នាយករដ្ឋមន្ត្រីវៀតណាម លោក ផាម មិញជីញ (Pham Minh Chinh) បានបញ្ចប់ដំណើរទស្សនកិច្ចជាផ្លូវការនៅព្រះរាជាណាចក្រកម្ពុជាដោយជោគជ័យ។
នាយករដ្ឋមន្ត្រីវៀតណាម លោក ផាម មិញជីញ (Pham Minh Chinh) បានបញ្ចប់ដំណើរទស្សនកិច្ចជាផ្លូវការនៅព្រះរាជាណាចក្រកម្ពុជាដោយជោគជ័យ រួមចំណែកក្នុងការអភិវឌ្ឍន៍ទំនាក់ទំនងអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការលើគ្រប់ជ្រុងជ្រោយ និងស្ថិរភាពយូរអង្វែងរវាងប្រទេសទាំងពីរ។
នាយករដ្ឋមន្ត្រីវៀតណាម លោក ផាម មិញជីញ (Pham Minh Chinh) និងគណៈប្រតិភូជាន់ខ្ពស់រដ្ឋាភិបាលវៀតណាមនៅស្តូបអនុស្សាវរីយ៍មិត្តភាពវៀតណាម-កម្ពុជា។ រូបថត៖ យឿងយ៉ាង - VNA
នៅពេលដែលមកដល់អាកាសយានដ្ឋានភ្នំពេញ ដើម្បីចាប់ផ្តើមទស្សនកិច្ចជាផ្លូវការនៅព្រះរាជាណាចក្រកម្ពុជា តាមបណ្តោយផ្លូវទាំងសងខាងឆ្ពោះទៅកាន់កន្លែងនានា ប្រជាពលរដ្ឋរាជធានីភ្នំពេញបានគ្រវីដៃនិងស្វាគមមកកាន់ នាយករដ្ឋមន្ត្រីវៀតណាម លោក ផាម មិញជីញ (Pham Minh Chinh) និងគណៈប្រតិភូជាន់ខ្ពស់វៀតណាម។ ក្នុងដំណើរទស្សនកិច្ចនៅព្រះរាជាណាចក្រកម្ពុជា នាយករដ្ឋមន្ត្រីវៀតណាម លោក ផាម មិញជីញ (Pham Minh Chinh) នៅទីណាក៏ដោយ លោកក៏បានស្វាគមន៍យ៉ាងកក់ក្ដៅដោយក្តីស្រឡាញ់រាប់អាន។
នៅក្នុងកិច្ចពិភាក្សានិងជំនួបសន្ទនារវាងនាយករដ្ឋមន្ត្រីវៀតណាម លោក ផាម មិញជីញ (Pham Minh Chinh) និងថ្នាក់ដឹកនាំកម្ពុជា បានសម្តែងយ៉ាងច្បាស់នូវទំនាក់ទំនងមិត្តភាព ការយោគយល់គ្នា និងការជឿទុកចិត្តគ្នាទៅវិញទៅមក។ ចែករំលែកអំពីស្ថានភាពរបស់ប្រទេសនីមួយៗ និងមានការផ្លាស់ប្តូរយ៉ាងស៊ីជម្រៅលើវិស័យសហប្រតិបត្តិការទ្វេភាគី ក៏ដូចជាបញ្ហាអន្តរជាតិ និងតំបន់ដែលភាគីទាំងពីរមានយកចិត្តទុកដាក់រួម។ មានសូម្បីតែកាយវិការដែលហួសពីក្របខណ្ឌនៃក្រមសីលធម៌ការទូតធម្មតា។
ថ្នាក់ដឹកនាំនៃប្រទេសទាំងពីរបានអះអាងថា នឹងបន្តនាំទំនាក់ទំនងសហប្រតិបត្តិការលើគ្រប់ជ្រុងជ្រោយរវាងប្រទេសទាំងពីរឈានទៅកាន់ដំណាក់កាលអភិវឌ្ឍន៍ថ្មី ដោយឈរលើមូលដ្ឋានសមភាព ទទួលផលប្រយោជន៍ទៅវិញទៅមក កិច្ចសហប្រតិបត្តិការប្រកបដោយប្រសិទ្ធភាព ការគោរពផលប្រយោជន៍គ្នាទៅវិញទៅមកលើគ្រប់វិស័យនយោបាយ-ការទូត។ ; សន្តិសុខការពារ; សេដ្ឋកិច្ច ពាណិជ្ជកម្ម និងការវិនិយោគ; កិច្ចសហប្រតិបត្តិការព្រំដែន; វប្បធម៌ ការអប់រំ។ ទន្ទឹមនឹងនោះ ជំរុញការដោះស្រាយបញ្ហាពាក់ព័ន្ធនឹងព្រំដែន និងកិច្ចសហប្រតិបត្តិការសេដ្ឋកិច្ចមួយចំនួន។
