នេះជាការបញ្ជាក់របស់ឧបនាយករដ្ឋមន្ត្រី លោក Tran Luu Quang នារសៀលថ្ងៃទី៤ ខែកក្កដា នៅទីក្រុងហាណូយ ក្នុងពិធីទទួលជួបជាមួយលោក Wempi Saputra នាយកប្រតិបត្តិនៃការិយាល័យក្រុមធនាគារពិភពលោក (WB) ប្រចាំតំបន់អាស៊ីអាគ្នេយ៍។ លោកឧបនាយករដ្ឋមន្ត្រីបានវាយតម្លៃខ្ពស់ចំពោះលទ្ធផលសហប្រតិបត្តិការល្អរវាងវៀតណាមនិងធនាគារពិភពលោក រួមចំណែកជួយវៀតណាមលើកកំពស់ការអភិវឌ្ឍសេដ្ឋកិច្ចសង្គម លើកកំពស់ជីវភាពខាងសម្ភារៈនិងខាងស្មារតីរបស់ប្រជាជន។

ចំណែកខ្លួនវិញ នាយកប្រតិបត្តិនៃការិយាល័យក្រុមធនានាពិភពលោក   ប្រចាំតំបន់អាស៊ីអាគ្នេយ៍បានអះអាងថា WB នឹងបន្តរួមដំណើរនិងគាំទ្រវៀតណាម; អះអាងថា វៀតណាមជាប្រទេសមួយដែលមានអត្រាកំណើនខ្ពស់បំផុតក្នុងតំបន់ ពោលគឺ មិនសូវមានប្រទេសច្រើនទេ ដែលសម្រេចបានអត្រាកំណើន ៨% ក្នុងឆ្នាំមុននោះឡើយ។ លោក Wempi Saputra ក៏បានឲ្យដឹងថា WB បានវិភាគ និងចង្អុលបង្ហាញពីបញ្ហាប្រឈមដែលពិភពលោកកំពុងជួបប្រទះនាពេលបច្ចុប្បន្ននេះ រួមទាំងផលវិបាកបណ្តាលពីជំងឺរាតត្បាតកូវីដ ១៩ ការប្រែប្រួលអាកាសធាតុ សន្តិសុខស្បៀង និងថាមពលជាដើម។ ទាំងនេះជាអាទិភាពរបស់ធនាគារពិភពលោកនាពេលខាងមុខ។ តាមលោកថា អាទិភាពរបស់ WB ក៏ស្របនឹងគោលដៅអភិវឌ្ឍន៍របស់វៀតណាមផងដែរ៕