លោកស្រី Nguyen Thi Kim Ngan បានវាយតម្លៃខ្ពស់ចំពោះ លទ្ធផលសហប្រតិបតិ្តការ ការជួយឧបត្ថម្ភគ្នាទៅវិញទៅមករវាងខេត្តវៀងច័ន្ទជាមួយតំបន់នានារបស់វៀតណាមនាពេលកន្លងទៅ។
![](https://imagevietnam.vnanet.vn/Upload/2019/9/29/29092019142714608ctqhnguyenthikimngamthamlao_gtkf.jpg)
ប្រធានរដ្ឋសភាវៀតណាមលោកស្រី Nguyen Thi Kim Ngan និងគណៈប្រតិភូវៀតណាមជួបសន្ទនាជាមួយលេខាអភិបាលខេត្តវៀងច័ន្ទ (រូបថត៖ VOV)
នៅក្នុងក្របខ័ណ្ឌនៃដំណើរទស្សនកិច្ចនៅឡាវ នាព្រឹកថ្ងៃទី២៨ ខែកញ្ញា ប្រធានរដ្ឋសភាវៀតណាមលោកស្រី Nguyen Thi Kim Ngan បានអញ្ជើញទៅបំពេញទស្សនកិច្ចនៅខេត្តវៀងច័ន្ទ ជាតំបន់មួយដែលមានទីតាំងយុទ្ធសាស្ត្រ ដ៏សំខាន់ តភ្ជាប់រដ្ឋធានីវៀងច័ន្ទជាមួយខេត្តក្រុងនៅភាគខាងជើងនិងភាគកណ្ដាលឡាវ។ លោកស្រី Nguyen Thi Kim Ngan បានវាយតម្លៃខ្ពស់ចំពោះ លទ្ធផលសហប្រតិបតិ្តការ ការជួយឧបត្ថម្ភគ្នាទៅវិញទៅមករវាងខេត្តវៀងច័ន្ទជា មួយតំបន់នានារបស់វៀតណាមនាពេលកន្លងទៅ ព្រមទាំងមានគោលបំណងថា នាពេលខាងមុខ ខេត្តវៀងច័ន្ទនឹងបន្តបើកទូលាយនិងលើកកំពស់ប្រសិទ្ធភាព ក្នុងកិច្ចសហប្រតិបតិ្តការជាមួយខេត្តក្រុងនានារបស់វៀតណាម ជាពិសេសគឺលើវិស័យអប់រំ បណ្ដុះបណ្ដាល អភិវឌ្ឍប្រភពធនធានមនុស្ស ផ្លាស់ប្ដូរបទពិសោធន៍ អំពីការងារកសាងបក្ស គ្រប់គ្រងសេដ្ឋកិច្ច បង្កើនកិច្ចសហប្រតិបត្តិការវិនិយោគ ពាណិជ្ជកម្ម ទេសចរណ៍និងកសិកម្ម ជាដើម៕
តាម VOV5 - វិទ្យុសម្លេងវៀតណាម