សម្រាប់ប្រទេសឡាវ នេះគឺជាដំណើរទស្សនកិច្ចលើកដំបូងរបស់ថ្នាក់ដឹកនាំកំពូលវៀតណាមមួយរូបហើយក៏ជាដំណើរទស្សនកិច្ចលើកដំបូងរបស់ថ្នាក់ដឹកនាំបរទេសមកកាន់ឡាវ បន្ទាប់ ពីប្រទេសឡាវមាននាយករដ្ឋមន្ត្រីថ្មីនិងប្រធានរដ្ឋសភាថ្មី។ ចំពោះប្រទេសកម្ពុជា ដំណើរទស្សនកិច្ចនេះក៏បានធ្វើឡើងក្នុងអំឡុងពេលដែលប្រទេសកម្ពុជាបន្តអនុវត្ត ផែនការសំខាន់ៗ ដើម្បីសម្រេចបាននូវយុទ្ធសាស្ត្រអភិវឌ្ឍន៍សេដ្ឋកិច្ចឌីជីថលរបស់ខ្លួន និងរៀបចំសម្រាប់សកម្មភាពកិច្ចការបរទេស។

តាមរយៈដំណើរទស្សនកិច្ចនេះ ថ្នាក់ដឹកនាំនៃប្រទេសឡាវនិងកម្ពុជា រួមជាមួយនាយករដ្ឋមន្ត្រី លោកឡេ មិញហ៊ឹង បានពិភាក្សាយ៉ាងទូលំទូលាយលើវិស័យជាច្រើនទាក់ទងនឹងទំនាក់ទំនងរវាងបក្សទាំងពីរនិងប្រទេសទាំងពីរ តាមនោះ ពង្រឹងទំនុកចិត្តនយោបាយ និងការយោគយល់គ្នាទៅវិញទៅមក ដោយផ្តល់នូវទិសដៅនយោបាយដ៏សំខាន់សម្រាប់ទំនាក់ទំនងរវាងវៀតណាមជាមួយឡាវ និងកម្ពុជា។ គ្រប់ភាគីទាំងអស់បានបញ្ជាក់ពីសារៈសំខាន់ពិសេសនៃបញ្ហាការពារជាតិនិងសន្តិសុខ ដោយចាត់ទុកបញ្ហាទាំងនោះជាមូលដ្ឋានគ្រឹះនៃទំនាក់ទំនងសហប្រតិបត្តិការ។ ដំណើរទស្សនកិច្ចនេះបើកផ្លូវថ្មីសម្រាប់កិច្ចសហប្រតិបត្តិការ វិស័យថ្មីៗនៃកិច្ចសហប្រតិបត្តិការ និងគម្រោងសហប្រតិបត្តិការថ្មីៗ ដែលនាំមកនូវប្រភពអភិវឌ្ឍន៍ថ្មីសម្រាប់ទាំងវៀតណាម ឡាវ និងកម្ពុជា។

តាមរយៈដំណើរទស្សនកិច្ចនេះ វៀតណាមក៏កំពុងអនុវត្តន៍យ៉ាងសកម្មនូវគោលនយោបាយការបរទេសដែលមហាសន្និបាតទូទាំងប្រទេសលើកទី១៤ របស់បក្សកុម្មុយនិស្តវៀតណាម ក្នុងនោះ បង្ហាញពីការគោរព និងអាទិភាពរបស់ខ្លួនចំពោះទំនាក់ទំនងជិតខាងជាមួយ ឡាវ និងកម្ពុជា។ ហើយក្នុងពេលជាមួយគ្នានេះ ជាការត្រៀមរៀបចំដ៏សំខាន់សម្រាប់សកម្មភាពកម្រិតខ្ពស់រវាងវៀតណាម ជាមួយឡាវ និងកម្ពុជានាពេលអនាគត៕