ប្រធានក្រុមប្រឹក្សាអឺរ៉ុប Charles Michel និងប្រធានគណៈកម្មការអឺរ៉ុបលោកស្រី Ursula Von der Leyen បានស្វាគមន៍នាយករដ្ឋមន្ត្រី លោក Pham Minh Chinh
ថ្លែងមតិនៅទីនេះ នាយករដ្ឋមន្ត្រី លោក Pham Minh Chinh បានសង្កត់ធ្ងន់ថា ភាគីទាំងពីរត្រូវបន្តប្រកាន់យ៉ាងខ្ជាប់ខ្ជួននូវគោលដៅ ដែលបានដាក់ចេញ មានសកម្មភាពយ៉ាងម៉ឺងម៉ាត់ និងជំរុញទំនាក់ទំនងដៃគូយុទ្ធសាស្ត្រដើម្បីការអភិវឌ្ឍន៍ប្រកបដោយតុល្យភាព សមភាព និងសុខដុមរមនានូវផលប្រយោជន៍ ចែករំលែក ហានិភ័យ; ព្រមទាំងអះអាងថា វៀតណាមជានិច្ចកាលរួមដំណើរជាមួយសហគ្រាស EU មកបណ្តាក់ទុន និងធ្វើអាជីវកម្មនៅវៀតណាម ព្រមទាំងស្នើ EU លុបចោលជាបន្ទាន់នូវ “កាតលឿង” IUU សម្រាប់ជលផលវៀតណាម និងឆាប់អនុម័តលើកិច្ចព្រមព្រៀងការពារការវិនិយោគវៀតណាម-EU រួមទាំងការប្តេជ្ញាចិត្តយ៉ាងមុតមាំរបស់វៀតណាមក្នុងការប្រយុទ្ធប្រឆាំងនឹងបម្រែបម្រួលអាកាសធាតុ ការអភិវឌ្ឍន៍បៃតង និងនិរន្តរភាព។
លោកក៏បានស្នើឱ្យអាស៊ាន និង EU យកសន្តិភាពជាគោលដៅ ចាត់ទុកការសន្ទនា និងកិច្ចសហប្រតិបត្តិការជាឧបករណ៍ លើកកម្ពស់ការគោរពច្បាប់ជាចម្បង ដ៏ដូចជាគោរពធម្មនុញ្ញនិងរាល់តម្លៃរួម។ លោកនាយករដ្ឋមន្ត្រីបានអះអាងនូវគោលជំហររបស់អាស៊ានចំពោះបញ្ហាសមុទ្រខាងកើត ដោយស្នើឱ្យអាស៊ាន សហភាពអឺរ៉ុប និងប្រទេសដទៃទៀតរួមដៃគ្នាកសាងសមុទ្រខាងកើតទៅជាសមុទ្រសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍប្រកបដោយចីរភាព។ ទាក់ទិននឹងវិបត្តិនៅអ៊ុយក្រែន លោកនាយករដ្ឋមន្ត្រីបានស្នើថា ចាំបាច់ត្រូវគោរពផលប្រយោជន៍ស្របច្បាប់ និងបញ្ហាព្រួយបារម្មរបស់គ្រប់ភាគី ជាពិសេសអាទិភាពកំពូលនាពេលបច្ចុប្បន្នគឺការបញ្ឈប់ការប្រយុទ្ធ គ្នា និងការពារហេដ្ឋារចនាសម្ព័ន្ធ ធនធាអាយុជីវិត និងទ្រព្យសម្បត្តិរបស់ប្រជាជន។ ក្នុងពេលជាមួយគ្នានេះ បញ្ជាក់ពីគោលជំហររួមរបស់អាស៊ានលើការដោះស្រាយជម្លោះដោយសន្តិវិធី ដោយឈរលើមូលដ្ឋាននៃការគោរពច្បាប់អន្តរជាតិធម្មនុញ្ញអង្គការសហប្រជាជាតិ ឯករាជ្យ អធិបតេយ្យ ភាពនិងបូរណភាពទឹករបស់បណ្តាប្រទេស។
កិច្ចប្រជុំកំពូលដើម្បីអបអរសាទរខួបលើកទី ៤៥ នៃទំនាក់ទំនងអាស៊ាន-EUបានអនុម័តលើសេចក្តីថ្លែងការណ៍រួមមួយដែលឆ្លុះបញ្ចាំងពីសមិទ្ធិផលក្នុងរយៈពេល ៤៥ ឆ្នាំកន្លងមក និងកំណត់ទិសដៅនាពេលអនាគត។
នាល្ងាចថ្ងៃដដែល លោកនាយករដ្ឋមន្ត្រី Pham Minh Chinh និងថ្នាក់ដឹកនាំមួយចំនួនទៀតបានចូលរួមពិធីជប់លៀងក្នុង ឱកាសនៃកិច្ចប្រជុំកំពូលដើម្បីអបអរសាទរខួបលើកទី ៤៥ នៃទំនាក់ទំនងអាស៊ាន-សហភាពអឺរ៉ុប៕