ជាផ្នែកមួយនៃសកម្មភាព ដើម្បីអបអរសាទរខួបលើកទី ៧៥ នៃទិវាយុទ្ធជនពិការ និងយុទ្ធជនពលី (២៧ កក្កដា ១៩៤៧-២៧ កក្កដា ២០២២) នាយប់ថ្ងៃទី ២២ ខែកក្កដា នៅទីលាននៃតំបន់រមណីយដ្ឋានប្រវត្តិ សាស្ត្រជាតិពិសេស Dong Loc (ខេត្ត Ha Tinh) បានប្រព្រឹត្តទៅនូវកម្មវិធីសិល្បៈ “ឋានពិសិដ្ឋ Dong Loc”។ ថ្លែងមតិនៅទីនេះ លោក Nguyen Xuan Thang នាយកបណ្ឌិត្យសភានយោបាយជាតិហូជីមិញ ប្រធានក្រុមប្រឹក្សាទ្រឹស្តីមជ្ឈិមបានសង្កត់ធ្ងន់ថា៖ ជ័យជំនះរបស់កងទ័ព និងប្រជាជនលើសមរភូមិ Dong Loc គឺជាជ័យជំនះនៃស្មារតីស្នេហាជាតិ ឆន្ទៈដ៏មុះមុត និងភាពធន់របស់ប្រជាជនវៀតណាម។ រមណីដ្ឋានប្រវត្តិសាស្ត្រជាតិ Dong Loc  បានក្លាយជាអាស័យដ្ឋានពណ៌ក្រហមដ៏ពិសិដ្ឋ រួមចំណែកអប់រំទំនៀមទម្លាប់បដិវត្តន៍សម្រាប់ប្រជាជន ជាពិសេសយុវជនជំនាន់ក្រោយ។

“ខ្ញុំស្នើឱ្យ Ha Tinh បន្តប្រពៃណីវីរភាពវប្បធម៍ និងបដិវត្តន៍មាតុភូមិ បំផុសឆន្ទៈ និងសេចក្តីប្រាថ្នារបស់ប្រជាជន Ha Tinh បន្តសរសេរអព្ភូតហេតុភ្នំក្រហម ទន្លេ La ក្នុងយុគសម័យថ្មី កសាង Ha Tinh កាន់តែបរិបូណ៌ ស្រស់ស្អាត អរិយធម៌ មនុស្សមានសេចក្តីសុខ និងចម្រុងចម្រើន។ ជាពិសេស Ha Tinh ត្រូវបន្តយកចិត្តទុកដាក់អនុវត្តន៍បានល្អនូវចលនាតបស្នងសងគុណ។ ខ្ញុំជឿជាក់ថា Ha Tinh នឹងបន្តបោះជំហានទៅមុខយ៉ាងរឹងមាំដោយជំនឿ និងការតាំងចិត្ត និងទទួលបានជ័យជំនះថ្មីៗជាច្រើន ដែលសក្តិសមសម្រាប់ការលះបង់ដ៏ថ្លៃថ្នូ និងការលះបង់របស់ជីដូនជីតា”៕