ទិដ្ឋភាពនៃប្រជុំ (រូបថត៖ qdnd.vn)  

ប្រធានរដ្ឋសភា លោក Vuong Dinh Hue បានសង្កត់ធ្ងន់ថា៖ ដោយផ្អែកលើមតិយោបល់ និងសំណើររបស់ម្ចាស់ឆ្នោត ដែលបានផ្ញើមកសម័យប្រជុំលើកទី ២ សម័យប្រជុំវិសាមញ្ញលើកទី ១ នៃរដ្ឋសភានីតិកាលទី ១៥ នោះ ស្ថាប័ននានារបស់រដ្ឋសភា និងលោកអគ្គលេខាធិការរដ្ឋសភាបានជ្រើសរើសយកក្រុមបញ្ហាចំនួន ៦ ដើម្បីស្នើសុំមតិពីគណៈ កម្មការអចិន្ត្រៃយ៍រដ្ឋសភា។ គណៈកម្មការអចិន្ត្រៃយ៍រដ្ឋសភាបានធ្វើការបោះឆ្នោត និងជ្រើសរើសយកខ្លឹមសារចំនួន ២ លើវិស័យគ្រប់គ្រងរបស់ក្រសួងឧស្សាហកម្ម និងពាណិជ្ជកម្ម និងក្រសួងធនធាន និងបរិស្ថាន ដើម្បីសួរដេញដោលនៅក្នុងកិច្ចប្រជុំ។ លោកប្រធានរដ្ឋសភាបានសង្កត់ធ្ងន់លើតម្រូវការត្រៀមរៀបចំឲ្យសកម្មភាពសួរដេញដោល និងឆ្លើយសំណួរដេញដោលនៅក្នុងសម័យប្រជុំលើកទី ៩ នៃគណៈកម្មការអចិន្ត្រៃយ៍រដ្ឋសភាប្រកបដោយជោគជ័យយ៉ាងល្អប្រសើរ។ គោលដៅគឺសម្រេចឲ្យបានសេចក្ដីសម្រេចចិត្តស្ដីពីការសួរដេញដោល និងឆ្លើយសំណួរដេញដោលឲ្យបានត្រឹមត្រូវ ឆ្លើយតមតម្រូវការ និងរួមចំណែកលើកកម្ពស់សមត្ថភាពគ្រប់គ្រងរដ្ឋ ជាពិសេសគឺក្នុងដំណាក់កាលប្ចច្ចុប្បន្ននេះ។

នៅក្នុងកិច្ចប្រជុំនេះ អង្គប្រជុំបានសម្ដែងជំនឿជាក់ថា ដោយមានការត្រៀមរៀបចំយ៉ាងហ្មត់ចត់នោះ សកម្មភាពសួរដេញដោល និងឆ្លើយសំណួរដេញដោលនៅក្នុងសម័យប្រជុំនឹងសម្រេចបានគោលដៅដែលបានដាក់ចេញ ព្រមទាំងរួមចំណែកជាមតិយោបល់ទាំងខ្លឹមសារ រូបភាព និងវិធានការរៀបចំ ដើម្បីសកម្មភាពសួរដេញដោល និងឆ្លើយសំណួរដេញដោលនៅក្នុងសម័យប្រជុំសម្រេចបានគុណភាពខ្ពស់បំផុតផងដែរ៕