តាំងពីយូរលង់ណាស់មកហើយ ម៉ាកយីហោកាហ្វេរបស់វៀតណាមបានបញ្ជាក់កិត្តិនាមលើទីផ្សារពិភពលោក។ នាឆ្នាំ២០២២ ទោះបីប្រឈមមុខនឹងការលំបាកនៃស្ថានភាពសេដ្ឋកិច្ចពិភពលោក បន្ទាប់ពីការរីករាលដាលនៃជំងឺ COVID-១៩ និងសង្គ្រាមនៅប្រទេស អ៊ុយក្រែន ការនាំចេញកាហ្វេវៀតណាមនៅតែរក្សាលំដាប់ថ្នាក់លេខ ២ លើពិភពលោក (ក្រោយប្រទេសប្រេស៊ីល)
តាំងពីយូរលង់ណាស់មកហើយ ម៉ាកយីហោកាហ្វេរបស់វៀតណាមបានបញ្ជាក់កិត្តិនាមលើទីផ្សារពិភពលោក។ នាឆ្នាំ២០២២ ទោះបីប្រឈមមុខនឹងការលំបាកនៃស្ថានភាពសេដ្ឋកិច្ចពិភពលោក បន្ទាប់ពីការរីករាលដាលនៃជំងឺ COVID-១៩ និងសង្គ្រាមនៅប្រទេស អ៊ុយក្រែន ការនាំចេញកាហ្វេវៀតណាមនៅតែរក្សាលំដាប់ថ្នាក់លេខ ២ លើពិភពលោក (ក្រោយប្រទេសប្រេស៊ីល) ដោយទិន្នផលសរុប ១,៨ លានតោន ទៅកាន់ប្រទេសនិងតំបន់ចំនួន ៧០ ប្រមូលប្រាក់ចំណូលបាន ៤ ពាន់លានដុល្លារអាមេរិក ក្នុងនោះកាហ្វេដាក់ឡាក់ (Dak Lak) មានម៉ាកយីហោនិងការណែនាំភូមិសាស្ត្រ “កាហ្វេ បួនម៉ាធួត (Buon Ma Thuot) ” ស្រូបយកអត្រាជាង ៣០% នៃបរិមាណកាហ្វេនាំចេញក្នុងទូទាំងប្រទេស។ នេះគឺជាមូលហេតុដែលខេត្ត ដាក់ឡាក់ (Dak Lak) កសាង បួនម៉ាធួត (Buon Ma Thuot) ឲ្យ ក្លាយទៅជា ទិសដៅមករកនៃកាហ្វេពិភពលោក ដោយផ្អែកលើភាពប្រៀបដោយឡែកដែលមាន។
ចំណាប់អារម្មណ៍នូវទីក្រុងបួនម៉ាធួត (Buon Ma Thuot)
តំបន់តីង្វៀន (Tay Nguyen) មិនត្រឹមតែល្បីល្បាញដោយសារបេតិកភណ្ឌវប្បធម៌ពិភពលោកគងឃ្មោះ ជាមួយនឹងទំនៀមទំលាប់ ពិធីបុណ្យពិសេសរបស់បងប្អូនជនជាតិអេដេ (E De) បាណា (Ba Na) កើអ (Co Ho) ម្នូង (Mnong) ស្វើដាំង (Xo Dang) តែប៉ុណ្ណោះទេ …ថែមទាំងល្បីល្បាញជាមួយផលិតផលកាហ្វ robusta មានអាយុកាលជាង ១០០ ឆ្នាំមកហើយ។ នៅទីក្រុង បួនម៉ាធួត (Buon Ma Thuot) នៃខេត្ត ដាក់ឡាក់ (Dak Lak) ពិធីបុណ្យកាហ្វេថ្នាក់ជាតិក៏បានរៀបចំជាទៀងទាត់ក្នុងរយៈពេលពីរឆ្នាំម្តង ដែលមានសកម្មភាពចាប់ចិត្តជាច្រើន ដើម្បីផ្សព្វផ្សាយ លើកតម្កើងប្រវត្តិសាស្ត្រ និងតម្លៃនៃរបរដាំ និងច្នៃកាហ្វេ។
