ក្នុងឱកាសនៃដំណើរទស្សនកិច្ចជាផ្លូវការនៅវៀតណាមរបស់ប្រធានសភាជាន់ទាបឥណ្ឌាលោក Om Birla, នារសៀលថ្ងៃទី ១៩ មេសា នៅទីក្រុងហាណូយ ក្រុមហ៊ុន ភាគហ៊ុនអាកាសចរណ៍ Vietjet បានប្រារព្ធពិធីប្រកាសបើកផ្លូវហោះហើរថ្មីទៅកាន់ប្រទេសឥណ្ឌា ក្នុងនោះមានជើងហោះហើរ៖ ទីក្រុងហាណូយ - បុមបៃ, ទីក្រុងហូជីមិញ - បុមបៃ, Phu Quoc - New Delhi និង Phu Quoc - បុមបៃ ដែលជាការកត់សម្គាល់នៃការត្រឡប់មកវិញនិងការពង្រីកប្រតិបត្តិការរបស់ខ្លួននៅក្នុងប្រទេសដែលមានប្រជាជនចំនួន ១,៤ ពាន់ លាននាក់នេះ។ ពិធីនេះប្រព្រឹត្តទៅក្រោមសាក្សីរបស់ប្រធានរដ្ឋសភា លោក Vuong Dinh Hue និងប្រធានសភាជាន់ទាបឥណ្ឌាលោក Om Birla ផងដែរ។

ផ្លូវហោះហើរពីទីក្រុងហូជីមិញ និងហាណូយ ទៅកាន់ទីក្រុងបុមបៃ ដំណើរការចាប់ពីថ្ងៃទី ២ ខែមិថុនា និងថ្ងៃទី ៣ ខែមិថុនា ដោយមានជើងហោះហើរទៅវិញទៅមក ៤ ជើង និងជើងហោះហើរទៅវិញទៅមក ៣ ជើងក្នុងមួយសប្តាហ៍ សម្រាប់ជើងនីមួយៗ។ ជើងហោះហើរ Phu Quoc - បុមបៃ ត្រូវបានដំណើរការជាមួយជើងហោះហើរទៅវិញទៅមកចំនួន  ៤ជើង/សប្តាហ៍ និងជើងហោះហើរ Phu Quoc - New Delhi ជាមួយនឹងជើងហោះហើរទៅវិញទៅមក ៣ ដងក្នុងមួយសប្តាហ៍ ដោយចាប់ផ្តើមពីថ្ងៃទី ៨ខែកញ្ញា និងថ្ងៃទី ៩ ខែកញ្ញា។

ក្នុងឱកាសនេះដែរ ប្រធានរដ្ឋសភាលោក Vuong Dinh Hue និងប្រធានសភាជាន់ទាបឥណ្ឌា លោក Om Birla បានធ្វើជាសាក្សីក្នុងពិធីប្រគល់កិច្ចព្រមព្រៀងបង្កើតសម្ព័ន្ធក្រុមហ៊ុនបច្ចេកវិទ្យាព័ត៌មានរវាង Galaxy Digital Holdings សមាជិកនៃ សម្ព័ន្ធក្រុមហ៊ុន Sovico និង Tech Mahindra Limited (ឥណ្ឌា)។

សម្ព័ន្ធក្រុមហ៊ុនបច្ចេកវិទ្យានេះនឹងផ្តោតលើការកសាងមជ្ឈមណ្ឌលអភិវឌ្ឍន៍កម្មវិធី Software សកលនៅវៀតណាម ដែលផ្តល់សេវាវេទិកាទិន្នន័យធំ AI/ML (បញ្ញាសិប្បនិម្មិតនិងម៉ាស៊ីន) អភិវឌ្ឍមជ្ឈមណ្ឌលស្រាវជ្រាវនិងនវានុវត្តន៍ មជ្ឈមណ្ឌលបណ្តុះបណ្តាលសមត្ថភាពបច្ចេកវិទ្យាព័ត៌មាន ...ជាដើម។

នាថ្ងៃដដែល អគ្គលេខាធិការរដ្ឋសភា ប្រធានការិយាល័យរដ្ឋសភាលោក Bui Van Cuong បានអញ្ជើញជួបធ្វើការជាមួយប្រធានសភាជាន់ទាបឥណ្ឌាលោក Om Birla ផងដែរ៕