នាយករដ្ឋមន្ត្រីវៀតណាមលោក Nguyen Xuan Phuc ជួបសន្ទនាជាមួយនាយកសម្ព័ន្ធក្រុមហ៊ុន Sunwah ( ហុងកុង)

នារសៀលថ្ងៃទី២១ ខែមេសា ឆ្នាំ​២០១៦ នៅក្នុងជំនួបសន្ទនាជាមួយ លោក Jonathan Choi នាយក​សម្ព័ន្ធ​ក្រុម​ហ៊ុន Sunwah នាយករដ្ឋមន្ត្រីវៀតណាម លោក  Nguyen Xuan Phuc បាន​សង្កត់ធ្ងន់ថា៖ រដ្ឋាភិបាល​វៀត​ណាម​ ជានិច្ចកាល គោរព  និងកំ​ពុង​ប្តេជ្ញាចិត្ត​កែលំអរ​បរិយាកាស​វិនិយោគ អាជីវកម្ម បង្កលក្ខណះ ងាយ ស្រួល​​ថែមទៀត សំរាប់បណ្ដាវិនិយោគិនបរទេសមកផលិតកម្ម និងធ្វើអាជីវកម្មវៀតណាម។​នាយក​រដ្ឋមន្ត្រី​បាន​វាយ​តំលៃខ្ពស់ ចំពោះសកម្មភាពប្រកបដោយប្រសិទ្ធិភាព របស់សម្ព័ន្ធក្រុមហ៊ុន Sunwah នៅវៀត​ណាម ក្នុង​រយៈ​ពេលប៉ុន្មាន​ឆ្នាំកន្លងទៅ។ នាយក​រដ្ឋមន្ត្រីក៏​បាន​ស្នើ​អោយលោក Jonathan Choi បង្កើនកម្មវិធី គំរោង​ការណ៍​វិនិយោគ​នៅវៀតណាម និងចាត់ទុកវៀតណាមជាតំបន់វិនិយោគសំខាន់ជួរមុខ ដើម្បីបើក​ទូលាយកា​រ​វិនិយោគ​។

​រីឯ ប្រធានសម្ព័ន្ធក្រុមហ៊ុន Sunwah លោក Jonathan Choi បានអះអាងថា៖​ នឹង​បន្ត​ជំរុញ​កិច្ច​សហប្រតិ​បត្តិការ​ វិនិយោគ​នៅវិស័យជាច្រើន​នៅវៀតណាម និង​បន្ត​សហប្រតិបត្តិការ ជាមួយ​បណ្ដា​មហាវិទ្យាល័យ​វៀត​ណាម​នាពេលខាងមុខនេះ៕
 

តាម VOV5 - វិទ្យុសម្លេងវៀតណាម