នាយករដ្ឋមន្ត្រីវៀតណាម លោក ផាម មិញជីញ (Pham Minh Chinh) ជួបសន្ទនាជាមួយសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ។ រូបថត៖ យឿងយ៉ាង-VNA
ភាគីទាំងពីរបានចុះហត្ថលេខាលើឯកសារកិច្ចសហប្រតិបត្តិការទ្វេភាគីចំនួន ១១៖
-អនុស្សរណៈនៃការយោគយល់គ្នាអំពីប្រភេទ និងចំនួនយានជំនិះពាណិជ្ជកម្ម សម្រាប់ការអនុវត្តកិច្ចព្រមព្រៀង និងពិធីសារស្តីពីការដឹកជញ្ជូនផ្លូវគោក។
- អនុស្សរណៈនៃការយោគយល់គ្នាស្តីពីកិច្ចសហប្រតិបត្តិការលើវិស័យកសិកម្ម។
- កិច្ចព្រមព្រៀងពាណិជ្ជកម្មព្រំដែន;
- កិច្ចអនុវត្តរួមគ្នាស្ដីពីកិច្ចប្រតិបត្តិការរដ្ឋបាលរួមគ្នាក្រោមក្របខណ្ឌនៃមាត្រា ៥៦ (១)(ក) នៃបទប្បញ្ញត្តិរបស់គណៈកម្មាធិការដែលទទួលបានប្រតិភូកម្មអំណាច (សហភាពអឺរ៉ុប) ២០១៥/២៤៤៦ ចុះថ្ងៃទី២៨ ខែកក្កដា ឆ្នាំ២០១៥បំពេញបន្ថែមបទប្បញ្ញត្តិ (សហភាពអឺរ៉ុប) លេខ ៩៥២/២០១៣ នៃសភា និងក្រុមប្រឹក្សាអឺរ៉ុប ទាក់ទងទៅនឹងវិធានលម្អិត ស្តីពីបទប្បញ្ញត្តិជាក់លាក់នៃក្រមគយរបស់សហភាព សម្រាប់គ្រឿងបង្គុំ និងផ្នែករបស់ទោចក្រយាន
- កិច្ចអនុវត្តរួមគ្នាស្ដីពីកិច្ចប្រតិបត្តិការរដ្ឋបាលរួមគ្នាអនុលោមតាមផ្នែក ១៨(៣)(ខ) បទប្បញ្ញត្តិគយ ២០២០ (ដើមកំណើតទំនិញដែលអាចគិតពន្ធ៖ គម្រោងអនុគ្រោះពន្ធ) (ការចាកចេញពីសមាជិកភាពនៃសហភាពអឺរ៉ុប) សម្រាប់គ្រឿងបង្គុំ និងផ្នែករបស់ទោចក្រយាន
– អនុស្សរណៈនៃការយោគយល់គ្នាស្តីពីកិច្ចសហប្រតិបត្តិការវិទ្យុ និងទូរទស្សន៍ សម្រាប់ឆ្នាំ ២០២២-២០២៥;
- អនុស្សរណៈនៃការយោគយល់គ្នាស្តីពីកិច្ចសហប្រតិបត្តិការលើវិស័យប្រៃសណីយ៍ ទូរគមនាគមន៍ បច្ចេកវិទ្យា គមនាគមន៍និងព័ត៌មាន និងបរិវត្តកម្មឌីជីថល។
- អនុស្សរណៈនៃការយោគយល់គ្នាស្តីពីកិច្ចសហប្រតិបត្តិការទ្វេភាគីរវាងក្រសួងធម្មការ និងសាសនានៃព្រះរាជាណាចក្រកម្ពុជា និងគណៈកម្មាធិការជនជាតិនៃសាធារណរដ្ឋសង្គមនិយមវៀតណាម។
- អនុស្សរណៈនៃការយោគយល់គ្នាស្ដីពីកិច្ចសហប្រតិបត្តិការលើវិស័យការងារ។
