នាព្រឹកថ្ងៃទី ២៧ ខែកក្កដា នាយករដ្ឋមន្រ្តីវៀតណាម លោក Nguyen Xuan Phuc បានអញ្ជើញជាអធិបតីនៃកិច្ចប្រជុំអចិន្រ្តៃយ៍របស់រដ្ឋាភិបាលស្តីពី ការបង្ការនិងទប់ស្កាត់ជំងឺរាតត្បាតកូវីដ-១៩ ក្នុងបរិបទដែលទើបនឹងលេចឡើងករណីមួយចំនួនដែលវិជ្ជមាននឹងជំងឺកូវីដ-១៩ នៅទីក្រុង Da Nang។
![](https://imagevietnam.vnanet.vn/Upload/2020/7/28/28072020084200228vna_potal_thu_tuong_nguyen_xuan_phuc_chu_tri_hop_ban_chi_dao_co_cau_lai_he_thong_cac_to_chuc_tin_dung_151100976_4917708.jpg) |
នាយករដ្ឋមន្ត្រី លោក Nguyen Xuan Phuc អញ្ជើញថ្លែងក្នុងកិច្ចប្រជុំ |
អញ្ជើញថ្លែងបើកកិច្ចប្រជុំ លោកនាយករដ្ឋមន្រ្តីមានប្រសាសន៍ថា នៅពេលបានរកឃើញករណីឆ្លងទី ១ មាន លេខរៀង ៤១៦ ក្រោយរយៈពេល ៩៩ ថ្ងៃ មិនមានករណីឆ្លងថ្មីនៅក្នុងសហគមន៍នោះ ទីក្រុង Da Nang និងក្រសួងសុខាភិបាលបានចាត់វិធានការជាច្រើន ដើម្បីទប់ស្កាត់ការរីករាលដាលនេះ។ ប៉ុន្តែ ដោយសារស្ថានការណ៍កាន់តែស្មុគស្មាញ លោកនាយករដ្ឋមន្រ្តីបានសង្កត់ធ្ងន់ថា កុំទុកអោយជំងឺនេះឆ្លងរាលដាលក្នុងទីក្រុង Da Nang និងនៅតាមមូលដ្ឋានដទៃទៀតអោយសោះ។ ប្រសិនបើមិនមានវិធានការម៉ឹងមាត់ទេនោះ យើងនឹងបរាជ័យនៅក្នុងការប្រយុទ្ធនេះជាពុំខាន។ ហេតុដូច្នេះ កិច្ចប្រជុំនឹងសម្រេចនូវវិធានការរឹងមាំនិងធ្វើសមកាលកម្មដើម្បីដោះស្រាយស្ថានការណ៍ទាំងនេះ។
លោកនាយករដ្ឋមន្រ្តីបានឯកភាពថា ចាប់ពីម៉ោងសូន្យ ថ្ងៃទី ២៨ ខែកក្កដា Da Nang នឹងអនុវត្តវិធានការរក្សាគម្លាតសង្គមពេញលេញ ស្របតាមសារាចរលេខ ១៩ របស់នាយករដ្ឋមន្រ្តី ដោយមានវិធានការណ៍ខ្ពស់ជាងរាល់វិធានការដែលកំពុងអនុវត្ត។
នាព្រឹកថ្ងៃទី ២៧ ខែកក្កដានេះ នៅទីស្នាក់ការរដ្ឋាភិបាល លោកឧបនាយករដ្ឋមន្រ្តី Vu Duc Dam ប្រធានគណៈកម្មាធិការជាតិដឹកនាំការបង្ការនិងទប់ស្កាត់ជំងឺរាតត្បាតកូវីដ-១៩ បានដឹកនាំកិច្ចប្រជុំអនុវត្តវិធានការណ៍បង្ការនិងទប់ស្កាត់ជំងឺរាតត្បាត ក្នុងរយៈពេលបច្ចុប្បន្ន។ ឧបនាយករដ្ឋមន្រ្តី លោក Vu Duc Dam បានលើកច្បាស់អំពីការអនុវត្តគោលដៅពីរគឺការទប់ស្កាត់ជំងឺរាតត្បាតយ៉ាងឆាប់រហ័សនិងរក្សាស្ថេរភាពសង្គម។ ទន្ទឹមជាមួយគ្នានេះ លោកឧបនាយករដ្ឋមន្រ្តីបានស្នើដល់ក្រសួងសុខាភិបាលពង្រឹងការបណ្តុះបណ្តាលនិងការធ្វើតេស្តឧបករណ៍ធ្វើតេស្តផ្សេងៗគ្នា ដែលវៀតណាមបានផលិតមុននេះ៕
តាម VOV5 - វិទ្យុសម្លេងវៀតណាម