នាព្រឹកថ្ងៃទី ២៧ មេសា នៅទីស្នាក់ការរដ្ឋាភិបាល នាយករដ្ឋមន្ត្រី លោក Pham Minh Chinh ប្រធានគណៈកម្មាធិការជាតិទទួលបន្ទុកការផ្លាស់ប្តូរឌីជីថលបានដឹកនាំកិច្ចប្រជុំលើកទី ២ នៃគណៈកម្មាធិការវាយតម្លៃលទ្ធផលត្រីមាសទី ១ ឆ្នាំ ២០២២ និងកំណត់ភារកិច្ច  ដំណោះស្រាយសំខាន់ៗ ត្រូវការអនុវត្តនៅត្រីមាសទី ២ ឆ្នាំ២០២២ និងនាពេលខាងមុខ។

ថ្លែងមតិក្នុងសម័យប្រជុំនេះ នាយករដ្ឋមន្ត្រីលោក Pham Minh Chinh បានសង្កត់ធ្ងន់លើការផ្លាស់ប្តូរឌីជីថល ដែលជាកម្លាំងចលករសម្រាប់ការច្នៃប្រឌិត និងមូលដ្ឋានគ្រឹះសម្រាប់សេដ្ឋកិច្ចទំនើប។ ដូច្នេះហើយ លោកនាយករដ្ឋមន្ត្រីបានសង្កត់ធ្ងន់លើការងារមួយចំនួនដែលត្រូវយកចិត្តទុកដាក់ ដូចជាការពិនិត្យឡើងវិញ វិសោធនកម្ម បំពេញបន្ថែមនិងធ្វើឱ្យស្ថាប័នឌីជីថលមានភាពល្អប្រសើឡើង; អភិវឌ្ឍហេដ្ឋារចនាសម្ព័ន្ធផ្លាស់ប្តូរឌីជីថល អនុវត្តបច្ចេកវិទ្យាឌីជីថល កៀរគរធនធានយ៉ាងខ្លាំងក្លាតាមរយៈការលើកកម្ពស់កិច្ចសហប្រតិ បត្តិការសាធារណៈនិងឯកជន...។

ដោយបានប្រគល់ភារកិច្ចជាក់ស្តែងជូនក្រសួង ស្ថាប័ននិងមូលដ្ឋាននីមួយៗ លោកនាយករដ្ឋមន្ត្រីបានស្នើឲ្យអនុវត្តន៍ឲ្យបានខ្លាំងក្លាថែមទៀត ដើម្បីការផ្លាស់ប្តូរឌីជីថលជាតិមានជំហានលោតផ្លោះ បម្រើប្រជាជន និងអាជីវកម្មនាពេលបច្ចុប្បន្ននេះឱ្យកាន់តែប្រសើរឡើង៕