នាថ្ងៃទី៨ ខែកុម្ភៈ ឆ្នាំ២០១៨ ឯកអគ្គរដ្ឋទូតវៀតណាមប្រចាំនៅចិន លោក Dang Minh Khoi បានអញ្ជើញជួបពិភាក្សាការងារជាមួយអនុប្រធានគណៈកម្មការទំនាក់ទំនងកិច្ចការបរទេសមជ្ឈឹមបក្សកុម្មុយនិស្តចិន លោក Wang Yajun ស្តីពីទិសដៅជម្រុញកិច្ចសហប្រតិបត្តិការក្នុងឆ្នាំ២០១៨។
![](https://imagevietnam.vnanet.vn/Upload/2018/2/11/11022018123148798dangcongsanvnvatqtangcuonghoptac_ogyl.jpg)
ឯកអគ្គរដ្ឋទូត លោក Dang Minh Khoi ជួបពិភាក្សាជាមួយ អនុប្រធានគណៈកម្មការ
ទំនាក់ទំនងកិច្ចការបរទេសមជ្ឈឹមបក្សកុម្មុយនិស្តចិន លោក Wang Yajun (រូបថតៈ daidoanket)
ក្នុងជំនួបនេះ ភាគីទាំងពីរមានក្តីសោមនស្សរីករាយចំពោះការរីកចំរើនគួរឲ្យកត់សម្គាល់នៃទំនាក់ទំនងវៀតណាម-ចិន ក្នុងឆ្នាំ២០១៧។ ពោលគឺជាលើកដំបូង អគ្គលេខាបក្ស និងប្រធានរដ្ឋនៃប្រទេសទាំងពីរបានអញ្ជើញបំពេញទស្សនកិច្ចទៅវិញទៅមកក្នុងឆ្នាំតែមួយ និងបានកំណត់ទិសដៅសំខាន់សម្រាប់អភិវឌ្ឍន៍ទំនាក់ទំនងវៀតណាម - ចិន ក្នុងដំណាក់កាលថ្មី។ ឯកអគ្គរដ្ឋទូត លោក Dang Minh Khoi និងលោក Wang Yajun ក៏បានពិភាក្សាលើវិធានការសំខាន់ៗមួយចំនួន សំដៅបង្កើនថែមទៀតរាល់សកម្មភាពជួបប្រាស្រ័យផ្លាស់ប្តូរតាមការណាលបក្សទាំងពីរ ឆ្ពោះទៅការអភិវឌ្ឍទំនាក់ទំនងវៀតណាម-ចិននាដំណាក់កាលខាងមុខ៕
តាម VOV5 - វិទ្យុសម្លេងវៀតណាម