លោកនាយករដ្ឋមន្ត្រី ហ្វាម មិញជីញ អញ្ជើញចូលរួមសម័យសន្ទនាគោលនយោបាយ “យុគសម័យថ្មីរបស់វៀតណាម៖ ពីចក្ខុវិស័យដល់សកម្មភាព”។ រូបថត៖ VOV

សម័យសន្ទនានេះមានការចូលរួមពីលោក Børge Brende ប្រធាន និងជានាយកប្រតិបត្តិ WEF រួមជាមួយនឹងគណៈ ប្រតិភូជាង ១០០ នាក់ តំណាងឱ្យរដ្ឋាភិបាល អង្គការ និងសហគ្រាសនានា។

ឆ្លើយតបនឹងសំណួរអំពីផលប៉ះពាល់នៃស្ថានភាពភូមិសាស្ត្រនយោបាយដ៏ស្មុគស្មាញមកលើការអភិវឌ្ឍរបស់វៀតណាម លោកនាយករដ្ឋមន្ត្រីហ្វាម មិញជីញ បាន អះអាងថា៖

“វៀតណាមមានតុល្យភាពដោយឈរលើគោលការណ៍នៃកិច្ចការបរទេស ឯករាជ្យ ខ្លួនទីពឹងខ្លួន ប៉ុន្តែធ្វើពិធិធកម្ម ពហុភាគីភាវូបនីយកម្ម ជាមិត្តល្អ ជាដៃគូដែល អាចទុកចិត្តបានជាមួយប្រទេសទាំងអស់នៅលើពិភពលោក និងជាសមាជិកប្រកប ដោយការទទួលខុសត្រូវរបស់សហគមន៍អន្តរជាតិ។ វៀតណាមប្រកាន់នូវមាគ៌ាការពារជាតិ ៤ មិន៖ មិនចងសម្ព័ន្ធភាពយោធា; មិនធ្វើតាមប្រទេសមួយ ប្រឆាំងប្រទេសមួយ ផ្សេងទៀត; មិនអនុញ្ញាតឱ្យប្រទេសផ្សេងទៀតប្រើប្រាស់ទឹកដីរបស់ខ្លួន ដើម្បីប្រឆាំង នឹងប្រទេសទីបី; មិនប្រកាស និងប្រើប្រាស់កម្លាំងយោធាក្នុងទំនាក់ទំនងអន្តរជាតិ"។

លោកនាយករដ្ឋមន្ត្រីក៏បានលើកឡើងដែរថា វៀតណាមផ្តោតលើការធ្វើពិពិ ធកម្មទីផ្សារ ផលិតផល ខ្សែសង្វាក់ផ្គត់ផ្គង់ និងផលិតកម្ម។ វៀតណាមជាដៃគូពាណិជ្ជ កម្មដ៏ល្អរបស់ប្រទេសចិន សហរដ្ឋអាមេរិក សហភាពអឺរ៉ុប កូរ៉េខាងត្បូង ជប៉ុន និង បណ្តាប្រទេសអាស៊ាន។

អំពីគោលនយោបាយអាទិភាពរបស់វៀតណាមសំដៅធានាសេដ្ឋកិច្ចខ្លួនទីពឹង ខ្លួន ខណៈពេលដែលបន្តធ្វើសមាហរណកម្មយ៉ាងស៊ីជម្រៅទៅក្នុងសេដ្ឋកិច្ចសកល នោះ លោកនាយករដ្ឋមន្ត្រីបានមានប្រសាសន៍ថា៖ “យើងប្ដេជ្ញាកសាងសេដ្ឋកិច្ចឯករាជ្យ ខ្លួនទីពឹងខ្លួនដោយផ្អែកលើមនុស្ស វៀតណាម។ ទីពីរ យើងផ្អែកលើធម្មជាតិរបស់វៀតណាម។ ទីបី យើងផ្អែកលើប្រពៃណី ប្រវត្តិសាស្ត្រ និងវប្បធម៌ដ៏រុងរឿងជាង ៤០០០ ឆ្នាំ ដើម្បីកសាងសេដ្ឋកិច្ចឯករាជ្យ ខ្លួនទីពឹងខ្លួន ហើយកំណត់ទស្សនៈថា ធនធានខាងក្នុងគឺជាមូលដ្ឋានគ្រឹះ ជាយុទ្ធ សាស្ត្រយូរអង្វែង និងជាកត្តាគន្លឹះ ប៉ុន្តែធនធានខាងក្រៅក៏មានសារៈសំខាន់ខ្លាំងដែរ ជាមួយនឹងរបកគំហើញគឺ៖ មូលធន ស្ថាប័នសេដ្ឋកិច្ចទីផ្សារ បច្ចេកវិទ្យា អភិបាលកិច្ច និងធនធានមនុស្ស”៕