ថ្ងៃទី២១ ខែកញ្ញា ឆ្នាំ២០២៣ គឺជាខួបលើកទី ៥០ នៃការបង្កើតទំនាក់ទំនងការទូតរវាងវៀតណាមនិងជប៉ុន (២១ កញ្ញា ២៩៧៣- ២១ កញ្ញា ២០២៣)។ ក្នុងរយៈពេល ៥០ ឆ្នាំកន្លងទៅ ទំនាក់ទំនងមិត្តភាព និងកិច្ចសហប្រតិបត្តិការរវាងប្រទេសទាំងពីរត្រូវបានពង្រឹង និងអភិវឌ្ឍន៍ជាបន្តបន្ទាប់លើវិស័យជាច្រើន។
នាយករដ្ឋមន្ត្រី Pham Minh Chinh អញ្ជើញចូលរួមនិងថ្លែងមតិក្នុងសន្និសីទសេដ្ឋកិច្ចជាន់ខ្ពស់វៀតណាម និងជប៉ុន។ រូបថត៖ VGP/Nhat Bac
ចំណុចភ្លឺនៃកិច្ចសហប្រតិបត្តិការទ្វេភាគីរវាងប្រទេសទាំងពីរគឺក្នុងវិស័យសេដ្ឋកិច្ច
ពាណិជ្ជកម្ម និងវិនិយោគ។ បច្ចុប្បន្ននេះ
ជប៉ុនគឺជាដៃគូសេដ្ឋកិច្ចដ៏សំខាន់បំផុតរបស់វៀតណាម
ដែលជាអ្នកផ្តល់ជំនួយអភិវឌ្ឍន៍ធំជាងគេ (ODA) និងជាដៃគូពាណិជ្ជកម្មធំជាងគេទី
៤ របស់វៀតណាម។ ដោយមានប្រភពទុន ODA ជប៉ុនបានជួយឧបត្ថម្ភវៀតណាមក្នុងការសាងសង់ហេដ្ឋារចនាសម្ព័ន្ធសំខាន់ៗដូចជាផ្លូវហាយវេ
ស្ពាន អាកាសយានដ្ឋាន កំពង់ផែសមុទ្រ។
ភាគីទាំងពីរបានកសាងក្របខ័ណ្ឌច្បាប់សំខាន់ៗជាច្រើនសម្រាប់ទំនាក់ទំនងទ្វេភាគី;
ជាមួយគ្នានោះ
ប្រទេសទាំងពីរក៏ជាសមាជិកនៃកិច្ចព្រមព្រៀងពាណិជ្ជកម្មសេរីជំនាន់ថ្មី
ដូចជាកិច្ចព្រមព្រៀងសហប្រតិបត្តិការគ្រប់ជ្រុងជ្រោយនិងជឿនលឿនអន្តរប៉ាស៊ីហ្វិក (CPTPP)
និងកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP)។
បច្ចុប្បន្ននេះ
មានធុរកិច្ចជប៉ុនចំនួនជាង ២០០ ដែលកំពុងប្រតិបត្តិការនៅវៀតណាម ដែលក្នុងនោះជាង ៦០%
មានផែនការពង្រីកប្រតិបត្តិការរបស់ខ្លួន
ពោលគឺលើសពីមធ្យមភាគនៃអាជីវកម្មជប៉ុននៅក្នុងប្រទេសផ្សេងទៀតនៃសមាគមជាតិអាស៊ីអាគ្នេយ៍
(អាស៊ាន) គឺនៅត្រឹម ៤៧% ។ នេះបានសបញ្ជាក់ឱ្យឃើញថា
ឆន្ទៈរបស់ធុរកិច្ចជប៉ុនក្នុងការវិនិយោគនៅវៀតណាមគឺអស្ចារ្យបំផុត។ ក្រៅពីនេះ
ជប៉ុនក៏ជាទីផ្សារនាំចេញកម្លាំងពលកម្មធំជាងគេមួយរបស់វៀតណាមផងដែរ៕