នារសៀលថ្ងៃទី៨ ខែកុម្ភៈ ឆ្នាំ២០២៣ នាយករដ្ឋមន្ត្រីលោក Pham Minh Chinh និងភរិយា ព្រមទាំងគណៈប្រតិភូជាន់ខ្ពស់វៀតណាមបានចាកចេញពីទីក្រុងហាណូយទៅបំពេញទស្សនកិច្ចជាផ្លូវការនៅសាធារណៈរដ្ឋសិង្ហបុរី និងប្រ៊ុយណេដារូសាឡឹមចាប់ពីថ្ងៃទី ៨ ដល់ថ្ងៃទី ១១ ខែកុម្ភៈ តបតាមការអញ្ជើញរបស់នាយករដ្ឋមន្ត្រីនៃសាធារណរដ្ឋសិង្ហបុរី លី សៀនឡុង (Lee Hsien Loong) និង Sultan Haji Hassanal Bolkiah នៃប្រទេសប្រ៊ុយណេ ដារូសាឡឹម។
នាយករដ្ឋមន្ត្រី និងភរិយា ចាប់ផ្តើមដំណើរទស្សនកិច្ជាចផ្លូវការនៅសិង្ហបុរី និងប្រ៊ុយណេដារូសាឡឹម។ (រូបថត៖VOV)
នេះគឺជាដំណើរទស្សនកិច្ចលើកដំបូងរបស់លោកនាយករដ្ឋមន្ត្រី Pham Minh Chinh ទៅកាន់ប្រទេសសិង្ហបុរីនិងប្រ៊ុយណេ និងជាដំណើរទស្សនកិច្ចលើកដំបូងរបស់នាយករដ្ឋមន្ត្រីវៀតណាមទៅកាន់សិង្ហបុរីបន្ទាប់ពីរយៈពេល ៥ ឆ្នាំ និងទៅកាន់ប្រ៊ុយណេបន្ទាប់ពីរយៈពេល ១៥ ឆ្នាំ។ លោកនាយករដ្ឋមន្ត្រី និងភរិយានឹងទៅបំពេញទស្សនកិច្ចផ្លូវការនៅប្រទេសសិង្ហបុរីចាប់ពីថ្ងៃទី ៨ ដល់ថ្ងៃទី ១០ ខែកុម្ភៈ; ដំណើរទស្សនកិច្ចជាផ្លូវការនៅប្រ៊ុយណេ ដារូសាឡឹម នៅថ្ងៃទី ១០ និង ១១ ខែកុម្ភៈ។
ដំណើរទស្សនកិច្ចរបស់នាយករដ្ឋមន្ត្រី Pham Minh Chinh ប្រព្រឹត្តទៅក្នុងបរិបទដែលទំនាក់ទំនងវៀតណាមជាមួយប្រទេសទាំងពីរកំពុងអភិវឌ្ឍន៍ប្រកបដោយភាពវិជ្ជមាន។ ដំណើរទស្សនកិច្ចនេះ នឹងជួយបង្កើតកម្លាំងចលកររួមចំណែកធ្វើឲ្យកាន់តែស៊ីជម្រៅថែមទៀតនូវភាពជាដៃគូយុទ្ធសាស្ត្រជាមួយសិង្ហបុរី ដែលជាដៃគូសេដ្ឋកិច្ចឈានមុខគេមួយរបស់វៀតណាម និងទំនាក់ទំនងដៃគូគ្រប់ជ្រុងជ្រោយជាមួយប្រ៊ុយណេ ដែលជាដៃគូពាណិជ្ជកម្មដ៏មានសក្តានុពលរបស់វៀតណាម។ ដោយឡែកសម្រាប់សិង្ហបុរី ដំណើរទស្សនកិច្ចនេះក៏ជាព្រឹត្តិការណ៍បើកឆាកសម្រាប់ខួបលើកទី ៥០ នៃការបង្កើតទំនាក់ទំនងការទូតរបស់ប្រទេសទាំងពីរ (១៩៧៣ - ២០២៣) និងរយៈពេល ១០ ឆ្នាំនៃការបង្កើតភាពជាដៃគូយុទ្ធសាស្ត្រ (២០១៣ - ២០២៣) ផងដែរ៕