អនុប្រធានរដ្ឋវៀតណាម លោកស្រី វ៉ូ ធី អាញ់ សួន និងប្រធានាធិបតីប៊ុលហ្គារី លោក Rumen Radev បានទៅទស្សនាសារមន្ទីរប្រវត្តិសាស្ត្រយោធាវៀតណាម។ រូបថត៖ VOv

អនុប្រធានរដ្ឋវៀតណាម លោកស្រី វ៉ូ ធី អាញ់ សួន (Vo Thi Anh Xuan) ក៏បានចូលរួមផងដែរ។ នៅទីនេះ អនុប្រធានរដ្ឋ លោកស្រី វ៉ូ ធី អាញ់ សួន និងប្រធានាធិបតីប៊ុលហ្គារីលោក Rumen Radev បានស្តាប់ការឧទ្ទេសនាម និងការអត្ថាធិប្បាយអំពីប្រធានបទចំនួន ៦ នៃការតាំងបង្ហាញ ចាប់ពីសម័យដើមនៃការកសាងប្រទេសជាតិ   រហូតដល់ការតស៊ូដ៏លំបាកចំនួនពីររបស់ប្រជាជនវៀតណាម និងបុព្វហេតុកសាងនិងការពារមាតុភូមិ។

ដោយសរសេរនៅក្នុងសៀវភៅក្រាំងមាសរបស់សារមន្ទីរ ប្រធានាធិបតីប៊ុលហ្គារីលោក Rumen Radev បានចែករំលែកថា ដំណើរទស្សនកិច្ចនេះគឺជា "បទពិសោធន៍ពិសេស និងមិនអាចបំភ្លេចបាន" នៅពេលដែលលោកបានស្វែងយល់បន្ថែមអំពីការតស៊ូដ៏លំបាកលំបិនដើម្បីសេរីភាពនិងឯករាជ្យរបស់ប្រជាជាតិវៀតណាម។

នារសៀលថ្ងៃដដែល លោកស្រី Nguyen Thi Minh Nguyet លោកជំទាវរបស់ប្រធានរដ្ឋវៀតណាម លោក លឿង គឿង និងលោកជំទាវ Desislava Radeva របស់ប្រធានាធិបតីប៊ុលហ្គារីលោក Rumen Radev បានអញ្ជើញទៅទស្សនាសាលាមត្តេយ្យ Viet-Bun (ទីក្រុងហាណូយ)។ សាលានេះត្រូវបានបង្កើតឡើងនៅថ្ងៃទី ២៣ ខែធ្នូ ឆ្នាំ ១៩៨១ ដែលសហភាពនារីប៊ុលហ្គារីបានផ្តល់ជូនកុមារវៀតណាម ដែលពីមុនជាសាលាមត្តេយ្យ Dimitrov របស់គណៈកម្មាធិការការពារមាតានិងកុមារ៕