កាសែតរូបភាពវៀតណាមជាភាសាខ្មែរ

វប្បធម៌

នាវាពេទ្យយោធាលេខ៥៦១ - មន្ទីរពេទ្យចល័តលើសមុទ្រខាងកើត

08/03/2020

នៅកណ្តាលលំហផ្ទៃទឹកសមុទ្រខាងកើត នាវាពេទ្យយោធាលេខ៥៦១ នៅតែកំពុងនាំយកភាពសប្បាយរីករាយ ក្តីសង្ឃឹម ជូនទាហាននិងប្រជាជននៅលើកោះទ្រឿងសា (Truong Sa) ក្នុងបុព្វហេតុការពារអធិបតេយ្យភាពកោះសមុទ្រជាតិ។

នាវាពេទ្យយោធាលេខ៥៦១ ឬនៅហៅថានាវាមន្ទីរខាញហ្វ័រ - ០១ (Khanh Hoa) ផ្លាកលេខ៥៦១ ជានាវាទំនើបបំផុត ដែលបោះដោយវៀតណាម នាវាបង្កប់បេសកកម្មខ្ពង់ខ្ពស់ ធ្វើដំណើរសង្រ្គោះមនុស្សនៅកណ្តាលផ្ទៃសមុទ្រ។ នាវាពេទ្យយោធាលេខ៥៦១ បានបោះដោយក្រុមហ៊ុន១៨៩ (ក្រសួងការពារជាតិ) ទម្លាក់ទឹកនៅថ្ងៃទី២៦ ខែមេសា ឆ្នាំ២០១២ និងដាក់ឱ្យដំណើរការ នាដើមឆ្នាំ២០១៣។ នាវាមានប្រវែង៧០ម៉ែត្រ ទទឹង១៣ម៉ែត្រ កម្ពស់ពីបាត់នាវាឡើងដល់មុខទឹក៣,៥ម៉ែត្រ ល្បឿនដំណើរ១៤ម៉ាយក្នុងមួយម៉ោង។ បណ្តោយនាវានិងផ្ទៃជាន់ខាងមុខនាវា មានប្រឌិតអក្សរកាកបាទធំពណ៌ក្រហម។

នាវាមាន៥ជាន់ ជាន់កណ្តាលមណ្ឌលសេ (C) ទុកសម្រាប់តែមន្ទីរពេទ្យ ក្រុមវេជ្ជបណ្ឌិតយោធាអប្បរិមាណ១២នាក់។ នាវាមានទម្ងន់២.០៧០តោន ដឹកជញ្ចូនបានជិត២០០នាក់ ក្រុមនាវិកនិងក្រុមវេជ្ជបណ្ឌិតសកម្មភាពអូសបន្លាយបានអំឡុង៤៥ថ្ងៃនៅលើសមុទ្រ រងការប៉ះពាល់នៃរលកចាប់ពីកម្រិត៨ រហូតដល់កម្រិត១០។

នាវាពេទ្យយោធានលេខ៥៦១ ចំណុះក្របខណ្ឌតំបន់៤នៃកងទ័ពជើងទឹក បានវាយតម្លៃជានាវាពេទ្យមួយក្នុងចំណោមនាវាពេទ្យទំនើបបំផុត នៅអាស៊ីអាគ្នេយ៍។

នាវាពេទ្យយោធាលេខ៥៦១ ឬនៅហៅថានាវាពេទ្យខាញហ្វ័រ - ០១ (Khanh Hoa) ផ្លាកលេខ៥៦១ ជានាវាទំនើបបំផុត ដែលបោះដោយវៀតណាម។

នៅបន្ទប់បើកបរ យុទ្ធជនតែងយកចិត្តទុកដាក់ខ្ពស់។

មណ្ឌលបែងចែកសំរាម លើនាវាពេទ្យយោធាលេខ៥៦១។

ផ្លូវកណ្តាលរវាងមណ្ឌលនានា មានភាពស្រស់ស្រាយ ជ្រះស្អាត។

នាវាបានបណ្តាក់យ៉ាងទំនើប ជាមួយនឹងគ្រែជំងឺ១៥ បន្ទប់ជំងឺ៣ ឃ្លាំងបន្ទុកឧបករណ៍១។

នាវាពេទ្យយោធាលេខ៥៦១ បានបំពាក់ឧបករណ៍សុខាភិបាលទំនើប។

ម៉ាស៊ីនឆ្លុះពិនិត្យបានបំពាក់នៅលើនាវាពេទ្យយោធាលេខ៥៦១។

បន្ទប់វះកាត់ដែលមានបំពាក់ប្រព័ន្ធទូរទស្សន៍ផ្សាយផ្ទាល់ នឹងមន្ទីរពេទ្យមជ្ឈិមកងទ័ព១៧៥ តាមរយៈប្រព័ន្ធផ្កាយរណប Vinasat។

ពិនិត្យឧបករណ៍សុខាភិបាល តាមពេលកំណត់នៅលើនាវា។ពិនិត្យឧបករណ៍សុខាភិបាល តាមពេលកំណត់នៅលើនាវា។

