តបតាមការអញ្ជើញរបស់ប្រធានរដ្ឋសភានៃព្រះរាជាណាចក្រកម្ពុជា និងជាប្រធានអន្តរសភានៃសហគមបណ្តាប្រជាជាតិអាស៊ីអាគ្នេយ៍ (AIPA) សម្តេច ហេង សំរិន; ប្រធានព្រឹទ្ធសភានៃសាធារណៈរដ្ឋហ្វីលីពីន លោក Juan Miguel Zubiri នៅព្រឹកថ្ងៃទី១៩ ខែវិច្ឆិកានេះ ប្រធានរដ្ឋសភា លោក Vuong Dinh Hue បានដឹកនាំគណៈប្រតិភូជាន់ខ្ពស់រដ្ឋសភាវៀតណាមមកបំពេញទស្សនកិច្ចផ្លូវការនៅព្រះរាជាណាចក្រកម្ពុជា ដោយអញ្ជើញរចូលរួម ក្នុងមហាសន្និបាត AIPA លើកទី៤៣ (AIPA-43) និងអញ្ជើញទៅបំពេញទស្សនកិច្ចផ្លូវការនៅសាធារណរដ្ឋហ្វីលីពីន ពីថ្ងៃទី ១៩-២៥ ខែវិច្ឆិកា។
ប្រធានរដ្ឋសភា លោក Vuong Dinh Hue អញ្ជើញទៅបំពេញទស្សនកិច្ចផ្លូវការនៅប្រទេសកម្ពុជា និងហ្វីលីពីន។ (រូបថត៖ VNA)
សម្រាប់កម្ពុជា នេះគឺជាដំណើរទស្សនកិច្ចផ្លូវការលើកដំបូងទៅកាន់ព្រះរាជាណាចក្រកម្ពុជារបស់សមមិត្ត Vuong Dinh Hue ក្នុងនាមជាប្រធានរដ្ឋសភា។ នេះ គឺជាព្រឹត្តិការណ៍សំខាន់មួយ ដើម្បីបញ្ចប់ប្រកបដោយជោគជ័យនៃការផ្លាស់ប្តូរគណៈប្រតិភូជាន់ ក្នុងឆ្នាំមិត្តភាពវៀតណាម - កម្ពុជា កម្ពុជា- វៀតណាម ក្នុងឱកាសរំលឹកខួបលើកទី ៥៥ នៃការបង្កើតទំនាក់ទំនងការទូតរវាងប្រទេសទាំងពីរ (១៩៦៧ - ២០០២) ។ ដំណើរទស្សនកិច្ចនេះបានរួមចំណែកយ៉ាងសំខាន់ក្នុងការពង្រឹងទំនាក់ទំនងនយោបាយ និងការជឿទុកចិត្តរវាងបក្សទាំងពីរ រដ្ឋទាំងពីរ និងប្រជាជនទាំងពីរ ជំរុញទំនាក់ទំនង “ភាពជាអ្នកជិតខាងល្អ មិត្តភាពប្រពៃណី កិច្ចសហប្រតិបត្តិការលើគ្រប់ជ្រុងជ្រោយ និរន្តរភាពយូរអង្វែង” រវាងប្រទេសទាំងពីរឱ្យកាន់តែស៊ីជម្រៅ ជាក់ស្តែង និងមានប្រសិទ្ធភាពថែមទៀត៕