ដំណាំកាហ្វេ robusta ត្រូវបានជនជាតិបារាំងនាំមកដាំនៅទីក្រុង បួនម៉ាធួត (Buon Ma Thuot) នាដើមសតវត្សរ៍ទី ២០។ ចាប់ពីពេលនោះ ជាតិបារាំងបានរកឃើញតម្លៃពិសេសនៃកាហ្វេ robusta បួនម៉ាធួត (Buon Ma Thuot) ដោយក្លិនក្រអូបធម្មជាតិ រសជាតិឈ្ងុយឆ្ងាញ់ខុសនឹងកាហ្វេ arabica ដែលប្រជាជនលោកខាងលិចធ្លាប់ពិសា ដូច្នេះប្រភេទកាហ្វេនេះភាគច្រើនបាននាំចេញទៅកាន់ប្រទេសបារាំង។
អ្នកស្រាវជ្រាវ និងពណិជ្ជករកាហ្វេជាច្រើននាក់បានចាត់ទុកថា កាហ្វេ robusta ទីក្រុង បួនម៉ាធួត (Buon Ma Thuot) គឺជាប្រភេទកាហ្វេឆ្ងាញ់បំផុតលើពិភពលោក។ ប្រការនេះនៅអាស្រាយទៅលើវប្បធម៌ ទម្លាប់ និងអារម្មណ៍របស់មនុស្សម្នាក់ និងតំបន់នីមួយៗខុសពីគ្នាផងដែរ។ ប៉ុន្តែជាការពិតថា បច្ចុប្បន្ននេះវៀតណាមគឺជាប្រទេសនាំចេញកាហ្វេ ឈរលេខពីរលើពិភពលោក បន្ទាប់ពីប្រទេសប្រេស៊ីល ប៉ុន្តែឈរលេខមួយពីការនាំចេញកាហ្វេ robusta ក្នុងនោះ ភាគច្រើនគឺកាហ្វេ robusta ផលិតផលពិសេសមានម៉ាកយីហោ និងណែនាំភូមិសាស្ត្រ “កាហ្វេ បួនម៉ាធួត (Buon Ma Thuot) ”
ក្នុងប៉ុន្មានឆ្នាំកន្លងមកនេះ កាហ្វេ robusta វៀតណាមបានបញ្តាញសារព័ត៌មានអន្តរជាតិផ្សព្វផ្សាយជាបន្តបន្ទាប់ ដែលចាត់ទុកដូចជាការរកឃើញប្លែកៗ។ ថ្មីៗ នេះ លើគេហទំព័រម្ហូបអាហារល្បីល្បាញពិភពលោក Taste Atlas កាហ្វេទឹកដោះគោទឹកកកវៀតណាមបានឆ្នៃពីកាហ្វេ robusta ត្រូវបានវាយតម្លៃឈរលំដាប់លេខពីរក្នុងចំណោមកាហ្វេឆ្ងាញ់បំផុតក្នុង Top ១០ លើពិភពលោក។ នាឆ្នាំ ២០២២ ទស្សវដ្តីទេសចរណ៍ The Travel របស់ប្រទេសកាណាដាបានវាយតម្លៃថា វៀតណាមគឺជាប្រទេសមួយក្នុងចំណោមបណ្តាប្រទេសមានកាហ្វេឆ្ងាញ់បំផុតលើពិភពលោក។ មុននោះ នាឆ្នាំ២០២២ ស្ថានីយទូរទស្សន៍ CNN របស់អាមេរិកបានសន្និដ្ឋានថា កាហ្វេវៀតណាមគឺជាភេសជ្ជៈពេញនិយមមួយដែលមានរបៀបឆុងដ៏ពិសេសនិងខុសប្លែកគ្នា។ ក្នុងប៉ុន្មានឆ្នាំមកនេះ ទស្សនាវដ្តី The New York Times បានចុះផ្សាយអត្ថបទមួយអំពីការវាយតម្លៃកាហ្វេវៀតណាមកំពុងក្លាយទៅជាម៉ាកយីហោជាតិ ដែលមានក្លិននិងរសជាតិចម្រុះ និងពិសេស។
