ទិដ្ឋភាពនៃការដ្ឋានរុករុកនៅអណ្តូងមាស
នាថ្ងៃទី១៤ ខែកុម្ភៈ ឆ្នាំ២០១៩ សារព័ត៌មាន Zimbabwe បានផ្សាយថាមានកម្មកររ៉ែត្រូវបានជាប់គាំង និងមានលទ្ធភាពច្រើនត្រូវបាត់បង់ជីវិតបន្ទាប់ពី ភ្លៀងធ្លាក់យ៉ាងខ្លាំងបានបណ្តាលឲ្យអណ្តូងមាស ដែលរុករកខុសច្បាប់មួយត្រូវទឹកលិច។
ស្ថានីយ៍ទូរទស្សន៍ជាតិ ZBC បានឲ្យដឹងថា មានកម្មកររ៉ែត្រូវបានជាប់គាំងនៅក្រោមដី ខណៈពេលដែលកាសែត Herald បានផ្សាយថាយ៉ាងហោចណាស់មានកម្មកររ៉ែចំនួន ២៣ នាក់ បានបាត់ខ្លួន។ នាយប់ថ្ងៃទី១២ ខែកុម្ភៈ កម្មកររ៉ែធ្វើការរុករកមាសខុសច្បាប់ទាំងនេះ បានចូលក្នុងអណ្តូងមាសនៅតំបន់ Battlefields ដែលមានចម្ងាយឆ្ងាយពីទីក្រុង Harare ១៧៥ គីឡូម៉ែត្រប៉ែកខាងលិច្ច ក៏ប៉ុន្តែភ្លៀងធ្លាក់យ៉ាងខ្លាំងបានធ្វើឲ្យទំនប់បែកបាក់នៅជិតទីនោះ ព្រមទាំងបណ្តាលឲ្យទឹកលិចនៅតំបន់នេះទាំងស្រុង។ ប៉ូលីសបានឲ្យដឹងថាក្រុមជួយសង្គ្រោះរួមជាមួយម៉ាស៊ីនបូមទឹកជាច្រើនគ្រឿង ត្រូវបានបញ្ជូនទៅដល់កន្លែងកើតហេតុដើម្បី សង្គ្រោះជាបន្ទាន់ផងដែរ៕
តាម VOV5 - វិទ្យុសំឡេងវៀតណាម