នាយករដ្ឋមន្រ្តីវៀតណាមលោក Nguyen Xuan Phuc (ស្ដាំ) និងប្រធានសភាជាន់ទាបជប៉ុន
លោក Oshima Tadamori (រូបថត៖TTXVN)

នារសៀលថ្ងៃទី៥ ខែមិថុនា ឆ្នាំ២០១៨ នៅរដ្ឋធានីតូក្យូ នាយករដ្ឋមន្រ្តីវៀតណាមលោក Nguyen Xuan Phuc បានអញ្ជើញជួបសន្ទនាជាមួយប្រធានសភាជាន់ទាបជប៉ុនលោក Oshima Tadamori។ នាយករដ្ឋមន្រ្តីលោក Nguyen Xuan Phuc អះអាងថា វៀតណាមជានិច្ចកាលយកចិត្តទុកដាក់ពិសេសដល់ការជំរុញទំនាក់ទំនងសហប្រតិបត្តិដ៏ស្មោះសរ ជាក់ស្ដែងនិងលើគ្រប់វិស័យជាមួយជប៉ុន ហើយចាត់ទុកនេះជាអាទិភាពចម្បងក្នុងគោលនយោបាយកិច្ចការបរទេស។នាយករដ្ឋមន្ត្រីលោក Nguyen Xuan Phuc ស្នើឲ្យសភាជាន់ទាបជប៉ុន បន្តជំរុញការ ជួប​ប្រាស្រ័យ ផ្លាស់ប្ដូរបទពិសោធន៍រវាងរដ្ឋសភានៃប្រទេសទាំងពីរ គាំទ្ររដ្ឋាភិបាលជប៉ុនបន្តផ្ដល់ជំនួយឧបត្ថម្ភ ODA សំរាប់វៀតណាម ព្រមទាំងគាំទ្រគោលជំហររបស់អាស៊ាននិងវៀតណាមស្ដីពីបញ្ហាសមុទ្រខាងកើតផងដែរ។

រីឯខ្លួនវិញ ប្រធានសភាជាន់ទាបលោក Oshima Tadamori បានអះអាងលើការគោរពទំនាក់ទំនងជាមួយ​វៀត​ណាម​ ហើយមានគោលបំណងជំរុញទំនាក់ ទំនងរវាងប្រទេសទាំងពីរឲ្យអភិវឌ្ឍន៍កាន់តែខ្លាំងក្លាលើគ្រប់វិស័យ៕

តាម VOV5 - វិទ្យុសម្លេង​វៀតណាម