ភូមិធ្វើប៉ាតេសាច់ជ្រូក ប៉ាតេចៀន អឿកឡេ (Uoc Le) ស្រុក ថាញអ័រ (Thanh Oai) រដ្ឋធានី
ពិសេសជាងនេះទៅទៀត ចាប់ពីភូមិសិប្បកម្ម ប្រជាជននៅក្នុងភូមិបានសាងសង់ម៉ាក់ប៉ាតេសាច់ជ្រូក ប៉ាតេចៀន អឿកឡេ (Uoc Le) ជាច្រើនដែលមានវត្តមាននៅគ្រប់ទិសទីនៃប្រទេស។
ជារៀងរាល់ឆ្នាំ នៅថ្ងៃ ១៥ កើត ខែមិគសិរ ភូមិធ្វើប៉ាតែសាច់ជ្រូក សាច់ប៉ាតេចៀន អឿកឡេ (Uoc Le) បានរៀបចំបុណ្យរបស់ភូមិ អ្នកស្រុកនៅទូទាំងប្រទេស និងឯបរទេសបានជុំគ្នាចូលរួមក្នុងបុណ្យរបស់ភូមិ ដើម្បីលើកតម្កើងមុខរបរធ្វើប៉ាតេសាច់ជ្រូករបស់ជីដូនជីតា។ យុវជនកាប់ជ្រូក បុកសាច់ជ្រូកពេញរាត្រី បងប្អូនប្រជាជនជួបជុំគ្នា និងវេចខ្ចប់សាច់ជ្រូក នៅទីធ្លាអារាមភូមិ។ ប៉ាតេសាច់ជ្រូកចៀនឈ្ងុយឆ្ងាញ់ ប៉ាតេសាច់ជ្រូកស្ងោរក្តៅដែលគឺជាផលិតផលពិសេស ដើម្បីប្រជាជនក្នុងភូមិសែនអ្នកបង្កើតភូមិ (វៀតណាមគេហៅថា ថាញហ័ងឡាង (Thanh Hoang lang)។
គ្រួសាររបស់លោក ហ័ងបាហឹប (Hoang Ba Hop) នៅតែរក្សាបាននូវវិធីសាស្រ្តប្រពៃណីនៃការបុកសាច់ជ្រូក។
បន្ទាប់ពីបុកសាច់ជ្រូករួចនឹងវេចខ្ចប់ក្នុងស្លឹកចេក គេយកទៅស្ងោរ។ ផលិតផលប៉ាតេសាច់ជ្រូកបានប្រជាជនភូមិ អឿកឡេ (Uoc Le) គោរពជូនដូនតា ក្នុងថ្ងៃបុណ្យរបស់ភូមិ និងបុណ្យចូលឆ្នាំថ្មីប្រពៃណីជាតិ។
លោក ហ័ងបាហឹប (Hoang Ba Hop) មកពីភូមិ អឿកឡេ (Uoc Le) ចែករំលែកថា គ្រួសាររបស់គាត់តែងតែក្រោកពីគេងនៅម៉ោង ៣ ទៀបភ្លឺ ដើម្បីបុកសាច់ជ្រូក ធ្វើប៉ាតេសាច់ជ្រូក ហើយយកទៅលក់នៅផ្សារនៅពេលព្រឹកព្រលឹម។ បន្ទាប់ពីកូនប្រុស និងចៅប្រុសរបស់គាត់បានចាប់យកអាជីពប្រពៃណីនេះ គាត់ក៏បានវិនិយោគលើម៉ាស៊ីនកិនសាច់ក្រកបន្ថែមទៀត និងបើកសិក្ខាសាលាមួយ។ នៅថ្ងៃចូលឆ្នាំថ្មី គ្រួសារគាត់ធ្វើសាច់ជ្រូកក្រឡុកដើម្បីផ្គត់ផ្គង់ទីផ្សារ។
ថ្វីត្បិតតែមានម៉ាស៊ីនដែលប្រើប្រាស់ក្នុងដំណើរការធ្វើប៉ាតេសាច់ជ្រូកក៏ដោយ ក៏ប្រជាជនភូមិ អឿកឡេ ( Uoc Le) នៅតែរក្សារូបមន្ត និងប្រការអាថ៌កំបាំងប្រពៃណីរបស់ភូមិសិប្បកម្ម ដូច្នេះរសជាតិនៃប៉ាតេសាច់ជ្រូក អឿកឡេ (Uoc Le) អាចបង្កើតបានដោយអ្នកភូមិ មិនច្រឡំនឹងផលិតផលប៉ាតេសាច់ក្រកផ្សេងទៀត។
