ប្រធានរដ្ឋសភាវៀតណាម លោក Vuong Dinh Hue និងនាយករដ្ឋមន្ត្រីនូវែលសេឡង់ លោកស្រី Jacinda Ardern។ (រូបថត៖ VOV)  

នារសៀលថ្ងៃទី៦ ខែធ្នូ ឆ្នាំ២០២២ នៅរដ្ឋធានី Wellington ប្រទេសនូវែលសេឡង់ ថ្លែងក្នុង ជំនួបសម្ដែងការគួរសមជាមួយនាយករដ្ឋមន្ត្រីនូវែលសេឡង់ លោកស្រី Jacinda Ardern ប្រធានរដ្ឋសភាវៀតណាម លោក Vuong Dinh Hue បានអះអាងថា វៀត ណាមយកចិត្តទុកដាក់ដល់ទំនាក់ទំនងជាមួយនូវែលសេឡង់ ហើយមានបំណងចង់ ជំរុញទំនាក់ទំនងលើគ្រប់វិស័យ ក៏ដូចជានៅគ្រប់កាណាល់ទាំងអស់។ លោកប្រធាន រដ្ឋសភាបានស្នើឱ្យភាគីទាំងពីរពង្រឹងកិច្ចសហប្រតិបត្តិការលើវិស័យអាកាស ចរណ៍ ទេសចរណ៍ បង្កើតជើងហោះហើរត្រង់រវាងប្រទេសទាំងពីរ។ ទន្ទឹមនឹងនេះ លោកបាន ស្នើឱ្យនូវែលសេឡង់ពិចារណាដករបាំងពាណិជ្ជកម្ម ជៀសវាងការអនុវត្តវិធានការ ស្វ័យការពារពាណិជ្ជកម្ម ដើម្បីបង្កើតលក្ខខណ្ឌជាអតិបរមាសម្រាប់ពាណិជ្ជកម្មទ្វេភាគី ក៏ដូចជាជួយសម្រួលបន្ថែមទៀតសម្រាប់សហគមន៍ធុរកិច្ចនៃភាគីទាំងពីរក្នុងការផ្លាស់ ប្ដូរពាណិជ្ជកម្ម និងវិនិយោគផងដែរ។ លោ កប្រធានរដ្ឋសភាវៀតណាមមានបំណងថា នូវែលសេឡង់នឹងបើកគ្រឹះស្ថានបណ្ដុះបណ្ដាលថ្នាក់មធ្យមសិក្សានិងឧត្តមសិក្សានៅវៀតណាម ដើម្បីឲ្យសិស្ស និងនិស្សិតវៀតណាមមានជម្រើសកាន់តែច្រើនកក្នុងការសិក្សា ហើយមានសិស្សនិងនិស្សិតវៀតណាមកាន់តែច្រើននឹងទៅសិក្សា ស្រាវជ្រាវ នៅប្រទេសនូវែលសេឡង់។ លើសពីនេះទៅទៀត រដ្ឋាភិបាលនូវែលសេឡង់បន្តបង្កើត លក្ខខណ្ឌអំណោយផលសម្រាប់សហគមន៍ជនវៀតណាម ដើម្បីធ្វើការ រួមវិភាគទាន ទៅក្នុងការអភិវឌ្ឍរបស់នូវែលសេឡង់ ហើយក្លាយជាស្ពានដ៏សំខាន់សម្រាប់ទំនាក់ ទំនងមិត្តភាពរវាងប្រទេសទាំងពីរផងដែរ។

រីឯខ្លួនវិញ នាយករដ្ឋមន្ត្រីនូវែលសេឡង់ លោកស្រី Jacinda Ardern មាន បំណងថា ប្រទេសទាំងពីរនឹងបន្តពង្រឹងកិច្ចសហប្រតិបត្តិការលើវិស័យអប់រំ ហើយ ត្រៀមខ្លួនជាស្រេចបង្កើតលក្ខខណ្ឌអំណោយផលសម្រាប់ពលករវៀតណាម ជា ពិសេសពលករជំនាញខ្ពស់មកធ្វើការនៅនូវែលសេឡង់ ដោយផ្តល់អាទិភាពដល់ ពលករក្នុងវិស័យសុខាភិបាល សំណង់ និងកសិកម្ម៕