ប្រធានរដ្ឋសភា លោក ត្រឹន ថាញ់ មិន ជាមួយគណៈប្រតិភូ និងយុទ្ធជនពិការ នៅមជ្ឈមណ្ឌលស្តារនីតិសម្បទាយុទ្ធជនពិការ និងអ្នកមានគុណូបការៈ ឡុង ដិតក្នុងភូមិហៃសើន ឃុំឡុងហៃ ទីក្រុងហូជីមិញ។ រូបថត៖ VNA

អញ្ជើញថ្លែងនៅទីនោះ ប្រធានរដ្ឋសភា លោក ត្រឹន ថាញ់ មិន បានអះអាងថា បក្ស និងរដ្ឋចាត់ទុកការងារថែទាំយុទ្ធជនពិការ យុទ្ធជនឈឺ និងក្រុមគ្រួសារយុទ្ធជនពលី ជាអាទិភាពនយោបាយដ៏សំខាន់ ដោយបង្ហាញពីសីលធម៌ “ផឹកទឹកនឹកដល់ប្រភពដើម”។ លោកប្រធានរដ្ឋសភាបានស្នើថា នាពេលខាងមុខ ទីក្រុងហូជីមិញ គួរតែបន្តផ្តល់ការពិនិត្យ និងព្យាបាលសម្រាប់យុទ្ធជនពិការ យុទ្ធជនឈឺ និងក្រុមគ្រួសារយុទ្ធជនពលី។ ជាមួយគ្នានេះ ឧបត្ថម្ភឧបករណ៍វេជ្ជសាស្ត្រ ដូចជារទេះរុញនិងឧបករណ៍ជំនួយការស្តាប់; បន្តពិនិត្យ និងទិញធានារ៉ាប់រងសុខភាពដោយឥតគិតថ្លៃសម្រាប់អ្នកដែលមានគុណូបការៈ និងយុទ្ធជនពិការ ស្របតាមបទប្បញ្ញត្តិរបស់បក្ស និងរដ្ឋ; ជំរុញការស្វែងរក ការប្រមូល និងការកំណត់អត្តសញ្ញាណអដ្ឋិធាតុយុទ្ធជនពលី។

នៅព្រឹកនេះផងដែរ ប្រធានរដ្ឋសភា លោក ត្រឹន ថាញ់ មិន បានអញ្ជើញអុជធូបនៅទីឈាបនដ្ឋានយុទ្ធជនពលីឡុងឌៀន ក្នុងសង្កាត់ដិតដ; ឧទ្យាន វិមាន និងផ្ទះរំលឹកវិញ្ញាណក្ខន្ធយុទ្ធជនពលីវ៉ូធីសៅ ក្នុងឃុំដិតដ ក្រុងហូជីមិញ; ហើយបានទៅសួរសុខទុក្ខ និងប្រគល់អំណោយដល់យុទ្ធជនពលីវៀតណាមក្នុងសង្កាត់តាមឡុង ក្រុងហូជីមិញ។

យោងតាមស្ថិតិ បច្ចុប្បន្នប្រទេសទាំងមូលមានមនុស្សជាង ៩,២ លាននាក់ដែលដែលមានគុណូបការៈចំពោះបដិវត្តន៍ រួមទាំងយុទ្ធជនពលីជាង ១,២ លាននាក់ អ្នកម្តាយវីរៈភាពចំនួន ១៤០,០០០ នាក់ និងយុទ្ធជនពលីពិការ និងយុទ្ធជនឈឺជាង ៦០០,០០០ នាក់៕