នារសៀលថ្ងៃទី៦ ខែវិច្ឆិកា ឆ្នាំ២០២២ នៅទីស្នាក់ការរដ្ឋាភិបាល នាយករដ្ឋមន្ត្រី លោក Pham Minh Chinh បានអញ្ជើញទទួលជួបលោក Karl Van Den Bossche ឯកអគ្គរដ្ឋទូតវិសាមញ្ញ និងពេញសមត្ថភាពនៃព្រះរាជាណាចក្របែលហ្ស៊ិកប្រចាំនៅវៀតណាម ក្នុងឱកាសដែលឯកអគ្គរដ្ឋទូតទទួលបេសកកម្មការទូតនៅវៀតណាម។
នាយករដ្ឋមន្ត្រី លោក Pham Minh Chinh ទទួលជួបឯកអគ្គរដ្ឋទូតបែលហ្សិកប្រចាំនៅវៀតណាម Karl Hendrik Margareta Van Den Bossche (រូបថត៖ Duong Giang/TTXVN)
នៅក្នុងជំនួបនេះ នាយករដ្ឋមន្ត្រី
លោក Pham Minh Chinh បានអះអាងថា
វៀតណាមជានិច្ចកាលយកចិត្តទុកដាក់ចំពោះទំនាក់ទំនងជាមួយបែលហ្ស៊ិក ដោយមានបំណងថា
ក្នុងអាណត្តិបេសកកម្មរបស់ខ្លួន
បន្តរួមចំណែកយ៉ាងសកម្មក្នុងការអភិវឌ្ឍទំនាក់ទំនងមិត្តភាព
និងកិច្ចសហប្រតិបត្តិការរវាងវៀតណាម និងបែលហ្សិក
ជាពិសេសក្នុងបរិបទដែលប្រទេសទាំងពីររៀបចំពិធីរំលឹកខួបលើកទី ៥០
នៃការបង្កើតទំនាក់ទំនងការទូត (១៩៧៣-២០២៣) និងខួបលើកទី ៥
នៃភាពជាដៃគូយុទ្ធសាស្ត្រក្នុងវិស័យកសិកម្ម (២០១៨-២០២៣) ក្នុងឆ្នាំ ២០២៣។
លោកនាយករដ្ឋមន្ត្រីបានស្នើឱ្យបែលហ្ស៊ិក
បង្កើតលក្ខខណ្ឌអំណោយផលសម្រាប់ផលិតផលកសិកម្មដ៏រឹងមាំរបស់វៀតណាម ចូលទៅកាន់ទីផ្សារ
បែលហ្ស៊ិក ហើយចង់ឱ្យអង្គភាពអាជីវកម្មនៃប្រទេសទាំងពីរបន្តកិច្ចសហប្រតិបត្តិការជិតស្និទ្ធនិងទាញយកផលប្រយោជន៍ពីកិច្ចព្រមព្រៀងពាណិជ្ជកម្មសេរីវៀតណាម-សហភាពអឺរ៉ុប
(EVFTA)
ដើម្បីជំរុញពាណិជ្ជ កម្មទ្វេភាគី។ លោកនាយករដ្ឋមន្ត្រីក៏បានស្នើឱ្យ
បែលហ្ស៊ិកអនុម័តយ៉ាងឆាប់ លើកិច្ចព្រមព្រៀងការពារការវិនិយោគរវាងវៀតណាម
និងសហភាពអឺរ៉ុប (EVIPA) ជំរុញឱ្យគណៈកម្មការអឺរ៉ុបដកកាតលឿង IUU
សម្រាប់ផលិតផលគ្រឿងសមុទ្រវៀតណាមក្នុងពេលឆាប់ៗនេះ។
លោកនាយករដ្ឋមន្ត្រីបានស្នើឱ្យប្រទេសទាំងពីរបន្តកិច្ចសហប្រតិបត្តិការ
និងគាំទ្រគ្នាទៅវិញទៅមកក្នុងវេទិកាពហុភាគី និងអង្គការអន្តរជាតិ។
លោកឯកអគ្គរដ្ឋទូត
Karl
Van Den Bossche បានសង្កត់ធ្ងន់ថា បែល
ហ្ស៊ិកតែងតែយកចិត្តទុកដាក់យ៉ាងខ្លាំង ចំពោះទំនាក់ទំនងមិត្តភាព
និងកិច្ចសហប្រតិបត្តិការជាមួយវៀតណាម ព្រមទាំងវាយតម្លៃខ្ពស់ចំពោះសមិទ្ធិផល តួនាទី
និងការអភិវឌ្ឍរបស់វៀតណាមនៅក្នុងតំបន់ និងអន្តរជាតិ។ លោកឯកអគ្គរដ្ឋទូតបានអះអាងថា
ក្នុងអាណត្តិបេសកកម្មការទូតរបស់ខ្លួន លោកនឹងខិតខំប្រឹងប្រែងអស់ពីកម្លាំងកាយចិត្ត
ដើម្បីរួមចំណែកជំរុញទំនាក់ទំនងមិត្តភាពវៀតណាម-បែលហ្ស៊ិក
និងសម្របសម្រួលយ៉ាងជិតស្និទ្ធជាមួយក្រសួង ស្ថាប័ន និងវិស័យនានា
ដើម្បីរៀបចំសកម្មភាពអបអរសាទរខួបលើកទី ៥០
នៃការបង្កើតប្រទេសការទូតរវាងប្រទេសទាំងពីរ៕