បច្ចុប្បន្ននេះ មុខរបរធ្វើប៉ាតេសាច់ជ្រូក អឿកឡេ (Uoc Le) មានការអភិវឌ្ឍន៍យ៉ាងខ្លាំង ជាពិសេសប្រជាជនភូមិ អឿកឡេ (Uoc Le) ដែលរក្សាប្រការអាថ៍កំបាំងរៀងៗ ខ្លួន បានបង្កើតម៉ាកយីហោដែលរួមផ្សំជាមួយប្រពៃណីគ្រួសារ ដូច្នេះហើយទើបពួកគេបើកហាងលក់ប៉ាតេសាច់ជ្រូក នៅទូទាំងរដ្ឋធានីហាណូយ (Ha Noi) និងខេត្តនានានៃប្រទេសវៀតណាម។ ជាគំរូគឺប៉ាតេសាច់ជ្រូក អឿកឡេ (Uoc Le) ស្វឹនហឿង (Xuan Huong) ប៉ាតេសាច់ជ្រូក ប៉ាតេចៀន អឿកឡេ (Uoc Le) ភុកឡុកថ (Phuc Loc Tho)... គឺជាម៉ាក់យីហោដែលបង្កើតឡើងដោយប្រជាជនភូមិ អឿកឡេ (Uoc Le) ។
ប៉ាតេសាច់ជ្រូក ប៉ាតេចៀន អឿកឡេ (Uoc Le) មានរសជាតិឆ្ងាញ់ និងទាក់ទាញសម្រាប់អ្នកទទួលទាន ។
ប៉ាតេសាច់ជ្រូក ប៉ាតេចៀន អឿកឡេ (Uoc Le) បានវេចខ្ចប់ ដើម្បីសម្រួលដល់ការដឹកជញ្ជូន ហើយនៅតែរក្សារសជាតិប្រពៃណី។
អតិថិជនជឿជាក់ ក្នុងការជ្រើសរើសប៉ាតេសាច់ជ្រូក និងប៉ាតេសាច់ជ្រូកចៀន អឿកឡេ (Uoc Le) នៃកន្លែងធ្វើប៉ាតេសាច់ជ្រូក និងប៉ាតេចៀន ស្វឹនហឿង (Xuan Huong)។
លោកស្រី ហ័ងធីអាញ់ (Hoang Thi Oanh) នាយិកាម៉ាក់យីហោ ប៉ាតេសាច់ជ្រូក អឿកឡេ (Uoc Le) ស្វឹនហឿង (Xuan Huong) មានប្រសាសន៍ថា គ្រួសាររបស់គាត់មានការផលិតសាច់ប៉ាតេ ៣ ជំនាន់ តាំងពីការផលិតប៉ាតេសាច់ជ្រូក តាមទ្រង់ទ្រាយលក្ខណៈគ្រួសារតូចមួយ លោកស្រី អាញ់ (Oanh) បានបង្កើតកន្លែងផលិតប៉ាតេសាច់ជ្រូក ប៉ាតេចៀនចំនួន ២ បន្ថែមទៀត តាមទ្រង់ទ្រាយធំនៅរដ្ឋធានីហាណូយ (Ha Noi)។ គាត់បានបង្កើតសហករណ៍ (សហករណ៍) នៃប៉ាតេសាច់ជ្រូក ប៉ាតេចៀន អឿកឡេ (Uoc Le) ស្វឹនហឿង (Xuan Huong) ដោយផ្គត់ផ្គង់និងលក់ប៉ាតេសាច់ជ្រូក ប៉ាតេចៀនចំនួន ៣០ ប្រភេទផ្សេងៗគ្នាទៅកាន់ទីផ្សារជារៀងរាល់ថ្ងៃ។ បច្ចុប្បន្ននេះ ប៉ាតេសាច់ជ្រូក ប៉ាតេចៀន អឿកឡេ (Uoc Le) ស្វឹនហឿង (Xuan Huong) មានវត្តមាននៅក្នុងផ្សារទំនើប ផ្សារប្រពៃណី និងហាងលក់រាយជាច្រើនក្នុងទីក្រុងហាណូយ (Ha Noi) ក៏ដូចជាខេត្តជិតខាងផងដែរ។
នៅក្នុងស្ពកបាយរបស់ប្រជាជនវៀតណាម ជាពិសេសក្នុងថ្ងៃបុណ្យ និងបុណ្យតេត គឺមិនអាចខ្វះប៉ាតេសាច់ជ្រូក ប៉ាតេចៀន។ ប្រជាជនភូមិ អឿកឡេ (Uoc Le) មានមោទនភាពដែលបានរស់នៅជាមួយវិជ្ជាជីវៈ ហើយបានកសាងម៉ាកយីហោប៉ាតេសាច់ជ្រូក ប៉ាតេចៀន អឿកឡេ (Uoc Le) ជាច្រើន រួមចំណែកដល់ការបង្កើតអត្តសញ្ញាណវប្បធម៌ និងរសជាតិប្រពៃណីនៃម្ហូបវៀតណាម៕