មិនត្រឹមតែលេចធ្លោលើបណ្តាញសារព័ត៌មានតែប៉ុណ្ណោះទេ កាហ្វេ robusta ផលិតផលពិសេសនៃទីក្រុង បួនម៉ាធួត (Buon Ma Thuot) នៅទាំងបានអង្គការកិត្យានុភាពល្បីល្បាញជាច្រើន ដូចជា Rainforest Alliance, UTZ និង Fairtrade ទទួលស្គាល់នូវគុណភាព ស្តង់ដារអន្តរជាតិ ក៏ដូចជាដណ្តើមបានពានរង្វាន់ជាច្រើនក្នុងការប្រកួតប្រជែងកាហ្វេអន្តរជាតិឈានមុខគេ ដូចជា The Best of the World, International Catering Cup ជាដើម។
បណ្តាតម្លៃលេចធ្លោរបស់កាហ្វេ robusta គឺជាចំណាប់អារម្មណ៍ ដើម្បីបួនម៉ាធួត (Buon Ma Thuot) អភិវឌ្ឍក្លាយទៅជា “ទិសដៅមករកនៃកាហ្វេពិភពលោក”។ តាមលោក លេឌឹកហ៊ុយ (Le Duc Huy) អគ្គនាយកក្រុមហ៊ុន Simexco Daklak អង្គភាពនាំចេញកាហ្វេឈានមុខគេនៃខេត្ត ដាក់ឡាក់ (Dak Lak)៖ “ជាមួយនឹងអ្វីៗ ដែលទទួលបានយើងអាចបញ្ជាក់នូវគុណភាពកាហ្វេ robusta វៀតណាមគឺឆ្ងាញ់ឈានមុខគេលើពិភពលោក។ ក្នុងថ្ងៃមួយមិនឆ្ងាយពេក នៅពេលដែលពិភពលោកគិតអំពីកាហ្វេ robusta គេនឹងនឹកដល់វៀតណាម និងទីក្រុងបួនម៉ាធួត (Buon Ma Thuat) ទីក្រុងកាហ្វេពិភពលោក ដូចជានៅពេលនិយាយអំពិស្រាក្រហាម យើងនឹងនឹកដល់ Bordeaux របស់បារាំង”។
បញ្ជាក់ទីតាំងកាហ្វេ robusta ក្នុងទីផ្សារកាហ្វេពិសេសលើពិភពលោក
ចំណាប់អារម្មណ៍នាំ បួនម៉ាធួត (Buon Ma Thuat) ក្លាយទៅជា - “ទិសដៅមករកនៃកាហ្វេពិភពលោក” ប្រហែលជាមានប្រភពមកពីកាហ្វេ robusta ផលិតផលពិសេសត្រូវបានពិភពលោកទទួលស្គាល់។ វៀតណាមគឺជាប្រទេសឈានមុខគេក្នុងការនាំចេញកាហ្វេ robusta ។ ទីក្រុង បួនម៉ាធួត (Buon Ma Thuat) និយាយដោយឡែក និងខេត្ត ដាក់ឡាក់ (Dak Lak) និយាយរួមមានប្រៀបខ្លាំងក្នុងការអភិវឌ្ឍប្រភេទកាហ្វេនេះ។ កាហ្វេ robusta នៃខេត្ត ដាក់ឡាក់ (Dak Lak) ស្រូបយកអត្រាជាង ៣០% នៃបរិមាណកាហ្វនាំចេញរបស់វៀតណាម ប្រហែល ១៨ លាន តោនក្នុងមួយឆ្នាំ។ ខណៈនោះតាមការព្យាករណ៍បានឲ្យដឹងថា ទីផ្សារនៃកាហ្វេពិសេសលើពិភពលោកមួយថ្ងៃកាន់តែទូលាយ ដោយមានកំណើនជាង ១២% ក្នុងមួយឆ្នាំ និងបច្ចុប្បន្ននេះស្រូប យកអត្រា ៣០% នៃចំណូល ២២០ ពាន់លានដុល្លារអាមេរិករបស់ឧស្សហកម្មកាហ្វេពិភពលោក។ ប្រការនេះបានបង្ហាញថា ចំណែកទីផ្សារនាំចេញកាហ្វេពិសេសនៃខេត្ត ដាក់ឡាក់ (Dak Lak) គឺធំណាស់។ លក្ខណៈងាយស្រួលផ្សេងៗ គឺទីផ្សារនាំចេញកាហ្វេ robusta នៃវៀតណាមបច្ចុប្បន្ននេះបានបង្កើតឡើងយ៉ាងរឹងមាំនិងស្ថេរភាព។ ក្រៅពីអឺរ៉ុបដែលជាទីផ្សារកាហ្វេធំជាងគេលើពិភពលោក ស្រូបយកអត្រា ៣០% នៃបរិមាណកាហ្វេពិភពលោក ជាទីផ្សារដែលវៀតណាម និងប្រេស៊ីល ស្រូបយកអត្រាដល់ ៥០% នៃបរិមាណកាហ្វេនាំចូលអឺរ៉ុប ទន្ទឹមនឹងនេះក៏មានទីផ្សារសក្តានុពលដូចជាអាមេរិក ជប៉ុន កូរ៉េខាងត្បូង ចិន…ក៏មានតម្រូវការនាំចូលកាហ្វេ robusta មួយចំនួនធំនៃប្រទេសវៀតណាម។
នៅប្រទេសអាល្លឺម៉ង់ តាមលោក Holger Preibisch ប្រធានសមាគមន៍កាហ្វេអាល្លឺម៉ង់ នៅប្រទេសនេះមនុស្សម្នាក់ៗបានពិសាកាហ្វេចំនួន ១៦៩ លីត្រក្នុងមួយឆ្នាំ ដែលច្រើនជាងការពិសាស្រាបៀរ (៩០ លីត្រក្នុងមួយឆ្នាំ) ដូច្នេះតម្រូវការនាំចូលគឺកាហ្វេ គឺធំណាស់។ វៀតណាមគឺជាប្រទេសនាំចេញកាហ្វេធំទីពីរ បន្ទាប់ពីប្រេស៊ីល ដែលនាំចូលប្រទេសអាល្លឺម៉ង់ ដោយអត្រា១៨,៦៣% នៃចំណែកទីផ្សារនាំចូលកាហ្វេរបស់អាល្លឺម៉ង់។ ឬដូចប្រទេសអ៊ីតាលី ដែលជាប្រទេសល្បីល្បាញដោយសារអ្នកពិសាកាហ្វេ ភាគច្រើនជាកាហ្វេ arabica ក្នុងខែមករា ឆ្នាំ ២០២៣ ក៏បាននាំចូលកាហ្វេ robusta ជាង ១៧ ពាន់តោនពីប្រទេសវៀតណាម ដែលមានតម្លៃជិត ៣៦ លានដុល្លារអាមេរិក។
