ប្រធានរដ្ឋលោក Tran Dai Quang (ខាងស្ដាំ)ទទួលជួបជាមួយប្រធានសម្ព័ន្ធក្រុមហ៊ុន IMI Systems លោក Yitzhak Aharonovitch (រូបថត៖VOV)
នាព្រឹកថ្ងៃទី២១ ខែកុម្ភៈ ឆ្នាំ២០១៧ នៅរដ្ឋធានីហាណូយ ប្រធានរដ្ឋវៀតណាមលោកTran Dai Quang បានអញ្ជើញទទួលជួបសន្ទនា ជាមួយប្រធានសម្ព័ន្ធក្រុមហ៊ុន IMI Systems Ltd. របស់អ៊ីស្រាអ៊ែលលោក Yitzhak Aharonovitch ដែលកំពុងមកបំពេញទស្សនកិច្ចការងារ នៅវៀតណាម។ នៅទីនេះ លោក Tran Dai Quang បានសំដែងគោលបំណងថា នាពេលខាងមុខ លោក Yitzhak Aharonovitch បន្តរួមវិភាគទានក្នុងការជំរុញ កិច្ចសហប្រតិបតិ្តការ រវាងប្រទេសទាំងពីរឲ្យកាន់តែស៊ីជំរៅថែមទៀត។ លោកប្រធានរដ្ឋវៀតណាម វាយតំលៃខ្ពស់ ចំពោះបច្ចេកវិទ្យាការពារជាតិ របស់អ៊ីស្រាអ៊ែល ហើយស្នើឲ្យភាគីទាំងពីរសហ ប្រតិបត្តិការតាមទិសផ្ទេរប្រគល់បច្ចេកវិទ្យាខ្ពស់ សហប្រតិបត្តិការស្រាវជ្រាវ អភិវឌ្ឍន៍។ រីឯខ្លួនវិញ លោក Yitzhak Aharonovitch មានគោលបំណងបើកទូលាយកិច្ចសហប្រតិបត្តិការ ជាមួយវៀតណាម លើវិស័យនានាដូចជាធានាសន្តិសុខព្រលាន យន្តហោះ ប្រឆាំងភេរវកម្មនិងអប់រំបណ្ដុះបណ្ដាល៕
តាម VOV5 - វិទ្យុសំឡេងវៀតណាម