នៅក្នុងសន្និសីទនេះ នាយករដ្ឋមន្ត្រី លោក ហ្វាម មិញ ជីញ បានសង្កត់ធ្ងន់ថា សមិទ្ធផលសេដ្ឋកិច្ចដែលប្រទេសជាតិសម្រេចបានក្នុងឆ្នាំកន្លងមកគឺមានការរួមវិភាគទានពីសហគមន៍ធុរកិច្ច។ លោកនាយករដ្ឋមន្ត្រីបានអះអាងថា រដ្ឋាភិបាល ក្រសួង ស្ថាប័ននានា តែងតែឆ្លើយតបភ្លាមៗ និងត្រឹមត្រូវ ជានិច្ចកាលរួមដំណើរ ចែករំលែក និងដោះស្រាយការលំបាកសម្រាប់អាជីវកម្ម ហើយស្នើឱ្យអង្គភាពអាជីវកម្មបន្តរួមចំណែកក្នុងគោលដៅប្រទេសទាំងមូលមានអត្រាកំណើនយ៉ាងតិច ៨% នៅឆ្នាំនេះ បង្កើតកម្លាំងចលករនិងស្មារតីសម្រាប់វៀតណាម សម្រេចបានកំណើន ២ ខ្ទង់ក្នុងបណ្តាឆ្នាំបន្តបន្ទាប់។ លោកនាយករដ្ឋមន្ត្រីបានមានប្រសាសន៍ថា នាពេលខាងមុខ គណៈកម្មាធិ ការអចិន្ត្រៃយ៍របស់រដ្ឋាភិបាលនឹងធ្វើសន្និសីទជាមួយសហគ្រាសរដ្ឋ សហគ្រាសឯកជន ធនាគារ និងសហគ្រាសដែលវិនិយោគបរទេស ដើម្បីស្តាប់មតិយោបល់របស់សហគមន៍ធុរកិច្ច ដូច្នេះហើយលោកបានស្នើឱ្យអង្គភាពអាជីវកម្មវាយតម្លៃ និងវិភាគឱ្យបានហ្មត់ចត់នូវស្ថានភាព និងផ្តល់យោបល់ជូនរដ្ឋាភិបាល ក្រសួង ស្ថាប័ន និងមូលដ្ឋាន៕