នាយករដ្ឋមន្ត្រីអញ្ជើញថ្លែងមតិក្នុងជំនួបជាមួួយថ្នាក់ដឹកនាំស្រុក Hai Hau.
នាថ្ងៃទី២១ ខែកុម្ភៈ ឆ្នាំ២០១៨ (ពោលគឺថ្ងៃទី៦នៃបុណ្យចូលឆ្នាំថ្មីប្រពៃណី ឆ្នាំច សំរឹទ្ធ ស័ក ២០១៨)ជាថ្ងៃធ្វើការដំបូង បន្ទាប់ពីរដូវកាលសម្រាកបុណ្យចូលឆ្នាំថ្មី នាយករដ្ឋមន្ត្រី លោក Nguyen Xuan Phuc បានអញ្ជើញទៅទស្សនារូបសណ្ឋានផលិតកម្ម លើកទឹក ចិត្តប្រជាកសិករនិងបំផុសចលនាបុណ្យតេត ដាំដើមឈើនៅស្រុក Hai Hau ខេត្ត Nam Dinh។
ក្នុងការជួបសំណេះសំណាលជាមួយថ្នាក់ដឹកនាំខេត្ត Nam Dinh និងស្រុក Hai Hau នាយករដ្ឋមន្ត្រី លោក Nguyen Xuan Phuc មានបំណងថា ខេត្ត Nam Dinh នឹង ខិតខំប្រឹងប្រែង ដល់ឆ្នាំ២០១៩សម្រេចបានគោល ដៅស្រុក ១០០%ជាស្រុកជនបទថ្មី ព្រមទាំងបំផុសចលនាកសាងស្រុក Hai Hau ឲ្យក្លាយទៅជាស្រុកជនបទគំរូរបស់វៀតណាម។
រួមជាមួយគ្នានោះ នាយករដ្ឋមន្ត្រីបានសំណូមពរឲ្យបន្តបំផុសចលនា ប្រទេស ជាតិទាំងមូល រួមដៃកសាងជនបទថ្មី ពីមជ្ឈឹមទៅដល់តំបន់ដោយរូបភាពសម្បូរបែប និងសមស្រប់នឹងលក្ខណៈជាក់ស្តែង។
ក្នុងថ្ងៃដដែល នៅទីរួមស្រុក Yen Dinh ស្រុក Hai Hau នាយករដ្ឋមន្ត្រី លោក Nguyen Xuan Phuc អញ្ជើញបំផុសចលនាបុណ្យតេតដាំដើមឈើរំលឹកគុណលោក ប្រធានហូជីមិញជារៀងរហូត ក្នុងឱកាសដើមនិទាឃរដូវឆ្នាំច សំរឹទ្ធស័ក ២០១៨៕
តាម VOV5 - វិទ្យុសម្លេងវៀតណាម