ដើម្បីបង្កើនឥទ្ធិពលរបស់ខ្លួននៅក្នុងទីផ្សារពិភពលោក ខេត្ត ដាក់ឡាក់ (Dak Lak) បានកំណត់ថា កាហ្វេជាដំណាំសំខាន់និងឈរលំដាប់ "លេខ ១" ក្នុងរចនាសម្ព័ន្ធសេដ្ឋកិច្ចរបស់ខេត្ត។ ខេត្តបានរៀបចំគម្រោងអភិវឌ្ឍកាហ្វេប្រកបដោយនិរន្តរភាព ក្នុងដំណាក់កាលឆ្នាំ២០២៥ រហូតដល់ឆ្នាំ២០៣០ ដោយមានគោលដៅធានាកំណើនបៃតង ស្ថិរភាព និរន្តរភាព ពហុតម្លៃ ដោយទស្សនៈមិនពង្រីកផ្ទៃទំហំ យកចិត្តទុកដាក់លើគុណភាពតំបន់ដាំកាហ្វេពិសេសដែលតភ្ជាប់នឹងតំបន់ណែនាំភូមិសាស្ត្រកាហ្វេ បួនម៉ាធួត (Buon Ma Thuot) ។
បច្ចុប្បន្ននេះ ខេត្ត ដាក់ឡាក់ (Dak Lak) បានបង្កើតតំបន់ឯកវប្បកម្មកាហ្វេ robusta ពិសេសជាច្រើន ។ ក្រុមហ៊ុននាំចេញកាហ្វេជាច្រើនក៏ចូលរួមយ៉ាងសកម្ម នៅពេលបង្កើតតំបន់ដាំវត្ថុធាតុដើមផ្ទាល់ខ្លួនរបស់ពួកគេជាមួយនឹងគំរូសហករណ៍កាហ្វេប្រកបដោយនិរន្តរភាព។ ជាឧទាហរណ៍ គឺក្រុមហ៊ុន Simexco ដាក់ឡាក់ (Dak Lak) បានបង្កើតសហករណ៍កសិកម្មនិរន្តរភាព គឺស៊ូ (Cu Sue) ២-៩ នៅឃុំ គឺស៊ូ (Cu Sue) ស្រុក Cu M'gar ខេត្ត ដាក់ឡាក់ (Dak Lak) ដើម្បីបង្កើតតំបន់ឯកវប្បកម្ម ហ្វេពិសេសជាង ១៥០ ហិចតា។ គំរូនេះបានក្រុមអ្នកជំនាញកសិកម្មនិងសហគ្រាសបរទេសមកទស្សនាស្វែងយល់និងកោតសរសើរឲ្យតម្លៃខ្ពស់។
ប្រភេទកាហ្វេម្សៅល្បីរបស់ក្រុមហ៊ុន ទ្រូងង្វៀន (Trung Nguyen) Legend គ្រុប។ រូបថត៖ ទ្រីញបូ ថាញហ័រ /VNP
បច្ចុប្បន្ននេះ ខេត្ត ដាក់ឡាក់ (Dak Lak) បានបង្កើតតំបន់ឯកវប្បកម្មកាហ្វេ robusta ពិសេសជាច្រើន ។ ក្រុមហ៊ុននាំចេញកាហ្វេជាច្រើនក៏ចូលរួមយ៉ាងសកម្ម នៅពេលបង្កើតតំបន់ដាំវត្ថុធាតុដើមផ្ទាល់ខ្លួនរបស់ពួកគេជាមួយនឹងគំរូសហករណ៍កាហ្វេប្រកបដោយនិរន្តរភាព។ ជាឧទាហរណ៍ គឺក្រុមហ៊ុន Simexco ដាក់ឡាក់ (Dak Lak) បានបង្កើតសហករណ៍កសិកម្មនិរន្តរភាព គឺស៊ូ (Cu Sue) ២-៩ នៅឃុំ គឺស៊ូ (Cu Sue) ស្រុក Cu M'gar ខេត្ត ដាក់ឡាក់ (Dak Lak) ដើម្បីបង្កើតតំបន់ឯកវប្បកម្ម ហ្វេពិសេសជាង ១៥០ ហិចតា។ គំរូនេះបានក្រុមអ្នកជំនាញកសិកម្មនិងសហគ្រាសបរទេសមកទស្សនាស្វែងយល់ និងកោតសរសើរឲ្យតម្លៃខ្ពស់។
