នារសៀលថ្ងៃទី ២៨ មិថុនា (ម៉ោងក្នុងតំបន់) ប្រធានរដ្ឋសភាវៀតណាម លោក Vuong Dinh Hue និងគណៈប្រតិភូជាន់ខ្ពស់រដ្ឋសភាវៀតណាមបានចាកចេញពីប្រទេសហុងគ្រី បន្តដំណើរទៅកាន់អាកាសយានដ្ឋានអន្តរជាតិ London Heathrow ហើយចាប់ផ្តើមដំណើរទស្សនកិច្ចជាផ្លូវការនៅចក្រភពអង់គ្លេស តបតាមការអញ្ជើញរបស់លោកប្រធានព្រឹទ្ធសភាចក្រភពអង់គ្លេស John Mcfall និងជាប្រធានសភាជាន់ទាប លោកស្រី  Linsay Hoyle ។ ដំណើរទស្សនកិច្ចនេះមានគោលបំណង ឆ្ពោះទៅខួបលើកទី៥០នៃការបង្កើតទំនាក់ទំនងការទូត; រក្សាការផ្លាស់ប្តូរគណៈប្រតិភូជាន់ខ្ពស់រវាងប្រទេសទាំងពីរ និងសភាទាំងពីរ; ពង្រឹងទំនុកចិត្តនយោបាយ និងជំរុញកិច្ចសហប្រតិបត្តិការរវាងរដ្ឋសភាវៀតណាមនិងសភាអង់គ្លេស; ជំរុញទំនាក់ទំនងទ្វេភាគីលើគ្រប់វិស័យ។

បន្ទាប់ពីមកដល់អាកាសយានដ្ឋាន ប្រធានរដ្ឋសភាវៀតណាម លោក Vuong Dinh Hue បានអញ្ជើញទៅទស្សនាស្ថានទូត និងជួបសំណេះសំណាលជាមួយសហគមន៍ជនវៀតណាមនៅចក្រភពអង់គ្លេស។ តាមរយៈការសំណេះសំណាលជាមួយសមាគមបងប្អូនជនរួមជាតិវៀតណាមនៅឯបរទេស ប្រធានរដ្ឋសភាវៀតណាម លោក Vuong Dinh Hue មានបំណងចង់ឲ្យសហគមន៍ជនវៀតណាមនៅចក្រភពអង់គ្លេសបន្តសាមគ្គីគ្នានិងយកចិត្តទុកដាក់រាប់អានគ្នាថែមទៀតវៀតណាម ដើម្បីស្វែងរកនិងណែនាំទេពកោសល្យក្នុងគ្រប់វិស័យ។ លោកប្រធានរដ្ឋសភាក៏បានប្រកាសអំពីលទ្ធផលនៃដំណើរទស្សនកិច្ចជាផ្លូវការនៅហុងគ្រី; ជាមួយគ្នានេះ លោកបានសង្កត់ធ្ងន់ថា ដំណើរទស្សនកិច្ចផ្លូវការនៅចក្រភពអង់គ្លេសនេះ គឺសំដៅពង្រឹងទំនាក់ទំនងរបស់ភាគីទាំងពីរឱ្យកាន់តែរឹងមាំបន្ថែមទៀត៕