![](https://imagevietnam.vnanet.vn/Upload/2021/1/11/110120211413483733.jpg) |
គម្រោងនានានៅទីក្រុង Phu Quoc (រូបថត៖ tapchitaichinh.vn)
|
ខេត្ត Kien Giang នឹងបន្តកសាង ផែនការ ហើយ ស្នើទៅថ្នាក់មជ្ឈឹម នូវយន្តការនិងគោលនយោបាយលេចធ្លោ ដើម្បីបន្តអភិវឌ្ឍន៍ទីក្រុង Phu Quoc យ៉ាងខ្លាំងក្លា ព្រមទាំងក្លាយទៅជាមជ្ឈមណ្ឌលសេដ្ឋកិច្ចដ៏សំខាន់មួយនៅភាគខាងត្បូង។
ក្នុងក្របខ័ណ្ឌនៃបណ្ដាសកម្មភាពអបអរសាទរចំពោះការដែល Phu Quoc បានក្លាយទៅជាទីក្រុងកោះសមុទ្រដើមដំបូងរបស់វៀតណាមនោះ នាព្រឹកថ្ងៃទី ១០ ខែមករា នៅទីក្រុង Phu Quoc សម្ព័ន្ធក្រុមហ៊ុន SunGroup បានរួមសហការជាមួយគណៈកម្មាធិការប្រជាជនខេត្ត Kien Giangរៀបចំសិក្ខាសាលា ដោយប្រធានបទ ទីក្រុងកោះ Phu Quoc ទទួលកាលានុវត្តភាពថ្មី - ឆ្ពោះទៅរកភាពជោគជ័យ ដោយមានការចូលរួមរបស់ថ្នាក់ដឹកនាំគណៈកម្មាធិការប្រជាជនខេត្ត មន្ទីរពាក់ព័ន្ធ និងជាពិសេសមានការចូលរួមពីអ្នកជំនាញអ្នកវិទ្យាសាស្ត្រ សហគ្រាសផ្នែកស្ថាបត្យកម្ម អចលនទ្រព្យ សេវាកម្ម ទេសចរណ៍នៅក្នុងប្រទេស។ អញ្ជើញថ្លែងក្នុងពិធីនេះ លោក Nguyen Luu Trung អនុប្រធានគណៈកម្មាធិការប្រជាជនខេត្ត Kien Giang បានចាត់ទុកថា តាមរយៈមតិយោបល់នានាក្នុងសិក្ខាសាលានេះ ខេត្តនឹងបន្តកសាង ផែនការ ហើយ ស្នើទៅថ្នាក់មជ្ឈឹម នូវយន្តការនិងគោលនយោបាយលេចធ្លោ ដើម្បីបន្តអភិវឌ្ឍន៍ទីក្រុង Phu Quoc យ៉ាងខ្លាំងក្លា ព្រមទាំងក្លាយទៅជាមជ្ឈមណ្ឌលសេដ្ឋកិច្ចដ៏សំខាន់មួយនៅភាគខាងត្បូង និងទូទាំងប្រទេស ព្រមទាំងជាមជ្ឈមណ្ឌលរមណីយដ្ឋានដែលមានគុណភាពខ្ពស់ថ្នាក់អន្តរជាតិផងដែរ៕
តាម VOV5 - វិទ្យុសំឡេងវៀតណាម