នៅទីសំណាក់អាសឺវ៉ែកហាណូយ ប្រធានរដ្ឋវៀតណាម លោក Nguyen Xuan Phuc បានពាំនាំនូវការសួរសុខទុក្ខយ៉ាងស្និទ្ធស្នាល និងល្អប្រសើរបំផុត របស់អគ្គលេខាបក្ស Nguyen Phu Trong ថ្នាក់ដឹកនាំបក្ស និងរដ្ឋជូនចំពោះ អាចារ្យ Joseph Vu Van Thien អគ្គអាសឺវ៉ែកនៃទីសំណាក់អាសឺវែក  គណៈសង្ឃ ; អាចារ្យ និងសាសនិកតំណាងឱ្យព្រះសហគមន៍កាតូលិក   ទទួលបុណ្យណូអែលប្រកបដោយសន្តិភាព សុភមង្គល និងពោរពេញដោយព្រះគុណរបស់ព្រះជាម្ចាស់។

លោកប្រធានរដ្ឋបានអះអាងថា បក្ស រដ្ឋ ជានិច្ចកាលគោរព និងធានាសិទ្ធិសេរីភាពខាងជំនឿសាសនារបស់ប្រជាជន ឆ្លើយតបនឹងសិទ្ធិ និងផលប្រយោជន៍ស្របច្បាប់របស់សាសនា ព្រមទាំងបង្កើតលក្ខខណ្ឌអំណោយផលសម្រាប់សហគមន៍ ធានា ឱ្យសាសនាទាំងអស់រស់នៅដោយសន្តិភាព។ លោកប្រធានរដ្ឋសង្ឃឹមថា ក្រុមប្រឹក្សា អាសឺវ៉ែកនឹងបន្តលើកទឹកចិត្តឥស្សរជន បូជាចារ្យ និងបងប្អូនជនរួមជាតិកាតូលិក បន្តរួមចំណែកដើម្បីបម្រើជាតិមាតុភូមិ និងប្រជាជន។

អញ្ជើញទៅទស្សនាមជ្ឈិមនៃគណៈកម្មាធិការដើម្បីសាមគ្គីភាពកាតូលិក វៀតណាម លោកប្រធានរដ្ឋបានអបអរសាទរចំពោះលោកបុព្វជិក Joseph Tran Xuan Manh អនុប្រធានគណៈកម្មាធិការមជ្ឈិមរណសិរ្សមាតុភូមិវៀតណាម ប្រធានគណៈកម្មាធិ ការមជ្ឈិមនៃគណៈកម្មាធិការសាមគ្គីសាសនាកាតូលិកវៀតណាម រួមជាមួយឥស្សរជន បូជាចារ្យ អ្នកកាន់សាសនាកាតូលិកទូទាំងប្រទេស គ្រីស្តបរិស័ទនៅក្រៅប្រទេស ប្រកបដោយសន្តិភាព និងរីករាយក្នុងឱកាសបុណ្យណូអែល ស្វាគមន៍ឆ្នាំថ្មី ឆ្នាំសកល ២០២៣ ដែលពោរពេញដោយព្រះគុណរបស់ព្រះជាម្ចាស់។ លោកប្រធានរដ្ឋបានជូនពរថា នាពេលខាងមុខ គណៈកម្មាធិការសាមគ្គីកាតូលិកវៀតណាមគ្រប់លំដាប់ថ្នាក់នឹងបន្តធ្វើបានល្អក្នុងការឃោសនា និងគៀងគរព្រះសង្ឃឱ្យគោរពតាមគោលការណ៍ណែនាំ និងបទបញ្ញត្តិរបស់បក្ស ក៏ដូចជាគោលនយោបាយ និងច្បាប់របស់បក្សកុម្មុយនិស្តវៀតណាម រដ្ឋាភិបាល; ដើម្បីលើកកម្ពស់ចលនាប្រឡងប្រណាំងស្នេហាជាតិ៕