ជំរុញកិច្ចសហប្រតិបត្តិការផលិតកម្មកសិកម្មគុណភាពខ្ពស់រវាងវៀតណាមនិងជប៉ុន
នារសៀលថ្ងៃទី៨ ខែធ្នូ ឆ្នាំ២០១៦ នៅទីក្រុងហាណូយ ឧបនាយករដ្ឋមន្ត្រីនិងជារដ្ឋមន្ត្រីការបរទេសវៀតណាម លោក Pham Binh Minh បានជួបសន្ទនាជាមួយលោក Tsutomu Takebe ទីប្រឹក្សាពិសេស សម្ព័ន្ធសមាគមមិត្តភាពជប៉ុន-វៀតណាមដែលកំពុងមានដំណើរបំពេញទស្សនកិច្ចនៅវៀតណាម។ នៅទីនេះ ឧបនាយករដ្ឋមលោក Pham Binh Minh បានវាយតំលៃខ្ពស់មនោសញ្ជេតនា ការតភ្ជាប់ និងការខំប្រឹងប្រែងដោយឥតឈប់ឈរ មិនចេះហត់នឿយរបស់លោក TsutomuTakebe ចំពោះទឹកដីនិងប្រជាជនវៀតណាម ក៏ដូចជាការរួមវិភាគទានសំខាន់របស់សម្ព័ន្ធភាពជប៉ុន-វៀតណាម ក្នុងការពង្រឹងនិងពង្រីកទំនាក់ទំនងរវាងវៀតណាម-ជប៉ុន។ ឧបនាយករដ្ឋមន្ត្រីមានគោលបំណងថា៖នាពេលខាងមុខនេះ វៀតណាមនិងជប៉ុនជំរុញកិច្ចសហប្រតិបត្តិការក្នុងវិស័យកសិកម្ម រុក្ខកម្ម ជលផល …លៗ។
រីឯ លោក TsutomuTakebe បានចែករំលែកនូវជោគជ័យក្នុងការអនុវត្តគំរោងការណ៍មហាវិទ្យាល័យវៀតណាម-ជប៉ុននិងមានគោលបំណងថាបន្តជំរុញកិច្ចសហប្រតិបត្តិការ ឆ្ពោះទៅការកសាងមហាវិទ្យាល័យមួយថ្នាក់អន្តរជាតិ។ ស្ដីអំពីកិច្ចសហប្រតិបត្តិការក្នុងវិស័យកសិកម្ម នាពេលខាងមុខនេះ លោក TsutomuTakebe ថា៖សម្ព័ន្ធភាពមិត្តភាពជប៉ុន-វៀតណាមនឹងជំរុញកិច្ចសហប្រតិបត្តិការជាមួយស្ថាប័ននានា របស់វៀតណាម សមាគមកសិករវៀតណាម ដើម្បីអនុវត្តសកម្មភាពសហប្រតិបត្តិការ ចែករំលែកបទពិសោធន៍ ក្នុងការអភិវឌ្ឍន៍ផលិតកម្ម កសិកម្មគុណភាពតាមរូបសណ្ឋានរបស់ជប៉ុន៕
តាម VOV5 - វិទ្យុសម្លេងវៀតណាម