ក្រៅពីការរៀបចំតំបន់ដាំដុះ ខេត្ត ដាក់ឡាក់ (Dak Lak) ក៏ជំរុញការអភិវឌ្ឍនមជ្ឈមណ្ឌលកែច្នៃស៊ីជម្រៅ ពង្រីកការផ្សព្វផ្សាយ និងជំរុញការវិនិយោគ បង្កើតសាអាជីវកម្ម និងសហគ្រាសរឹងមាំ ដើម្បីបម្រើការនាំចេញ ក្នុងនោះមានក្រុមហ៊ុនល្បីល្បាញ និងធំៗដែលបានបង្កើតចំណាប់អារម្មណ៍នៅទីផ្សារកាហ្វេពិភពលោក ដូចជា ក្រុមហ៊ុន ទ្រូងង្វៀន (Trung Nguyen) Legand គ្រុប ក្រុមហ៊ុន Simexco ដាក់ឡាក់ (Dak Lak) ក្រុមហ៊ុន អានថាយ (An Thai) ក្រុមហ៊ុន Dakman វៀតណាម ... ដំណោះស្រាយទាំងអស់នេះ ជាមួយគោលដៅមួយគឺការរួមចំណែកក្នុងការបង្កើនតម្លៃនាំចេញនៃឧស្សាហកម្មកាហ្វេរបស់វៀតណាមពី ៤ ពាន់លានដុល្លារអាមេរិកក្នុងមួយឆ្នាំឡើងដល់ ១០ ពាន់លានដុល្លារអាមេរិកក្នុងមួយឆ្នាំ។ នេះគឺការរំពឹងដ៏អស្ចារ្យមួយ ប៉ុន្តែមិនមែនដោយគ្មានមូលដ្ឋានទេ./.
សារមន្ទីរកាហ្វេ នៅទីក្រុង បួនម៉ាធួត (Buon Ma Thuot) ដែលជាកន្លែងឧទ្ទេសនាម និងលើកតម្កើងវប្បធម៌កាហ្វេដ៏ល្បីល្បាញលើពិភពលោក រួមទាំងកាហ្វេវៀតណាមផងដែរ។ រូបថត៖ ថាញហ័រ/VNP
កាហ្វេ Robusta ស្រូបយកអត្រាជាង ៩០% នៃផ្ទៃដីដាំដំណាំកាហ្វេនៅប្រទេសវៀតណាម។ កាហ្វេ Robusta ជាលិតផលពិសេសនៃទីក្រុង បួនម៉ាធួត (Buon Ma Thuot) ពេលឆុងកាហ្វេ ទឹកកាហ្វេមានទឹកខាប់ និងទឹកមានពណ៌អាំប៊ែរដ៏ស្រស់ស្អាត ក្លិនឈ្ងុយលាយឡំនឹងរសជាតិជូរបន្តិចនៃផ្លែឈើធម្មជាតិ អាចប្រើកាហ្វេសុទ្ធ ឬឆុងក្លាយទៅប្រភេទកាហ្វេដ៏ទាក់ទាញផ្សេងៗ និងល្បីល្បាញជាច្រើនដូចជា កាហ្វេខ្មៅ កាហ្វេទឹកដោះគោ កាហ្វេស៊ុត កាហ្វេអំបិល... យោងតាមទិសដៅរហូតដល់ឆ្នាំ ២០២៥ ខេត្ត ដាក់ឡាក់ (Dak Lak) នឹងមានចម្ការកាហ្វេ robusta ពិសេសចំនួន ១.០៦០ ហិកតា និង ២.១២០ ហិចតានៅឆ្នាំ ២០៣០ ទិន្នផលត្រូវបានគេរំពឹងថានឹងមានប្រហែល ១៥០០ តោននៅឆ្នាំ ២០៣០ ។
អត្ថបទ៖ VNP ថាញហ័រ រូបថត៖ ថាញហ័រ ទ្រីញបូ
ប្រែសម្រួលដោយង្វៀនយ៉ាង