២៨ខែកុម្ភៈនោះ ប្រធានាធិបតេយ្យអាមេរិកលោក Donald Trump នឹងអញ្ជើញជួបសន្ទនាជាមួយថ្នាក់ដឹកនាំជាន់ខ្ពស់របស់វៀតណាម។ ចូលរួមក្នុងសកម្មភាពពហុភាគីនិងទ្វេភាគីជាមួយលោកប្រធានាធិបតីអាមេរិក Donald Trump នៅទីក្រុងហាណូយគឺមានវត្តមានរដ្ឋមន្ត្រីការបរទេសអាមេរិកលោក Mike Pompeo និងប្រធានការិយាល័យសេតវិមានលោក Mick Mulvaney ផងដែរ៕
តាម VOV5 -វិទ្យុសម្លេងវៀតណាម