នាវាបានបណ្ដាក់យ៉ាងទំនើប ដោយមានគ្រែជំងឺ១៥ បន្ទប់ជំងឺ៣ ឃ្លាំងសម្ភារ១ ឃ្លាំងឱសថ១ និងបន្ទប់មុខងារផ្សេងៗដូចជា៖ ស្តារកម្លាំងបន្ទាប់ពីសង្រ្គោះបន្ទាន់ វាស់រលកបេះដូង ធ្មេញ - ថ្គាម មុខ តេស្ត វះកាត់ ឆ្លុះពិនិត្យ ឆ្លុះអេកូ ថតកម្មរស្មី X ជាដើម។ល។ បំពាក់ឧបករណ៍ទំនើបលើនាវា ឆ្លើយតបតម្រូវការអនុវត្តទាំងករណីជំងឺ ករណីវះកាត់ពិបាកលើសមុទ្រ។

ដោយឡែកបន្ទប់វះកាត់និងបន្ទប់ពិនិត្យព្យាករណ៍ មានបំពាក់ប្រព័ន្ធទូរទស្សន៍ផ្សាយផ្ទាល់ នឹងមន្ទីរពេទ្យមជ្ឈិមយោធាលេខ១៧៥ តាមរយៈប្រព័ន្ធផ្កាយរណប Vinasat ។ ហេតុនេះហើយ ក្រុមវេជ្ជបណ្ឌិតលើនាវា អាចទទួលបានការប្រឹក្សា ជំនួយពីដែនដីគោក ក្នុងករណីវះកាត់ពិបាកស្មុគស្មាញ ពេលសកម្មភាពលើសមុទ្រ។ ក្នុងករណីសមុទ្ររលកធំ នាវាមានបំពាក់ឧបករណ៍ខ្សែក្រវាត់បង្ការរលាក់ ជួយវេជ្ជបណ្ឌិតមានបរិស្ថានលំនឹងបំផុត សម្រាប់ការងារ។

តាមអនុសេនីយ៍ឯក ត្រឹន វ៉ាន់ង៉ុក (Tran Van Ngoc) (គិលានុបដ្ឋានលើនាវាលេខ៥៦១) ចំណុចពិសេសដោយឡែកមួយនៃនាវាពេទ្យយោធាលេខ៥៦១ គឺតែងបានបំពាក់បន្ទប់កាត់បន្ថយសម្ពាធ អាចសង្រ្គោះក្នុងពេលតែមួយពី៨ រហូតដល់១០នាក់។ បន្ទប់កាត់បន្ថយសម្ពាធនេះ ជំនាញខាងសុខាភិបាលសមុទ្រ ទទួលស្នាក់នៅ និងព្យាបាលអ្នកជំងឺ ដែលត្រូវទ្រោមចៃដន្យ ដោយសារមុជជ្រៅចុះក្រោមបាត់សមុទ្រ។

ជាមួយនឹងឧបករណ៍ជឿនលឿន ទំនើប នៅលើនាវាពេទ្យយោធាលេខ៥៦១ នៅមានទាំងក្រុមវេជ្ជបណ្ឌិត ឱសថការី អ្នកបច្ចេកទេសជាដើម។ល។ ដែលមានកម្រិតវិជ្ជាថ្វីដៃខ្ពស់ ធានាសម្រាប់ការសង្រ្គោះជាបន្ទាន់ និងការព្យាបាលជូនប្រជាជននិងយោធា ដែលរស់នៅនិងធ្វើការនៅស្រុកកោះទ្រឿងសា (Truong Sa) ក៏ដូចជាប្រជានេសាទប្រមាញ់ជលផលលើសមុទ្រ។ បន្ទប់ស្តារកម្លាំងបន្ទាប់ពីសង្រ្គោះជាបន្ទាន់ នៅលើនាវាពេទ្យយោធាលេខ៥៦១ ងាយស្រួល ទំនើប ព្រមជាមួយនឹងឧបករណ៍ជឿនលឿន។

ជាមួយបេសកកម្មខ្ពង់ខ្ពស់ រួមនឹងលក្ខណៈចល័ត ទំនើប នាវាពេទ្យយោធាលេខ៥៦១ ជាកម្លាំងចលករមួយក្នុងចំណោមកម្លាំងចលករ ជួយប្រជានេសាទផ្សារភ្ជាប់និងរក្សាសមុទ្រ ជួយកម្មាភិបាល យុទ្ធជនលំនឹងចិត្តបំពេញការងារ កាន់កាំភ្លើងមាំ រក្សាអធិបតេយ្យភាពកោះសមុទ្រមាតុភូមិ៕

ពិនិត្យព្យាបាលផ្ទាល់ជូនយុទ្ធជននៅលើនាវា។

ផ្តល់ថ្នាំឥតគិតថ្លៃសម្រាប់ប្រជានេសាទ ដែលអភព្វជួបគ្រោះថ្នាក់លើសមុទ្រ។

ប្រជានេសាទសប្បាយរីករាយអរគុណ ចំពោះយុទ្ធជនពេទ្យយោធា លើនាវាពេទ្យយោធាលេខ៥៦១។

អត្ថបទនិងរូបថត៖ ថុងហាយ