នូវែលហ្សេឡង់មានបំណងបើកទូលាយ និងពង្រីកទំនាក់ទំនងជាមួយវៀតណាម

ក្នុងក្របខ័ណ្ឌនៃដំណើរទស្សនកិច្ចការងារនៅនូវែលហ្សេឡង់ ចាប់ពីថ្ងៃទី ៣ ដល់ថ្ងៃទី ៥ ធ្នូ ឆ្នាំ២០១៧ នោះ នាព្រឹកថ្ងៃទី ៥ ខែធ្នូ គណៈប្រតិភូគណៈកម្មាធិការមជ្ឈឹមរណសិរ្សមាតុភូមិវៀតណាម ដឹកនាំដោយប្រធានគណៈ​កម្មាធិការ​មជ្ឈឹមរណសិរ្សមាតុភូមិ លោក Tran Thanh Man បានអញ្ជើញទៅជួបសម្ដែងការគួរសមប្រធានរដ្ឋសភានូវែលហ្សេឡង់ លោក Trevor Mallard នៅ រដ្ឋធានី Wellington។ អញ្ជើញថ្លែងមតិនៅទីនេះ លោក Tran Thanh Man បានអះអាងថា វៀតណាមត្រៀមខ្លួនជាស្រេចចែករំលែកបទពិសោធន៍ ដើម្បីនូវែលហ្សេឡង់សម្រេចឲ្យ​បានល្អនូវតួនាទីជាប្រទេសម្ចាស់ផ្ទះ APEC ឆ្នាំ ២០២១។ លោក Tran Thanh Man បានស្នើឲ្យរដ្ឋសភា រដ្ឋាភិបាលនូវែលហ្សេឡង់បន្តជួយឧបត្ថម្ភ បង្កលក្ខណៈងាយស្រួលសម្រាប់សហគមន៍ជនវៀតណាមនៅនូវែលហ្សេឡង់ ហើយគាំទ្រការរក្សាវប្បធម៌ និងភាសាវៀតណាមក្នុងសហគមជនវៀតណាមនៅនូវែលហ្សេឡង់៕
 

តាម VOV5 - វិទ្យុសម្លេងវៀតណាម