ព័ត៌មាន

នាយករដ្ឋមន្ត្រីវៀតណាមលោក Pham Minh Chinh៖ អភិវឌ្ឍន៍​តំបន់​ណាមបូភាគខាង​កើតជាមួយ “ការត្រិះរិះផ្លាស់ប្ដូរថ្មី – ទម្លុះទម្លាយថ្មី – តម្លៃថ្មី ”

តំបន់ណាមបូខាងកើតគឺជាទីកន្លែង “ប្រមូលផ្ដុំសក្ដានុពល និងប្រៀបខ្លាំង” ដោយមានឋានៈ និងតួនាទីសំខាន់ពិសេសក្នុងការអភិវឌ្ឍសេដ្ឋកិច្ច សង្គម ធានាការពារជាតិ សន្តិសុខ និងកិច្ចការបរទេសរបស់ប្រទេសទាំងមូល។
នាយករដ្ឋមន្ត្រី លោក Pham Minh Chinh អញ្ជើញទស្សនាស្តង់ដាក់តាំងផលិតផលបច្ចេកវិទ្យា កសិកម្ម សិប្បកម្ម និងសេវាកម្មរបស់តំបន់​ណាមបូភាគខាង​កើត។ រូបថត៖ VNA

នាព្រឹកថ្ងៃទី ២៦ ខែវិច្ឆិកា នៅខេត្ត Ba Ria - Vung Tau នាយករដ្ឋមន្ត្រីវៀតណាមលោក Pham Minh Chinh បានអញ្ជើញជាអធិបតីក្នុងសន្និសីទអនុវត្តន៍កម្មវិធីធ្វើសកម្មភាពរបស់រដ្ឋាភិបាលស្ដីពីការអនុវត្តសេចក្ដីសម្រេចចិត្តលេខ ២៤ ចុះថ្ងៃទី ៧ តុលា ឆ្នាំ ២០២២ របស់ការិយាល័យនយោបាយ ស្ដីពីការអភិវឌ្ឍសេដ្ឋកិច្ចសង្គម ធានាការពារជាតិ សន្តិសុខនោតំបន់ណាមបូខាងកើតដល់ឆ្នាំ ២០៣០ ចក្ខុវិស័យដល់ឆ្នាំ ២០៤៥ និងការជំរុញវិនិយោគក្នុងតំបន់។

អញ្ជើញថ្លែងមតិក្នុងសន្និសីទនេះ លោកនាយករដ្ឋមន្ត្រី Pham Minh Chinh បានអះអាងថា តំបន់ណាមបូខាងកើតគឺជាទីកន្លែង “ប្រមូលផ្ដុំសក្ដានុពល និងប្រៀបខ្លាំង” ដោយមានឋានៈ និងតួនាទីសំខាន់ពិសេសក្នុងការអភិវឌ្ឍសេដ្ឋកិច្ច សង្គម ធានាការពារជាតិ សន្តិសុខ និងកិច្ចការបរទេសរបស់ប្រទេសទាំងមូល។ លោកនាយករដ្ឋមន្ត្រីបានសង្កត់ធ្ងន់ថា ដើម្បីនាំតំបន់ណាមបូខាងកើតអភិវឌ្ឍន៍យ៉ាងខ្លាំងក្លាគឺចាំបាច់ត្រូវមាន “ការត្រិះរិះផ្លាស់ប្ដូរថ្មី – ទម្លុះទម្លាយថ្មី – តម្លៃថ្មី”៖ “តម្លៃថ្មីគឺមានន័យថា នាំមកនូវល្បឿនកំណើនលឿនជាង រួមវិភាគទានដល់ GDP ខ្ពស់ជាងប្រាក់ចំណូលរបស់មនុស្សម្នាក់ៗនៅតំបន់ផ្សេងៗទៀត ហើយត្រូវប្រៀបធៀបជាមួយតំបន់ និងអន្តរជាតិ។ ខិតខំប្រឹងប្រែង សម្រេចឲ្យបានសន្ទស្សន៍អភិវឌ្ឍន៍មនុស្សឱ្យកាន់តែខ្ពស់ពីមួយថ្ងៃទៅមួយថ្ងៃ ពោលគឺត្រូវស្មើនឹងប្រទេស និងតំបន់អភិវឌ្ឍន៍មួយចំនួន។ តម្លៃថ្មីទី ៤ គឺ ហេដ្ឋារចនាសម្ព័ន្ធតភ្ជាប់តំបន់ តភ្ជាប់ប្រទេសទាំងមូល និងតភ្ជាប់អន្តរជាតិត្រូវមានលកក្ខណៈល្អបំផុត។ តម្លៃថ្មីទី ៥ គឺត្រូវជំនះពុះពារលើផលវិបាកដោយសារការប្រែប្រួលអាកាសធាតុ ពាក់ព័ន្ធនឹងបរិស្ថាន។ តម្លៃថ្មីដ៏សំខាន់បំផុតរបស់តំបន់គឺត្រូវរួមចំណែកយ៉ាងសំខាន់ ប្រកបដោយប្រសិទ្ធភាព កសាងខឿនសេដ្ឋកិច្ចទីផ្សារតម្រង់ទិសដៅសង្គមនិយម កសាងខឿនសេដ្ឋកិច្ចឯករាជ្យ ម្ចាស់ការ ធ្វើសមាហរណកម្មអន្តរជាតិយ៉ាងស៊ីជម្រៅ លើគ្រប់ជ្រុងជ្រោយ ជាក់ស្ដែង ប្រកបដោយប្រសិទ្ធភាព និងកសាងប្រទេសវៀតណាមខ្លាំងមាំមួន វិបុលភាព ប្រជាជនវៀតណាមមានសុភមង្គល សម្បូរធូធារផងដែរ”។

ក្នុងសន្និសីទនេះ ប្រតិភូជាច្រើនបានថ្លែងមតិអន្តរាគមន៍ សំណើ និងលើកដំណោះស្រាយសមស្រប វិជ្ជមាន ប្រកបដោយប្រសិទ្ធភាពជាក់ស្ដែងជាច្រើនសម្រាប់តំបន់ណាមបូខាងកើតផងដែរ៕


top