ឯកអគ្គរដ្ឋទូតវៀតណាមប្រចាំប្រទេសប៉ូឡូញ លោក Ha Hoang Hai បានសង្កត់ធ្ងន់ថា ដំណើរទស្សនកិច្ចជាផ្លូវការនេះរបស់លោកនាយករដ្ឋមន្ត្រីប៉ូឡូញ Donald Tusk គឺមានសារៈសំខាន់បំផុត មិនត្រឹមតែគូសញ្ញាការបន្តទំនាក់ទំនងប្រពៃណីដ៏ល្អប្រសើររវាងប្រទេសទាំងពីរក្រោយរយៈពេលបង្កើតទំនងការទូតជាង ៧៥ ឆ្នាំប៉ុណ្ណោះទេ ប៉ុន្តែថែមទាំងបើកឱកាស និងទស្សនវិស័យថ្មីៗដើម្បីលើកកម្ពស់ទំនាក់ទំនងវៀតណាម-ប៉ូឡូញដល់កម្រិតថ្មីមួយ ដែលធ្វើឱ្យទំនាក់ទំនងទាំងពីរកាន់តែជាក់ស្តែង គ្រប់ជ្រុងជ្រោយ និងមានប្រសិទ្ធភាព។

លោកឯកអគ្គរដ្ឋទូត Ha Hoang Hai បានសម្តែងទំនុកចិត្តថា ជាមួយនឹងការប្តេជ្ញាចិត្តរបស់ថ្នាក់ដឹកនាំនៃប្រទេសទាំងពីរ រួមជាមួយនឹងចំណុចខ្លាំងបំពេញបន្ថែម និងសក្តានុពលសហប្រតិបត្តិការដ៏ធំធេង វៀតណាម និងប៉ូឡូញនឹងមានឱកាសជាច្រើនដើម្បីលើកកម្ពស់ការអភិវឌ្ឍទំនាក់ទំនងទ្វេភាគីតាមរបៀបកាន់តែស៊ីជម្រៅ និងជាក់ស្តែង ដោយនាំមកនូវអត្ថប្រយោជន៍ជាក់ស្តែងដល់អាជីវកម្ម និងប្រជាជននៃប្រទេសទាំងពីរ។ សហគមន៍វៀតណាមនៅប្រទេសប៉ូឡូញបច្ចុប្បន្នមានចំនួនប្រហែល ៣០.០០០ នាក់។ ដូច្នេះ ដំណើរទស្សនកិច្ចរបស់នាយករដ្ឋមន្ត្រី Donald Tusk នឹងបង្កើតលក្ខខណ្ឌអំណោយផលបន្ថែមទៀត ដើម្បីពង្រីកកិច្ចសហប្រតិបត្តិការរវាងអាជីវកម្មនៃប្រទេសទាំងពីរ តាមនោះ ពង្រីកប្រកបដោយប្រសិទ្ធភាពជាងទៀតនូវតួនាទី និងធនធានរបស់សហគមន៍វៀតណាមនៅប្រទេសប៉ូឡូញ៕