- អនុស្សរណៈនៃការយោគយល់គ្នាស្តីពីកិច្ចសហប្រតិបត្តិការផ្នែកនវានុវត្តន៍ហិរញ្ញវត្ថុ និងប្រព័ន្ធទូទាត់សងប្រាក់
- អនុស្សរណៈនៃការយោគយល់គ្នារវាងក្រសួងប្រៃសណីយ៍ និងទូរគមនាគមន៍ព្រះរាជាណាចក្រកម្ពុជា និងក្រុមហ៊ុន Viettel (Cambodia) PTE. LTD. ។
ទន្ទឹមនឹងការចុះហត្ថលេខាលើឯកសារកិច្ចសហប្រតិបត្តិការទ្វេភាគីចំនួន ១១ ដែលបានចុះហត្ថលេខាលើវិស័យជាច្រើន នាយករដ្ឋមន្ត្រីវៀតណាម លោក ផាម មិញជីញ (Pham Minh Chinh) និង សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានលើកឡើងអំពីការសាងសង់ខ្សែផ្លូវដឹកជញ្ជូនតភ្ជាប់រវាងប្រទេសទាំងពីរ រួមទាំងផ្លូវល្បឿនលឿនពីរាជធានីភ្នំពេញនៃព្រះរាជាណាចក្រកកម្ពុជាទៅកាន់ប្រទេសវៀតណាម ដើម្បីតភ្ជាប់អន្តរតំបន់ បង្កើតលក្ខខណ្ឌដើម្បីជំរុញកិច្ចសហប្រតិបត្តិការ ជាពិសេសក្នុងវិស័យពាណិជ្ជកម្ម ទេសចរណ៍ សេវាកម្ម logistic រវាងប្រទេសទាំងពីរ និងចូលរួមខ្សែសង្វាក់ផ្គត់ផ្គង់សកល។
លើសពីនេះ នាយករដ្ឋមន្ត្រីវៀតណាម លោក ផាម មិញជីញ (Pham Minh Chinh) ក៏បានលើកឡើងក្នុងជំនួបពិភាក្សាការងារជាមួយសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាថា លោកបានស្នើឱ្យកម្ពុជា បង្កើតលក្ខខណ្ឌអំណោយផលសម្រាប់សហគមន៍ជនដើមកំណើតវៀតណាមមានស្ថិរភាពក្នុងជីវភាពរស់នៅ ដោះស្រាយបញ្ហាសេសសល់ក្នុងដំណើរការដោះស្រាយឯកសារស្របច្បាប់សម្រាប់ជនជាតិដើមវៀតណាម ពិចារណាបង្កើតលក្ខខណ្ឌនៃការចូលសញ្ជាតិកម្ពុជាសម្រាប់ប្រជាជនមានលក្ខខណ្ឌគ្រប់គ្រាន់។
យើងអាចបញ្ជាក់បានថា ដំណើរទស្សនកិច្ចផ្លូវការរបស់នាយករដ្ឋមន្ត្រីវៀតណាម លោក ផាម មិញជីញ (Pham Minh Chinh) នៅព្រះរាជាណាចក្រកម្ពុជា រួមចំណែកក្នុងការអភិវឌ្ឍន៍ទំនាក់ទំនងអ្នកជិតខាងល្អ មិត្តភាពប្រពៃណី កិច្ចសហប្រតិបត្តិការលើគ្រប់ជ្រុងជ្រោយ និងស្ថិរភាពយូរអង្វែងរវាងប្រទេសទាំងពីរ។ ដំណើរទស្សនកិច្ចនេះមានសារៈសំខាន់ជាពិសេសក្នុង “ឆ្នាំមិត្តភាពកម្ពុជា-វៀតណាម វៀតណាម-កម្ពុជា ឆ្នាំ២០២២” ដើម្បីអបអរសាទរខួបលើកទី៥៥ នៃការបង្កើតទំនាក់ទំនងការទូតរវាងប្រទេសទាំងពីរ រួមចំណែកជំរុញទំនាក់ទំនងទ្វេភាគីឱ្យកាន់តែរីកចម្រើន និងរឹងមាំ នាពេលខាងមុខ៕
អត្ថបទ៖ បូកសរុបកាសែតរូបភាពវៀតណាម រូបថត៖ VNA