ការសន្ទនាគឺជាព្រឹត្តិការណ៍ដែលប្រជាជនរុស្ស៊ីរំពឹងទុកបំផុតក្នុងឆ្នាំ ២០២៣ (រូបថត៖ Ria Novosti)

ការសន្ទនាតាមអ៊ីនធឺណិតរវាងប្រធានសហព័ន្ធរុស្ស៊ី លោក Vladimir Putin បានចាប់ផ្តើមនៅម៉ោង ១២៖០០  ថ្ងៃទី ១៤ ខែធ្នូ ម៉ោងនៅទីក្រុងមូស្គូ។ នេះជាព្រឹត្តិការណ៍ជួបប្រាស្រ័យលើកទី ២០ របស់ថ្នាក់ដឹកនាំរុស្ស៊ី ដែលទាក់ទាញការចាប់អារម្មណ៍យ៉ាងខ្លាំងពីប្រជាជន ដែលប្រព្រឹត្តទៅក្នុងបរិបទដែលលោក Putin ទើបតែបានប្រកាសថា នឹងឈរឈ្មោះមួយអាណត្តិទៀតក្នុងការបោះឆ្នោតប្រធានាធិបតីដែលនឹងប្រព្រឹត្តទៅនៅថ្ងៃទី ១៥-១៧ ខែមីនា ឆ្នាំ ២០២៤។ ការជួបប្រាស្រ័យនៅឆ្នាំនេះរួមបញ្ចូលគ្នានូវទម្រង់ពីរនៃការសន្ទនាតាមអ៊ីនធឺណិតជាមួយប្រជាជន និងសន្និសីទសារព័ត៌មានចុងឆ្នាំដ៏ធំរបស់ប្រធានាធិបតី Putin។ អ្នកកាសែតប្រមាណ ៥០០ នាក់ត្រូវបានអញ្ជើញឲ្យចូលរួមក្នុងព្រឹត្តិការណ៍នេះ។

នៅជំនួបប្រាស្រ័យអូសបន្លាយរយៈពេល ៤ ម៉ោងដែលមានចំណងជើងថា "លទ្ធផលនៃឆ្នាំជាមួយ Valadimir Putin" ប្រធានាធិបតី Putin បានឆ្លើយសំណួរចំនួន ៧៨ ដោយបង្វិលជុំវិញស្ថានភាពសេដ្ឋកិច្ចរុស្ស៊ីនិងបញ្ហាអន្តរជាតិ។ ប្រធានបទដែលអ្នកសារព័ត៌មានជាច្រើន និងប្រជាជនរុស្ស៊ីចាប់អារម្មណ៍នៅពេលនេះ គឺទាក់ទងនឹងការដាក់ទណ្ឌកម្មរបស់លោកខាងលិច គោលនយោបាយការបរទេស លំនៅដ្ឋាន និងសេវាសង្គម ការដឹកជញ្ជូន តម្លៃអាហារ និងការឧបត្ថម្ភធន។

ទាក់ទងនឹងស្ថានភាពសេដ្ឋកិច្ចក្នុងស្រុក លោកប្រធានាធិបតី ពូទីន បាននិយាយថា សេដ្ឋកិច្ចរបស់ប្រទេសបានងើបឡើងវិញពីវិបត្តិសេដ្ឋកិច្ចឆ្នាំ ២០២២ ហើយកំពុងឆ្ពោះទៅមុខ។ លោក Putin បានកត់សម្គាល់ថាកំណើន GDP របស់រុស្ស៊ីនៅឆ្នាំនេះត្រូវបានរំពឹងថានឹងសម្រេចបាន ៣,៥% ជាមួយនឹងប្រាក់ចំណូលពិតប្រាកដរបស់ប្រជាជនកើនឡើងប្រហែល ៥%។ លោកប្រធានាធិបតី Putin បាននិយាយថា ទីផ្សារហិរញ្ញវត្ថុក្នុងស្រុកបច្ចុប្បន្នស្ថិតក្នុងស្ថានភាពស្ថិរភាព។

ទាក់ទិននឹងទំនាក់ទំនងអន្តរជាតិ ប្រធានាធិបតីរុស្ស៊ីបានសម្តែងឆន្ទៈចង់ស្តារទំនាក់ទំនងជាមួយអាមេរិកឡើងវិញ។ ទាក់ទិននឹង EU លោកប្រធានាធិបតី Putin បានបញ្ជាក់យ៉ាងច្បាស់ថា ប្រទេសនេះនឹងមិនបំផ្លាញទំនាក់ទំនងជាមួយ EU ហើយបាននិយាយថា ការធ្វើឱ្យមានប្រក្រតីភាពជាមួយ EU មិនអាស្រ័យ លើរុស្ស៊ីទេ គឺអាស្រ័យលើសម្ព័ន្ធភាពនេះផ្ទាល់។

ដោយសំដៅលើទំនាក់ទំនងជាមួយចិន លោក Putin  បាននិយាយថា ទំនាក់ទំនងរវាងរុស្ស៊ី និងចិនកំពុងអភិវឌ្ឍន៍ក្នុងកម្រិតដែលមិនធ្លាប់មានពីមុនមក ដែលរួមចំណែកដល់ការធានាស្ថិរភាពពិភពលោក។

ទាក់ទងនឹងជម្លោះដែលកំពុងកើនឡើងនៅតំបន់ហ្គាហ្សាស្ទ្រីប មេដឹកនាំរុស្ស៊ីរូបនេះបាននិយាយថា នេះគឺជាគ្រោះមហន្តរាយ ហើយបាននិយាយថា ការសម្រេចចិត្តរបស់អង្គការសហប្រជាជាតិស្តីពីការដោះស្រាយជម្លោះនេះត្រូវការការឯកភាពពីបណ្តាប្រទេសនានា។

ចាប់តាំងពីឆ្នាំ ២០០១ មក លោកប្រធានាធិបតី Putin បានទំនាក់ទំនងតាមអ៊ីនធឺណិតជាមួយប្រជាជនសរុបចំនួន ១៥  ដងក្នុងនាមជាប្រធានាធិបតីនិង ៤ ដងជាប្រមុខរដ្ឋាភិបាល៕