អនុប្រធានរដ្ឋសភាលោកស្រី Tong Thi Phong ជួបសម្ដែងការគួរសមជាមួយនាយករដ្ឋមន្រ្តីសម្ដេច តេជោ ហ៊ុន សែន (រូបថត៖ TTXVN)
នៅបណ្ដាជំនួបនេះ អនុប្រធានរដ្ឋសភាវៀតណាមលោកស្រី Tong Thi Phong បានអះអាងថា ដំណើរទស្សនកិច្ចការងារនៅកម្ពុជាលើកនេះ គឺសំដៅបង្ហាញនូវគោលបំណងរបស់រដ្ឋសភាវៀតណា មចង់រួមចំណែកពង្រឹងទំនាក់ទំនងមិត្តភាពជាប្រពៃណី និងកិច្ចសហប្រតិបតិ្តការលើគ្រប់វិស័យ រវាងប្រទេសទាំងពីរនិយាយរួម ក៏ដូចជារវាងស្ថាប័ននីតិបញ្ញតិ្តនៃប្រទេសទាំងពីរនិយាយដោយឡែកផងដែរ។
បន្តដំណើរទស្សនកិច្ចការងារនៅកម្ពុជា នាថ្ងៃទី២៦ ខែមេសា ឆ្នាំ២០១៨ គណៈប្រតិភូជាន់ខ្ពស់រដ្ឋសភា វៀតណាមដឹកនាំដោយអនុប្រធានរដ្ឋសភាលោកស្រី Tong Thi Phong បានជួបសម្ដែងការគួរសមជាមួយព្រះមហាក្សត្រនរោត្តម សីហមុនី នាយករដ្ឋមន្រ្តីសម្ដេច តេជោ ហ៊ុន សែន ប្រធានព្រឹទ្ធសភាសម្ដេច សាយ ឈុំ ហើយជួបចរចាជាមួយអនុប្រធានទីមួយព្រឹទ្ធសភាលោក នៃ ប៉េណា ជួបសំណេះសំណាលជាមួយកម្មាភិបាល បុគ្គលិកស្ថានទូត និងតំណាងសហគ្រាសនិងសហគមន៍ប្រជាអាណិកជនវៀតណាមនៅកម្ពុជា។
អនុប្រធានរដ្ឋសភាលោកស្រី Tong Thi Phong ជួបសម្ដែងការគួរសមជាមួយប្រធានព្រឹទ្ធសភាសម្ដេច សាយ ឈុំ
នៅបណ្ដាជំនួបនេះ អនុប្រធានរដ្ឋសភាវៀតណាមលោកស្រី Tong Thi Phong បានអះអាងថា ដំណើរទស្សនកិច្ចការងារនៅកម្ពុជាលើកនេះ គឺសំដៅបង្ហាញនូវគោលបំណងរបស់រដ្ឋសភាវៀតណាមចង់រួមចំណែកពង្រឹងទំនាក់ទំនង មិត្តភាពជាប្រពៃណីនិងកិច្ចសហប្រតិបតិ្តការលើគ្រប់វិស័យរវាង ប្រទេសទាំងពីរនិយាយរួម ក៏ដូចជារវាងស្ថាប័ននីតិបញ្ញតិ្ត នៃប្រទេសទាំងពីរនិយាយដោយឡែកផងដែរ។ លោកស្រី Tong Thi Phong សង្កត់ធ្ងន់ថា វៀតណាមនឹងធ្វើអស់ពីកម្លាំងកាយចិត្តរួមជាមួយកម្ពុជា ដើម្បីរក្សានិងពូនជ្រុំឲ្យទំនាក់ទំនងមិត្តភាព រវាងប្រទេសទាំងពីរកាន់តែអភិវឌ្ឍន៍យ៉ាងស៊ីជំរៅ និងប្រកបដោយប្រសិទ្ធភាពលើគ្រប់វិស័យ។
ថ្នាក់ដឹកនាំជាន់ខ្ពស់របស់កម្ពុជា បានវាយតំលៃខ្ពស់ហើយសម្ដែងក្ដី សោមនោស្សរីករាយនាពេលដែលទំនាក់ទំនងសហប្រតិបតិ្តការរវងប្រទេសទាំងពីរកាន់តែអភិវឌ្ឍន៍លើគ្រប់វិស័យ ក្នុងនោះទំនាក់ទំនង រវាងស្ថាប័ននីតិបញ្ញាត្តិនៃប្រទេសទាំងពីរ ក៏មានការបោះជំហានអភិវឌ្ឍន៍យ៉ាងខ្លាំងក្លាផងដែរ។
នារសៀលថ្ងៃដដែល គណៈប្រតិភូជាន់ខ្ពស់រដ្ឋសភាវៀតណាមបានចាកចេញពីកម្ពុជា វិលត្រឡប់មកប្រទេសវិញ បញ្ចប់ប្រកបដោយល្អប្រសើរនូវដំណើរទស្សនកិច្ចជាផ្លូវការ ក្នុងរយៈពេល២ថ្ងៃនៅព្រះរាជាណាចក្រកម្ពុជា៕
តាម VOV5 - វិទ្យុសម្លេងវៀតណាម