នារសៀលថ្ងៃទី២២ ខែមករា ឆ្នាំ២០១៧ ប្រធានគណៈកម្មាធិការឃោសនាអប់រំមជ្ឈឹម លោក Vo Van Thuong បានអញ្ជើញទៅសាកសួរសុខទុក្ខនិងជូនពរឆ្នាំថ្មីនៅមន្ទីរពេទ្យ Cho Ray និង ស្ថានីយ៍ទូរទស្សន៍ទីក្រុងហូជីមិញ។ នៅទីនេះ លោក Vo Van Thuong បានវាយតម្លៃថា មន្ទីរពេទ្យ Cho Ray មិនត្រឹមតែជាកន្លែងពិនិត្យ ព្យាបាលជំងឺ ប៉ុណ្ណោះទេ ថែមទាំងអនុវត្តល្អការងារផ្សព្វផ្សាយ បំប៉ន់កម្មាភិបាលសុខាភិបាល សម្រាប់ភូមិភាគខាងត្បូងទៀតផង។ នាពេលខាងមុខ មន្ទីរពេទ្យគប្បីជម្រុញសកម្ម ភាពស្រាវជ្រាវនិងសហប្រតិបត្តិការ ដើម្បីប្រជាជនអាចមាន ឱកាសទទួលបានសេវាសុខាភិបាលល្អបំផុតស្រដៀង នឹងប្រទេសជឿនលឿនក្នុងតំបន់។
លោកVo Van Thuong និងក្រុមការងារបានអញ្ជើញទៅសាកសួរសុខទុក្ខនិងជូនពរឆ្នាំថ្មីនៅមន្ទីរពេទ្យ Cho Ray
អញ្ជើញទៅសាកសួរសុខទុក្ខនិងជូនពរ បុណ្យតេតប្រពៃណីសម្រាប់កម្មាភិបាល អ្នកយកព័ត៌មានស្ថានីយ៍ទូរទស្សន៍ ទីក្រុងហូជីមិញ លោក Vo Van Thuong មានបំណងថាគណៈកម្មាធិការបក្ស និងគណៈនាយកស្ថានីយ៍ទូរទស្សន៍ ទីក្រុងហូជីមិញ គប្បីផ្តោតការយកចិត្តទុកដាក់ក្នុងការលើកកំពស់ខ្លឹមសារនៃកម្មវិធីនានាសំដៅឆ្លើយតប នឹងតម្រូវការរបស់ទស្សនិកជន។
ក៏ក្នុងថ្ងៃទី២២ ខែមករា ឆ្នាំ២០១៧ ដែរក្រុមការងាររបស់គណៈកម្មាធិការ ទទួលបន្ទុកតំបន់ពាយ័ព្យដឹកនាំដោយអនុប្រធានគណៈកម្មាធិការអចិន្ត្រៃយ៍ នៃគណៈកម្មាធិការ ទទួលបន្ទុកតំបន់ពាយ័ព្យ លោក Hau A Lenh បានទៅសាកសួរសុខទុក្ខ និងជូនអំណោយបុណ្យតេតប្រពៃណី ឆ្នាំរកានព្វស័ក២០១៧ នៅស្រុក SaPa ខេត្ត Lao Cai ផងដែរ៕
តាម VOV5 - វិទ្យុសំឡេងវៀតណាម