លោកនាយករដ្ឋមន្រ្តី Nguyen Xuan Phuc មានប្រសាសន៍ថា វៀតណាមនិងជប៉ុនចាំបាច់ត្រូវរឹតបន្តឹងកិច្ចសហប្រតិបត្តិការ ជាពិសេសគឺដំណាក់កាល ក្រោយ COVID តែម្តង (រូបថតៈ VGP)
នារសៀលថ្ងៃទី៩ ខែមិថុនា ឆ្នាំ២០២០ នៅទីស្នាក់ការរដ្ឋាភិបាល អញ្ជើញថ្លែងក្នុងជំនួបពិភាក្សាជាមួយឯកអគ្គរដ្ឋទូតជប៉ុនលោក Yamada Takio ដែលទើបមកទទួលបេសកកម្មការទូតនៅវៀតណាម នាយករដ្ឋមន្រ្តី លោក Nguyen Xuan Phuc បានអះអាងថា វៀតណាមជានិច្ចកាលតែងតែចាត់ទុកជប៉ុនជាដៃគូសំខាន់ជួរមុខ និងយូរអង្វែង។ ទន្ទឹមជាមួយគ្នានេះ វៀតណាមមានគោលបំណងរួមជាមួយប្រទេសជប៉ុន ដើម្បីពង្រឹងភាពជាដៃគូយុទ្ធសាស្ត្រយ៉ាងទូលំទូលាយរវាងប្រទេសទាំងពីរផងដែរ។ ដើម្បីធ្វើឱ្យស៊ីជម្រៅនិងអភិវឌ្ឍទំនាក់ទំនងភាពជាដៃគូយុទ្ធសាស្រ្តវៀតណាម - ជប៉ុនយ៉ាងទូលំទូលាយនាពេលខាងមុខ លោកនាយករដ្ឋមន្រ្តីបានអះអាងពីកិច្ចសហប្រតិបត្តិការយ៉ាងជិតស្និទ្ធរបស់ប្រទេសទាំងពីរ ដើម្បីជំរុញកិច្ចសហប្រតិបត្តិការ រវាងប្រទេសទាំងពីរក្នុងដំណាក់កាល “ក្រោយជំងឺរាតត្បាត COVID-19”។
ជាមួយគ្នានេះ ប្រទេសវៀតណាមត្រៀមខ្លួនទទួលស្វាគមន៍អ្នកជំនាញនិងវិនិយោគិនជប៉ុនចំនួន ៥០០ នាក់មកកាន់ប្រទេសវៀតណាម ដោយមានវិធានការចត្តាឡីស័កសមស្រប។ ផ្អែកលើការគ្រប់គ្រងដ៏ល្អនៃការរីករាលដាល COVID-19 នោះ វៀតណាមក៏បានត្រៀមខ្លួនរួចជាស្រេចក្នុងការនាំសិក្ខាកាមវៀតណាមចំនួន ១០,០០០ នាក់ទៅកាន់ប្រទេសជប៉ុននិងទីក្រុងតូក្យូ ដែលជាគោលដៅដំបូងរបស់ខ្លួនក្រោយជំងឺរាតត្បាត៕
តាម VOV5 - វិទ្យុសំឡេងវៀតណាម