បំផុសយុទ្ធនាការម៉ោងផែនដី២០១៦ជាផ្លូវការ
ដោយប្រធានបទ៖ សកម្មភាពតិច អត្ថន័យធំ យុទ្ធនាគារម៉ោងផែនដីជាពិសេស គឺសកម្មភាពបិទភ្លើង និងឧបករណ៍អគ្គីសនីមិនចាំបាច់ ក្នុងរយៈពេលមួយម៉ោង ចាប់ពីម៉ោង២០និង៣០នាទីដល់ម៉ោង២១ និង៣០នាទីនៅវៀតណាម និងប្រទេសនានាលើពិភពលោក នាថ្ងៃទី១៩ ខែមិនា ឆ្នាំ២០១៦។ នេះគឺជាឆ្នាំទី៨ដែលវៀតណាមជួយជ្រោមជ្រែង យុទ្ធនាការម៉ោងផែនដី និងក៏ជាឆ្នាំទី៥ ក្រសួងឧស្សាហ ពាណិជ្ជកម្មវៀតណាមទទួលរៀបចំកម្មវិធីនេះ។
នាព្រឹកថ្ងៃទី៥ ខែមិនា ពិធីប្រកាស និងបំផុសយុទ្ធនាការម៉ោងផែនដី ២០១៦ ត្រូវបានប្រារព្វឡើង នៅទីក្រុងហាណូយ។ ស្ដីអំពីអត្ថន័យនៃប្រធានបទ៖ សកម្មភាពតិច អត្ថន័យធំ នៃយុទ្ធនាការម៉ោងផែនដីឆ្នាំនេះ លោក Trinh Quoc Vu ប្រធាននាយកដ្ឋានវិទ្យាសាស្ត្រ បច្ចេកវិទ្យា និងសន្សំសំចៃថាមពល នៃក្រសួងឧស្សាហពាណិជ្ជកម្មវៀតណាម បានអោយដឹងថា៖
“តាមរយៈប្រធានបទនេះ យើងខ្ញុំមានគោលបំណងផ្ញើសារទៅកាន់ប្រជាជនគ្រប់រូប សហគមន៍ និងសង្គមទាំងមូល ថាយើងម្នាក់ៗ ត្រូវរួមដៃជាមួយគ្នា ចាប់ផ្តើមពីសកម្មភាពតូចតាច ដូចជា៖ បិទឧបករណ៍អគ្គីសនីក្នុងពេលមិនប្រើប្រាស់ប្រើប្រាស់ទឹកស្អាត ដោយសន្សំសំចៃ និងប្រសិទ្ធិភាព និងការពារបរិស្ថាន។ ពីសកម្មភាពតូចតាចនេះ ប្រសិនបើយើងទាំងអស់គ្នាអនុវត្តបាន ប្រទេសយើងនឹងកាន់តែអភិវឌ្ឍន៍ផង និងការពារបាននូវបរិស្ថានទៀតផង៕”
តាម VOV5 – វិទ្យុសម្លេងវៀតណាម