សាធារណរដ្ឋសហព័ន្ធអាល្លឺម៉ង់គឺជាទីផ្សារធំបំផុតរបស់វៀតណាមនៅអឺរ៉ុប ដែលជាទីផ្សារនាំចេញធំជាងគេទី ៧ លើពិភពលោករបស់វៀតណាម និងជាច្រកទ្វារចូលដ៏សំខាន់សម្រាប់ទំនិញវៀតណាមទៅកាន់ទីផ្សារផ្សេងទៀតនៅអឺរ៉ុប។
នាយករដ្ឋមន្ត្រី លោក Pham Minh Chinh អញ្ជើញទទួលជួបលោក Kasper Rorsted អគ្គនាយកក្រុមហ៊ុន Adidas Group (រូបថត៖ Duong Giang/TTXVN)
នារសៀលថ្ងៃទី៣១ ខែតុលា ឆ្នាំ២០២២ នៅទីក្រុងហាណូយ
ក្នុងពិធីទទួលជួបជាមួយលោក Kasper Rorsted អគ្គនាយកក្រុមហ៊ុន Adidas
Group (ក្រុមហ៊ុនឈានមុខគេនៃសាធារណរដ្ឋសហព័ន្ធអាល្លឺម៉ង់
និងពិភពលោក) នាយករដ្ឋមន្ត្រីលោក Pham Minh Chinh បានចាត់ទុកថា
សាធារណរដ្ឋសហព័ន្ធអាល្លឺម៉ង់គឺជាទីផ្សារធំបំផុតរបស់វៀតណាមនៅអឺរ៉ុប
ដែលជាទីផ្សារនាំចេញធំជាងគេទី ៧ លើពិភពលោករបស់វៀតណាម
និងជាច្រកទ្វារចូលដ៏សំខាន់សម្រាប់ទំនិញវៀតណាមទៅកាន់ទីផ្សារផ្សេងទៀតនៅអឺរ៉ុប។
វៀតណាមក៏ជាដៃគូពាណិជ្ជកម្មធំបំផុតរបស់អាល្លឺម៉ង់នៅអាស៊ីអាគ្នេយ៍ផងដែរ។
លទ្ធផលទាំងនេះមានការរួមចំណែកជាវិជ្ជមានរបស់ក្រុមហ៊ុន Adidas Group រួមចំណែកក្នុងធ្វើឲ្យទំនាក់ទំនងរវាងប្រទេសទាំងពីរវៀតណាម-អាល្លឺម៉ង់កាន់តែស៊ីជម្រៅពីមួយថ្ងៃទៅមួយថ្ងៃ។
លោកនាយករដ្ឋមន្ត្រី
Pham
Minh Chinh បានឯកភាពជាមួយផែនការរបស់ក្រុមហ៊ុន Adidas ក្នុងការបើកទូលាយផលិតកម្ម និងអាជីវកម្ម
ក៏ដូចជាចូលរួមបណ្តុះបណ្តាលធនធានមនុស្ស ជាពិសេសជំនាញវិជ្ជាជីវៈសម្រាប់ពលករវៀតណាម។
លោកនាយករដ្ឋមន្ត្រីមានបំណង់ចង់ឲ្យក្រុមហ៊ុន Adidas Group បញ្ចុះបញ្ចូលសភានៃប្រទេសសមាជិកសហភាពអឺរ៉ុប
(EU) ឱ្យផ្តល់សច្ចាប័នលើកិច្ចព្រមព្រៀងគាំពារការវិនិយោគរវាងវៀតណាម
និង EU (EVIPA) ឱ្យបានឆាប់បំផុត។
ចំណែកខ្លួនវិញ
លោក Kasper Rorsted អគ្គនាយកក្រុមហ៊ុន Adidas
Group បានឲ្យដឹងថា នាពេលខាងមុខ Adidas នឹងបន្តបើកទូលាយផលិតកម្ម
អាជីវកម្ម បង្កើតការងារបន្ថែមដល់កម្មករ
ដើម្បីឲ្យវៀតណាមក្លាយទៅជាមជ្ឈមណ្ឌលផលិតដ៏ធំរបស់ Adidas។ រូបលោកផ្ទាល់នឹងខិតខំប្រឹងប្រែង
ដើម្បីអនុវត្តន៍ក៏ដូចជាជំរុញឲ្យភាគីពាក់ព័ន្ធ
ដើម្បីអនុវត្តរាល់សំណើរបស់លោកនាយករដ្ឋមន្ត្រី Pham Minh Chinh ផងដែរ៕